அத்திப்பழம் உடலுக்கு நல்லது தான். ஆனால் சில பொருட்களுடன் சேர்த்து சாப்பிடும் போது நன்மைகளையும், சில பொருட்களுடன் சாப்பிடும் போது ஒவ்வாமையையும் ஏற்படுத்தும். அப்படி பாலில் கலந்து சாப்பிட்டால் நல்லதா? அதனால் என்ன பலன் என்பதை தெரிந்து கொள்ளலாம்.
இன்றைய அவசர உலகில் பலருக்கும் தூக்கமின்மை ஒரு பெரும் சவாலாக உள்ளது. இரவு முழுவதும் படுக்கையில் புரண்டு படுத்தாலும், தூக்கம் கண்ணுக்கு எட்டாத தூரத்தில் இருக்கும். ஆனால், அத்திப்பழத்தை பாலில் ஊறவைத்து சாப்பிட்டால், நிம்மதியான உறக்கம் நிச்சயம். அத்திப்பழத்தில் இருக்கும் சில சத்துக்கள், நம் மனதை அமைதிப்படுத்தி, ஆழ்ந்த தூக்கத்திற்கு வழிவகுக்கும். பால் கலந்த அத்திப்பழத்தை பருகும்போது, உடல் மற்றும் மனம் ரிலாக்ஸ் ஆகி, காலையில் புத்துணர்ச்சியுடன் எழ உதவும்.
29
எலும்புகள் வலுவாகும், பற்கள் பலப்படும்:
எலும்புகளும், பற்களும் நம் உடலின் தூண்கள். அவை வலுவாக இருந்தால் தான், நாம் ஆரோக்கியமாக வாழ முடியும். அத்திப்பழம் மற்றும் பால் இரண்டிலுமே எலும்புகளுக்கு அத்தியாவசியமான சத்துக்கள் நிறைந்துள்ளன. குறிப்பாக, கால்சியம் இதில் அபரிமிதமாக உள்ளது. இந்த சத்துக்கள் எலும்புகளை வலுப்படுத்தி, பற்களை உறுதிப்படுத்துகின்றன. வளரும் குழந்தைகளுக்கும், வயதானவர்களுக்கும் இது மிகவும் நல்லது. எதிர்காலத்தில் எலும்பு தேய்மானம் போன்ற பிரச்சனைகள் வருவதையும் இது தடுக்கும்.
39
செரிமான கோளாறுகளுக்கு தீர்வு:
பலருக்கு செரிமான பிரச்சனைகள் தினசரி தொந்தரவாக இருக்கும். மலச்சிக்கல், அஜீரணம், வயிற்று உப்புசம் போன்ற பிரச்சனைகள் அன்றாட வாழ்க்கையை பாதிக்கும். அத்திப்பழத்தில் நார்ச்சது நிரம்பி வழிகிறது. இந்த நார்ச்சத்து, செரிமான மண்டலத்தை சீராக்கி, கழிவுகளை எளிதாக வெளியேற்ற உதவுகிறது. பாலுடன் சேர்த்து சாப்பிடும்போது, இது குடலை நன்கு சுத்தப்படுத்தி, செரிமான சக்தியை மேம்படுத்துகிறது. மலச்சிக்கல் உள்ளவர்கள் தினமும் அத்திப்பழத்தை பாலில் ஊறவைத்து சாப்பிட்டு வந்தால் நல்ல பலன் கிடைக்கும்
உடலில் நோய் எதிர்ப்பு சக்தி அதிகமாக இருந்தால், எந்த நோயும் நம்மை அண்டாது. அத்திப்பழமும், பாலும் நோய் எதிர்ப்பு சக்தியை அதிகரிக்க உதவும் சிறந்த கலவை. இந்த கலவையில் உள்ள வைட்டமின்கள் மற்றும் தாதுக்கள், நம் உடலை பல நோய்களில் இருந்து பாதுகாக்கும். குறிப்பாக, சளி, காய்ச்சல் போன்ற பிரச்சனைகளில் இருந்து நம்மை காத்துக்கொள்ள இது உதவும்.
59
இதயத்திற்கு ஆரோக்கியம்:
இதயம் ஆரோக்கியமாக இருந்தால் தான், நாம் நீண்ட நாள் வாழ முடியும். அத்திப்பழத்தில் பொட்டாசியம் அதிகமாக உள்ளது. இது இரத்த அழுத்தத்தை கட்டுக்குள் வைத்திருக்க உதவும். பாலில் உள்ள சத்துக்களும் இதய ஆரோக்கியத்திற்கு நல்லது. எனவே, இந்த கலவையை தொடர்ந்து எடுத்துக்கொள்வது இதய நோய்கள் வருவதற்கான வாய்ப்பைக் குறைக்கும்.
69
ரத்த சோகைக்கு விடை:
உடலில் ரத்தம் குறைவாக இருந்தால், சோர்வு, மயக்கம் போன்ற பிரச்சனைகள் வரும். அத்திப்பழத்தில் இரும்புச்சத்து நிறைந்துள்ளது. இது உடலில் ரத்த சிவப்பணுக்களை உற்பத்தி செய்ய உதவும். ரத்த சோகை உள்ளவர்கள் தினமும் அத்திப்பழத்தை பாலில் ஊறவைத்து சாப்பிட்டு வந்தால், ரத்த அளவு அதிகரித்து, ஆரோக்கியமாக உணரலாம்.
79
உடல் எடை கட்டுக்குள் இருக்கும் :
அத்திப்பழத்தில் நார்ச்சத்து அதிகம் உள்ளதால், இதை சாப்பிடும்போது வயிறு நிறைந்த உணர்வு ஏற்படும். இதனால் பசியைக் கட்டுப்படுத்தி, தேவையில்லாமல் சாப்பிடுவதைத் தவிர்க்கலாம். மேலும், இதில் கலோரிகள் குறைவாக இருப்பதால், உடல் எடையைக் குறைக்க விரும்புபவர்களுக்கு இது ஒரு நல்ல தேர்வு. ஆனால், இதில் இயற்கையான இனிப்பு இருப்பதால், அளவோடு எடுத்துக்கொள்வது முக்கியம்.
89
ஹார்மோன் சமநிலையின்மைக்கு தீர்வு:
பெண்களுக்கு ஏற்படும் ஹார்மோன் சமநிலையின்மை பல பிரச்சனைகளுக்கு வழிவகுக்கும். அத்திப்பழம், பாலுடன் சேர்த்து சாப்பிடும்போது, ஹார்மோன் அளவை சீராக்க உதவும். மாதவிடாய் காலத்தில் ஏற்படும் அசௌகரியங்களுக்கும் இது நல்ல நிவாரணம் தரும்.
99
எப்படி தயார் செய்வது?
இரண்டு அல்லது மூன்று காய்ந்த அத்திப்பழங்களை எடுத்து, ஒரு கிளாஸ் பாலில் இரவு முழுவதும் ஊறவைத்து தூங்குவதற்கு முன் ஊறிய அத்திப்பழங்களையும், பாலையும் அப்படியே சாப்பிடலாம். சிலர் இதை மிக்ஸியில் போட்டு அரைத்து மில்க் ஷேக் போலவும் அருந்துவார்கள். இனிப்பிற்கு தேன் சேர்க்கலாம்.
அத்திப்பழம் மற்றும் பால் கலவை, வெறும் சுவைக்காக மட்டுமல்ல, ஆரோக்கியத்திற்காகவும் ஒரு அற்புத தேர்வு. இதை உங்கள் அன்றாட உணவில் சேர்த்து, எண்ணற்ற நன்மைகளைப் பெறுங்கள்.
