கொட்டிக்கிடக்கும் தக்காளி.! மூட்டை மூட்டையாக வெங்காயம்.. ஒரு கிலோ எவ்வளவு தெரியுமா.? விண்ணை முட்டும் முருங்கை!

Vegetables Price: தென்மேற்கு பருவமழையால் உயர்ந்த தக்காளி மற்றும் வெங்காயத்தின் விலை தற்போது குறைந்துள்ளது. சென்னை கோயம்பேடு சந்தையில் இன்றைய காய்கறிகளின் விலை நிலவரம் வெளியிடப்பட்டுள்ளது. இதில் முருங்கைக்காய் கிலோ ரூ.320 வரை விற்கப்படும்.

சமையல் என்றாலே காய்கறிகள் முக்கிய பங்கு வகிக்கிறது. குறிப்பாக ரசம் முதல் சாம்பார், பொறியல், கூட்டு, பிரியாணி என அனைத்து வகையான சமையலுக்கும் காய்கறிகள் தேவைப்படுகிறது. இதில் எந்த காய்களை மக்கள் அதிகம் வாங்குகிறார்களோ இல்லையோ கண்டிப்பாக தக்காளி மற்றும் வெங்காயத்தை அதிகளவு மக்கள் வாங்கி செல்வது தான் வழக்கம்.

பை நிறைய இந்த இரண்டு காய்களை மட்டுமே அதிகளவில் மக்கள் வாங்கி செல்வார்கள். ஆனால் இதன் விலை உயர்ந்தால் இல்லத்தரசிகளின் நிலைமை திண்டாட்டம் தான். தென்மேற்கு பருவமழை காலத்தில் மட்டுமே தக்காளி மற்றும் வெங்காயத்தின் விலை புதிய உச்சத்தை எட்டும். அதாவது ஒரு கிலோ தக்காளி 180 ரூபாய்க்கும், வெங்காயம் 150 ரூபாயையும் விற்கப்பட்டது. இதனால் ஏழை எளிய மக்களா வாங்க முடியாத நிலைக்கு தள்ளப்பட்டனர். தக்காளி வெங்காயம் இல்லாமல் சமைக்க தொடங்கினர். ஆனால் அடுத்த சில மாதங்களில் தக்காளி மற்றும் வெங்காயம் லாரியில் மூட்டை மூட்டையாக வந்ததால் விலையானது சரசரவென சரிந்தது.

ஒரு கிலோ தக்காளி தரத்தை பொறுத்து விற்பனை விலை மாறுபடுகிறது. அதாவது சிறிய அளவிலான தக்காளி 5 கிலோ 100 ரூபாய்க்கு விற்பனை செய்யப்படுகிறது. அடுத்த ரக தக்காளி ஒரு கிலோ 35 ரூபாய்க்கும், தரமான தக்காளி அதாவது நாட்டு தக்காளி ஒரு கிலோ 60 ரூபாய்க்கும் விற்பனை செய்யப்படுகிறது.

இந்நிலையில் சென்னை கோயம்பேடு காய்கறி சந்தையின் விலையை தற்போது பார்க்கலாம். பெரிய வெங்காயம் ஒரு கிலோ 20 முதல் 25 ரூபாய்க்கும், சின்ன வெங்காயம் ஒரு கிலோ 60 முதல் 75 ரூபாய்க்கும், தக்காளி ஒரு கிலோ 35 முதல் 40 ரூபாய்க்கும், பச்சை மிளகாய் ஒரு கிலோ 35 ரூபாய்க்கும், பீட்ரூட் ஒரு கிலோ 40 ரூபாய்க்கும், உருளைக்கிழங்கு ஒரு கிலோ 20 ரூபாய்க்கும், வாழைப்பூ ஒரு கிலோ 12 ரூபாய்க்கும் விற்பனையகிறது.

மேலும் குடைமிளகாய் ஒரு கிலோ 40 ரூபாய்க்கும், பாகற்காய் ஒரு கிலோ 35 ரூபாய்க்கும், சுரைக்காய் ஒரு கிலோ 35 ரூபாய்க்கும், அவரைக்காய் ஒரு கிலோ 130 ரூபாய்க்கும், முட்டைக்கோஸ் ஒரு கிலோ 15 ரூபாய்க்கும், கேரட் ஒரு கிலோ 45 ரூபாய்க்கும், காலிபிளவர் ஒரு கிலோ 40 ரூபாய்க்கும் விற்பனை செய்யப்படுகிறது. கொத்தவரை ஒரு கிலோ 66 ரூபாய்க்கும், வெள்ளரிக்காய் ஒரு கிலோ 30 ரூபாய்க்கும், முருங்கைக்காய் ஒரு கிலோ 270 முதல் 320 ரூபாய்க்கும், கத்திரிக்காய் ஒரு கிலோ 30 ரூபாய்க்கும், பீன்ஸ் ஒரு கிலோ 25 ரூபாய்க்கும், இஞ்சி ஒரு கிலோ 60 ரூபாய்க்கும், வெண்டைக்காய் ஒரு கிலோ 40 ரூபாய்க்கும், முள்ளங்கி ஒரு கிலோ 15 ரூபாய்க்கும், பீர்க்கங்காய் ஒரு கிலோ 66 ரூபாய்க்கும், புடலங்காய் ஒரு கிலோ 20 ரூபாய்க்கும் விற்பனை செய்யப்படுகிறது. நாளை பொங்கல் தினம் கொண்டாடப்பட உள்ள நிலையில் காய்கறிகள் விலை உயர வாய்ப்புள்ளதாக கூறப்படுகிறது.