karuppu kavuni Arisi murukku: வழக்கமான முறுக்கை விட வித்தியாசமாக கருப்பு கவுனி அரிசி மாவில் மொறுமொறுப்பான முறுக்கு செய்வது எப்படி? தேவையான பொருட்கள், எளிய செய்முறை, சுவையாகவும் மொறுமொறுப்பாகவும் வருவதற்கான டிப்ஸ் உள்ளிட்ட முழு விவரங்கள் இதோ.
கருப்பு கவுனி அரிசியில் முறுக்கு சுட முடியுமா? இதுவரை வெள்ளை அரிசி மாவு, கடலை மாவு வைத்து முறுக்கு செய்து சுவைத்திருப்பீர்கள். ஆனால், கருப்பு கவுனி அரிசி மாவை வைத்து கருமையான நிறத்தில், பார்ப்பதற்கே வித்தியாசமாகவும் சாப்பிடும்போது மொறுமொறுப்பாகவும் இருக்கும் முறுக்கு செய்யலாம் என்பது உங்களுக்குத் தெரியுமா?
பாரம்பரிய கருப்பு கவுனி அரிசியின் தனித்துவமான சுவையுடன், கருப்பு எள்ளின் மணமும் சீரகத்தின் வாசனையும் சேர்ந்து இந்த முறுக்குக்கு அட்டகாசமான சுவையைத் தரும். வழக்கமான முறுக்கை விட வித்தியாசமான இந்த ஸ்நாக்ஸை தீபாவளி பலகாரமாகவும், மாலை நேர டீக்கான சிற்றுண்டியாகவும் செய்து அசத்தலாம்.
வீட்டில் இருக்கும் சில பொருட்களை வைத்து எளிமையாகச் செய்யக்கூடிய இந்த கருப்பு கவுனி அரிசி முறுக்கு செய்முறையை இப்போது பார்க்கலாம்.
210
கருப்பு கவுனி அரிசி முறுக்கு - தேவையான பொருட்கள்
கருப்பு கவுனி இடியாப்ப மாவு - 1 கப்
கடலை மாவு - 1\2 கப்
சீரகம் - 1 தேக்கரண்டி
கருப்பு எள்ளு - 1 தேக்கரண்டி
பெருங்காயத்தூள் - 1\4 தேக்கரண்டி
உப்பு - தேவையான அளவு
சூடான எண்ணெய் - 2 மேசைக்கரண்டி
தண்ணீர் - தேவையான அளவு
முறுக்கு - பொரிக்க எண்ணெய் தேவையான அளவு
310
கருப்பு கவுனி அரிசி முறுக்கு செய்முறை - படி 1
ஒரு அகலமான பாத்திரத்தில் கருப்பு கவுனி இடியாப்ப மாவு, கடலை மாவு, சீரகம், கருப்பு எள்ளு, பெருங்காயத்தூள் மற்றும் தேவையான அளவு உப்பு சேர்த்து கலக்கவும்.
ஒரு சிறிய பாத்திரத்தில் எண்ணெயைச் சூடாக்கி, மாவில் 2 மேசைக்கரண்டி அளவு ஊற்றவும். சூடான எண்ணெய் மாவில் நன்றாகப் பரவும்படி கரண்டியால் கலக்கவும். இதனால் முறுக்கு பொரித்த பிறகு மொறுமொறுப்பாக இருக்கும்.
510
படி 3
முறுக்கு மாவைப் பிசையவும்
மாவுடன் சிறிது சிறிதாகத் தண்ணீர் சேர்த்து மென்மையாகப் பிசையவும். மாவு மிகவும் இறுக்கமாகவும் இருக்கக்கூடாது. அதிகமாகத் தளர்வாகவும் இருக்கக்கூடாது. முறுக்கு அச்சில் எளிதாகப் பிழியக்கூடிய பதத்தில் இருக்க வேண்டும்.
