IND vs AUS 2nd ODI: கம்பீருக்கு பிடித்த வீரர் அதிரடி நீக்கம்..! இந்திய அணி பிளேயிங் லெவன் இதோ!

India vs Aus 2nd ODI: நாளை நடைபெற உள்ள ஆஸ்திரேலியாவுக்கு எதிரான 2வது ஒருநாள் போட்டியில் இந்திய அணியில் கம்பீருக்கு பிடித்த ஹர்சித் ராணா நீக்கப்படுகிறார். அனுபவம்வாய்ந்த ஸ்பின்னர் உள்ளே வருகிறார். இந்திய அணியின் பிளேயிங் லெவன் குறித்து பார்க்கலாம்.

இந்தியா vs ஆஸ்திரேலியா 2வது ஓடிஐ

இந்திய அணி ஆஸ்திரேலியாவுக்கு சுற்றுப்பயணம் செய்து 3 ஓடிஐ மற்றும் 5 டி போட்டிகளில் விளையாடுகிறது. இதில் பெர்த்தில் நடந்த முதல் ஒருநாள் போட்டியில் ஆஸ்திரேலிய அணி 7 விக்கெட் வித்தியாசத்தில் வெற்றி பெற்றது. 

இந்த போட்டியில் முதலில் பேட்டிங் செய்த இந்திய அணி மழை காரணமாக 26 ஓவர்களாக குறைக்கப்பட்ட ஆட்டத்தில் 9 விக்கெட் இழப்புக்கு 136 ரன்கள் எடுத்தது. பின்பு விளையாடிய ஆஸ்திரேலியா 21.1 ஓவர்களில் மூன்று விக்கெட்டுகளை மட்டுமே இழந்து இலக்கை எட்டியது.

இந்திய அணி பேட்டிங் மோசம்

முதல் ஆட்டத்தை பொறுத்தவரை இந்திய அணியின் பேட்டிங் மெச்சும்படி இல்லை. 7 மாதங்களுக்கு பிறகு களமிறங்கிய ரோகித் சர்மா(8 ரன்), விராட் கோலி (0) விரைவில் ஆட்டமிழந்து ரசிகர்களை ஏமாற்றினார்கள். இதேபோல் கேப்டன் சுப்மன் கில், ஷ்ரேயாஸ் ஐயரும் எதிர்பார்த்தபடி சிறப்பாக ஆடவில்லை. அதே வேளையில் எதிரணிக்கு குறைவான இலக்கு இருந்தபோதிலும் இந்திய அணி பவுலிங் நன்றாக இருந்தது.

இந்திய அணியில் 2 மாற்றங்கள்

அக்சர் படேல், முகமது சிராஜ், அர்ஷ்தீப் சிங் நன்றாக பந்துவீசினார்கள். ஹர்சித் ராணாவின் பந்துவீச்சு எதிர்பார்த்த படி சிறப்பாக அமையவில்லை. இந்தியா, ஆஸ்திரேலியா இடையிலான 2வது ஓடிஐ போட்டி அடிலெய்டு மைதானத்தில் நாளை (23ம் தேதி) நடைபெறுகிறது. இந்த நிலையில், 2வது ஒருநாள் போட்டியில் இந்திய அணியின் பிளேயிங் லெவனில் இரண்டு மாற்றங்கள் இருக்கலாம் என எதிர்பார்க்கப்படுகிறது.

ஹர்சித் ராணா வெளியே; குல்தீப் உள்ளே

அதாவது கடந்த ஆட்டத்தில் இடம்பெறாத குல்தீப் யாதவ் பிளேயிங் லெவனுக்குள் வரலாம். எதிர்பார்த்த பந்துவீச்சை பதிவு செய்யாத ஹர்சித் ராணா அணியில் இருந்து நீக்கப்பட அதிக வாய்ப்புள்ளது. முதல் ஓடிஐயில் சரியாக விளையாடவில்லை என்றாலும் ரோகித், கோலி இடங்களுக்கு எந்த ஆபத்தும் வராது. சிராஜ், அர்ஷ்தீப் என 2 பாஸ்ட் பவுலர்கள், நிதிஷ் ரெட்டி மித வேகம், அக்சர், குல்தீப் மற்றும் வாஷிங்டன் சுந்தர் என்ற 3 ஸ்பின்னர்கள் என்ற கலவையில் இந்திய அணி விளையாடும்.

இந்திய அணி பிளேயிங் லெவன்

ஆஸ்திரேலியாவுக்கு எதிரான 2வது ஓடிஐயின் இந்திய அணி உத்தேச பிளேயிங் லெவன்: சுப்மன் கில் (கேப்டன்), ரோஹித் சர்மா, விராட் கோலி, ஸ்ரேயாஸ் ஐயர், கே.எல். ராகுல், அக்சர் படேல், வாஷிங்டன் சுந்தர், நிதிஷ் குமார் ரெட்டி, குல்தீப் யாதவ, முகமது சிராஜ் மற்றும் அர்ஷ்தீப் சிங்.