TN Weather Update: தமிழகத்தில் 40 முதல் 50 கி.மீ. வேகம்.. அடிச்சு தும்சம் செய்யப்போகும் இடி மின்னலுடன் கூடிய கனமழை.. எந்தெந்த மாவட்டங்களில்?

Tamilnadu Rain: ஜூன் மாதம் பிறந்த பிறகும் வெயில் கொஞ்சம் கூட குறையாமல் வாட்டி வதைத்து வருகிறது. இந்நிலையில் அடுத்த ஒரு வாரத்தில் தமிழகத்தில் இடி, மின்னலுடன் கூடிய கனமழை வெளுத்து வாங்கப்போகிறது. 

வெயிலால் நொந்து நூடுல்ஸாகும் பொதுமக்கள்

தென் மேற்கு பருவமழை தொடங்கினால் கொஞ்சம் கூட வெயில் குறையால் தமிழகம் முழுவதும் சுட்டெரித்து வருகிறது. இதனால் பொதுமக்கள் நொந்து நூடுல்ஸாகி வருகின்றனர். குறிப்பாக பல்வேறு இடங்களில் வெயில் தொடர்ந்து சதம் அடித்து வருகிறது. நேற்று அதிகபட்சமாக சென்னை மீனம்பாக்கத்தில் 103 டிகிரி வெயில் பதிவாகி இருந்தது. அதேபோல் தொண்டி 103, நுங்கம்பாக்கம், நாகையில் தலா 102, கடலூர், புதுச்சேரியில் தலா 102, காரைக்காலில் 101, மதுரை நகரம் 101, திருச்சி, திருத்தணியில் தலா 101, பரங்கிப்பேட்டை, தஞ்சையில் தலா 100 டிகிரி ஃபாரன்ஹீட் வெயில் பதிவாகியுள்ளது. அவ்வப்போது ஒரு சில இடங்களில் மாலை அல்லது இரவு நேரங்களில் இடி, மின்னலுடன் கனமழை பெய்து வருகிறது.

இன்று எந்தெந்த மாவட்டங்களில் கனமழை

இந்நிலையில் கனமழை குறித்து சென்னை வானிலை மையம் முக்கிய தகவலை தெரிவித்துள்ளது. அதன்படி சென்னை, திருவள்ளூர், காஞ்சிபுரம் மற்றும் செங்கல்பட்டு மாவட்டங்களில் ஒருசில இடங்களில் இடி மின்னலுடன் கூடிய மிதமான மழை பெய்யக்கூடும். திருநெல்வேலி மற்றும் கோயம்புத்தூர் மாவட்டங்களின் மலைப்பகுதிகள் கன்னியாகுமரி, நீலகிரி, வேலூர், திருப்பத்தூர், கிருஷ்ணகிரி, தர்மபுரி, ஈரோடு, சேலம், ராணிப்பேட்டை, மாவட்டங்களில் ஓரிரு இடங்களில் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய கனமழை பெய்யக்கூடும்.என தெரிவிக்கப்பட்டுள்ளது.

நெல்லை கோவையில் கனமழை

அதேபோல் நாளை திருநெல்வேலி மற்றும் கோயம்புத்தூர் மாவட்டங்களின் மலைப்பகுதிகள் கன்னியாகுமரி, நீலகிரி, திண்டுக்கல், வேலூர், திருப்பத்தூர், கிருஷ்ணகிரி, தர்மபுரி, ஈரோடு, சேலம், ராணிப்பேட்டை, திருவண்ணாமலை, விழுப்புரம், கள்ளக்குறிச்சி, தேனி, கடலூர், மயிலாடுதுறை மாவட்டங்கள் புதுவை மற்றும் காரைக்கால் பகுதிகளில் ஒரிரு இடங்களில் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய கனமழை பெய்யக்கூடும் என கணித்துள்ளது.

ஜூன் 13 வானிலை நிலவரம்

மேற்கு தொடர்ச்சி மலை மாவட்டங்கள் மற்றும் வட தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய மிதமான மழை பெய்யக்கூடும். ஏனைய தமிழகத்தில் ஓரிரு இடங்களில் இடி மின்னலுடன் கூடிய லேசான மழை பெய்யக்கூடும் என தெரிவித்துள்ளது.

ஜூன் 14 இடி மின்னலுடன் மழை

மேற்கு தொடர்ச்சி மலை மாவட்டங்கள் மற்றும் வட தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய மிதமான மழை பெய்யக்கூடும். ஏனைய தமிழகத்தில் ஒருசில இடங்களில் இடி மின்னலுடன் கூடிய லேசான மழை பெய்யக்கூடும்.

ஜூன் 15,16 மழைக்கு வாய்ப்பு

மேற்கு தொடர்ச்சி மலை மாவட்டங்கள், கடலோர தமிழகம் மற்றும் அதனை ஒட்டிய மாவட்டங்களில் ஒருசில இடங்களிலும், புதுவை மற்றும் காரைக்கால் பகுதிகளிலும் மிதமான மழை பெய்யக்கூடும். ஏனைய தமிழகத்தில் ஒருசில இடங்களில் லேசான மழை பெய்யக்கூடும் என தெரிவிக்கப்பட்டுள்ளது.

சென்னை இடி மின்னலுடன் மழை

சென்னை மற்றும் புறநகர் பகுதிகளில் இன்று வானம் ஓரளவு மேகமூட்டத்துடன் காணப்படும். மாலை அல்லது இரவு நேரங்களில் நகரின் ஒரிரு பகுதிகளில் இடி மின்னலுடன் கூடிய லேசான முதல் மிதமான மழை பெய்ய வாய்ப்புள்ளது. அதிகபட்ச வெப்பநிலை 38-39 டிகிரி செல்சியஸை ஒட்டியும், குறைந்தபட்ச வெப்பநிலை 29-30 டிகிரி செல்சியஸை ஒட்டியும் இருக்கக்கூடும் என வானிலை மையம் தெரிவித்துள்ளது.