610
படி 4
முறுக்கு பிழியவும்
முறுக்கு அச்சில் ஐந்து கண்ணு வடிவத் தட்டு பொருத்தி, தயார் செய்த மாவை உள்ளே நிரப்பவும். ஒரு சுத்தமான வாழை இலை அல்லது எண்ணெய் தடவிய தட்டில் வட்ட வடிவில் முறுக்குகளைப் பிழிந்து தயார் செய்து கொள்ளவும்.
710
படி 5
முறுக்கைப் பொரிக்கவும்
கடாயில் எண்ணெய் ஊற்றி மிதமான சூட்டில் காய வைக்கவும். எண்ணெய் சரியான சூட்டுக்கு வந்ததும், பிழிந்து வைத்த முறுக்குகளை மெதுவாக எண்ணெயில் போடவும். மிதமான தீயில் முறுக்குகளைத் திருப்பிப் போட்டு, நன்றாக வேகும் வரை பொரிக்கவும். முறுக்கில் உள்ள ஈரப்பதம் குறைந்து, எண்ணெயில் வரும் சத்தம் குறையும்போது எடுத்து வடிகட்டவும்.
810
படி 6
ஆற வைத்து சேமிக்கவும்
பொரித்த முறுக்குகளை ஒரு தட்டில் வைத்து முழுமையாக ஆற விடவும். பின்னர் காற்று புகாத டப்பாவில் சேமித்து வைத்தால், பல நாட்கள் மொறுமொறுப்பாகச் சுவைக்கலாம்.
910
கருப்பு கவுனி முறுக்கு சுவையாக வர சில குறிப்புகள்
மாவில் சூடான எண்ணெய் சேர்ப்பது முறுக்குக்கு நல்ல மொறுமொறுப்பைத் தரும்.
மாவை ஒரே நேரத்தில் அதிகமாகப் பிசைந்து வைக்காமல், சிறிது சிறிதாகப் பிசைந்து முறுக்கு பிழியவும்.
எண்ணெய் மிகவும் சூடாக இருந்தால் முறுக்கு வெளியே மட்டும் வேகி உள்ளே வேகாமல் போகலாம்.
கருப்பு கவுனி மாவின் தன்மையைப் பொறுத்து தண்ணீர் அளவு மாறலாம்.
முறுக்கு மென்மையாக இருந்தால், மாவில் சிறிது கடலை மாவு சேர்த்து பதத்தைச் சரிசெய்யலாம்.
கருப்பு கவுனி அரிசியின் இயல்பான நிறத்தால் முறுக்கு அடர் ஊதா அல்லது கருமையான நிறத்தில் இருக்கும்.
1010
கருப்பு கவுனி அரிசி முறுக்கு ஏன் வித்தியாசமானது?
கருப்பு கவுனி அரிசி பாரம்பரியமாகப் பயன்படுத்தப்படும் ஒரு சிறப்பு அரிசி வகையாகும். இதன் தனித்துவமான நிறமும் சுவையும் இந்த முறுக்குக்கு புதுமையான தோற்றத்தைத் தருகின்றன.
கருப்பு எள்ளு, சீரகம், பெருங்காயம் ஆகியவை சேர்வதால் மணமும் சுவையும் அதிகரிக்கின்றன. வழக்கமான முறுக்கிலிருந்து மாறுபட்ட பலகாரம் விரும்புபவர்களுக்கு இது ஒரு சிறந்த தேர்வாக இருக்கும்.
இப்படி ஒரு முறை கருப்பு கவுனி அரிசி முறுக்கு செய்து பாருங்கள். வீட்டில் உள்ளவர்கள் மட்டுமின்றி, விருந்தினர்களும் இதன் வித்தியாசமான நிறத்தையும் சுவையையும் பார்த்து ஆச்சரியப்படுவார்கள். தீபாவளி பலகாரப் பட்டியலில் புதுமையான முறுக்கு வகையைச் சேர்க்க நினைப்பவர்களுக்கு இந்த ரெசிபி நிச்சயம் பிடிக்கும்.
