தினமும் உணவில் நெய்யை சேர்த்துக் கொண்டாலும் அதன் பலன்கள் முழுமையாக நம்முடைய உடலுக்கு கிடைக்காமல் போகிறது. இதற்கு நாம் செய்யும் குறிப்பிட்ட 6 தவறுகள் தான் காரணம். இதை நீங்களும் செய்தால் நெய்யை பயன்படுத்தும் போது இனி மாற்றிக் கொள்ளுங்கள்.
நமது இந்திய சமையலறைகளில் நெய் ஒரு தவிர்க்க முடியாத உணவுப் பொருள். இது வெறும் சுவையூட்டி மட்டுமல்ல, ஆயுர்வேதத்தில் ஆரோக்கியத்தின் பொக்கிஷமாகவும் கருதப்படுகிறது. நெய்யில் வைட்டமின்கள் A, E, மற்றும் D போன்ற ஊட்டச்சத்துக்கள் உள்ளன. இவை செரிமானத்திற்கு உதவுவதோடு, உடலின் நோய் எதிர்ப்பு சக்தியை அதிகரிக்கவும் செய்கிறது. ஆனால், இத்தகைய அற்புதங்கள் நிறைந்த நெய்யை நாம் பயன்படுத்தும் முறையில் செய்யும் சில சிறிய தவறுகள், அதன் முழுமையான நன்மைகளை நமக்குக் கிடைக்க விடாமல் செய்துவிடுகின்றன.
27
அதிக வெப்பத்தில் சூடுபடுத்துதல்:
நெய்யில் அதிக புகை புள்ளி உள்ளது என்பது உண்மைதான். அதாவது, மற்ற எண்ணெய்களை விட நெய் அதிக வெப்பத்தைத் தாங்கும். ஆனால், அதன் புகை புள்ளியைத் தாண்டி அதிக நேரம் சூடுபடுத்தும்போது, அதில் உள்ள அத்தியாவசிய ஊட்டச்சத்துக்கள் மற்றும் கொழுப்பு அமிலங்கள் சிதைந்துவிடும். இதுமட்டுமின்றி, அதிக வெப்பம் நெய்யில் தீங்கு விளைவிக்கும் ஃப்ரீ ரேடிக்கல்களை உருவாக்கி, அதன் ஆரோக்கிய நன்மைகளுக்குப் பதிலாக உடலுக்குக் கேடு விளைவிக்கக்கூடும். மிதமான சூட்டில் நெய்யை பயன்படுத்துவதே சிறந்தது. தாளிப்பதற்கு அல்லது சமைத்த உணவில் கடைசியாக சேர்ப்பதற்கு நெய்யை பயன்படுத்தலாம்.
37
தவறான பாத்திரத்தில் சேமித்தல்:
நெய்யை சேமித்து வைக்கும் முறை மிகவும் முக்கியமானது. பிளாஸ்டிக் பாத்திரங்களில் நெய்யை சேமிக்கும்போது, அதில் உள்ள வேதிப்பொருட்கள் நெய்யுடன் கலந்து அதன் தூய்மையைக் கெடுக்கும். மேலும், சூரிய ஒளி நேரடியாகப் படும் இடத்திலோ அல்லது ஈரப்பதம் உள்ள இடத்திலோ வைத்தால், நெய் விரைவில் கெட்டுப்போய், அதன் மணமும் குணமும் மாறிவிடும்.நெய்யை காற்று புகாத, சுத்தமான கண்ணாடி அல்லது எவர்சில்வர் பாத்திரத்தில் சேமித்து, குளிர்ந்த மற்றும் உலர்ந்த இடத்தில் வைக்கவும்.
நெய் பாத்திரத்தில் இருந்து நெய்யை எடுக்க ஈரமான அல்லது ஏற்கனவே பயன்படுத்திய கரண்டியைப் பயன்படுத்துவது நாம் செய்யும் மிகப்பெரிய தவறுகளில் ஒன்றாகும். கரண்டியில் உள்ள ஈரப்பதம் அல்லது உணவுத் துகள்கள் நெய்யில் பூஞ்சை மற்றும் பாக்டீரியாக்கள் உருவாகக் காரணமாகி, நெய்யை முழுவதுமாகப் பாழாக்கிவிடும். நெய்யை எடுக்கும் ஒவ்வொரு முறையும் சுத்தமான மற்றும் முற்றிலும் உலர்ந்த கரண்டியை மட்டுமே பயன்படுத்துவதை வழக்கமாக்கிக் கொள்ளுங்கள்.
57
ஆரோக்கியமற்ற உணவுகளுடன் சேர்த்தல்:
நெய் ஆரோக்கியமானது என்பதற்காக, அதை ஆரோக்கியமற்ற உணவுகளுடன் சேர்த்து சாப்பிடுவது எந்த வகையிலும் பயனளிக்காது. வறுத்த, பொரித்த அல்லது அதிக சர்க்கரை கொண்ட உணவுகளுடன் நெய்யைச் சேர்க்கும்போது, அது உணவின் கலோரி அளவை அதிகரிக்குமே தவிர, எந்தவிதமான ஆரோக்கிய நன்மையையும் தராது. நெய்யை பருப்பு, சப்பாத்தி, வேகவைத்த காய்கறிகள் அல்லது சாதம் போன்ற ஆரோக்கியமான உணவுகளுடன் சேர்த்து சாப்பிடுவதே சிறந்தது.
67
அளவுக்கு அதிகமாக உட்கொள்ளுதல்:
அமுதமும் அளவுக்கு மிஞ்சினால் நஞ்சு என்பது நெய்க்கும் பொருந்தும். நெய்யில் ஆரோக்கியமான கொழுப்புகள் இருந்தாலும், அது கொழுப்புதான். எனவே, தேவைக்கு அதிகமாக உட்கொள்ளும்போது, அது உடலில் கெட்ட கொழுப்பின் அளவை அதிகரித்து, உடல் பருமன் மற்றும் இதயம் தொடர்பான பிரச்சினைகளுக்கு வழிவகுக்கும். ஒரு நாளைக்கு 1 முதல் 2 டீஸ்பூன் நெய் எடுத்துக்கொள்வதே போதுமானது.
77
தரம் குறைந்த நெய்யை வாங்குதல்:
சந்தையில் கிடைக்கும் அனைத்து நெய்களும் தூய்மையானவை அல்ல. வனஸ்பதி அல்லது பிற எண்ணெய்கள் கலப்படம் செய்யப்பட்ட நெய்யை வாங்கும்போது, அதில் டிரான்ஸ் கொழுப்புகள் (Trans Fats) போன்ற தீங்கு விளைவிக்கும் கூறுகள் இருக்கலாம். இது நெய்யின் இயற்கையான நன்மைகளைத் தராமல், உடலுக்குக் கேடு விளைவிக்கும். சுத்தமான மற்றும் தரமான நெய்யை, குறிப்பாக நாட்டுப் பசுவின் பாலில் இருந்து தயாரிக்கப்பட்ட நெய்யை (A2 Ghee) வாங்குவது நல்லது. முடிந்தால் வீட்டிலேயே நெய் காய்ச்சி பயன்படுத்தலாம்.
