Silver Varak on Sweets : ஸ்வீட் மேல பளபளன்னு ஒட்டி வர்ற சில்வர் வொர்க், உண்மையிலேயே சுத்தமான 'ஃபூட் கிரேடு' வெள்ளியா இருந்தா மட்டும்தான் சாப்பிடலாம். இல்லையென்றால் அது உடலுக்கு ஆபத்தாக அமையும்.
இது சாப்பிடக்கூடிய, ரொம்பவே மெல்லிசான ஒரு வெள்ளித் தகடு. ஒரு மைக்ரோமீட்டரை விட குறைவான தடிமன்தான் இருக்கும். இதுக்கு சுவையோ, வாசனையோ கிடையாது. ஸ்வீட்ஸை பார்க்க அழகா, கவர்ச்சியா காட்டுறதுதான் இதோட ஒரே வேலை. முகலாயர்கள் காலத்துல இருந்து இந்த பழக்கம் இந்தியாவுல இருக்கு. அப்போ, அரச குடும்பத்தோட விருந்தோம்பலையும், ஆடம்பரத்தையும் காட்ட தங்கம், வெள்ளித் தகடுகளை ஸ்வீட்ஸ்ல பயன்படுத்தினாங்க. காலப்போக்குல, வெள்ளி மங்களகரமான சின்னமா மாறிடுச்சு.
பழைய காலத்துல, வெள்ளியை ரொம்ப மெல்லிய தாள் ஆக்க, விலங்குகளோட (பெரும்பாலும் காளை அல்லது ஆடு) குடல் அல்லது தோல் நடுவுல வெச்சு சுத்தியலால தட்டுவாங்க. இதனால, பல சைவர்கள் இதை சாப்பிடத் தயங்குனாங்க. ஆனா இப்போ காலம் மாறிடுச்சு. இந்திய உணவுப் பாதுகாப்பு மற்றும் தர நிர்ணய ஆணையத்தோட (FSSAI) விதிகளின்படி, சில்வர் வொர்க் தயாரிப்புல எந்த விலங்குப் பொருட்களையும் பயன்படுத்தக் கூடாது. இப்போ நவீன மெஷின்கள் மூலமா, முழுசா சைவ முறையிலதான் இதைத் தயாரிக்கிறாங்க.
நீங்க சாப்பிடுற சில்வர் வொர்க் 99.9% சுத்தமான 'ஃபூட் கிரேடு' வெள்ளியா இருந்தா, அதை கொஞ்சமா சாப்பிடுறதுல தப்பு இல்ல. அது நம்ம உடம்புல ஜீரணம் ஆகாது, எந்தப் பிரச்சினையும் இல்லாம உடலை விட்டு வெளியேறிடும். ஆனா லாபத்துக்காக, சில தயாரிப்பாளர்கள் வெள்ளிக்கு பதிலா அலுமினியம் ஃபாயில் அல்லது கலப்பட உலோகங்களைப் பயன்படுத்துறாங்க. இதை சாப்பிட்டா உடம்புக்கு ரொம்பவே ஆபத்து.
உண்மையான வெள்ளித் தாளை கையால தொட்டாலே போதும், அது சுலபமா கிழிஞ்சு கையில ஒட்டிக்கும். அதுவே அலுமினியம் ஃபாயிலா இருந்தா, அது கொஞ்சம் கெட்டியா இருக்கும். விரலால தேய்ச்சா ஒரு சின்ன உருண்டை மாதிரி ஆகிடும்.
