ஒவ்வொரு ஊருக்கும் பிரியாணி செய்யும் விதம், சுவை மாறுபடும். அதில் செட்டிநாட்டு பிரியாணிக்கு தனி இடம் உண்டு. இதில் சேர்க்கப்படும் மசாலாக்கள் அனைத்தும் ஃபிரஷாக தயாரித்து சேர்க்கப்படுவதால் இதற்கு எப்போதுமே தனித்துவமான சுவையும், மணமும் உண்டு.
செட்டிநாடு பிரியாணி எனக் கேட்டாலே நம்மை ஒரு வித்தியாசமான சுவை தான் நினைவிற்கு வரும். மசாலா மணம் மிகுந்த இந்த பிரியாணி, செட்டிநாட்டு சமையலின் தனிச்சிறப்பு ஆகும். காரசாரமும், ஃபிரஷான மசாலா கலவையுடன், செட்டிநாடு ஸ்பெஷல் மட்டன் பிரியாணியை வீட்டிலேயே எளிதாக செய்யலாம். இதன் சுவை எத்தனை நாட்கள் ஆனாலும் உங்கள் மனதில் நிற்கும்.
சீரகம் – 1 டீஸ்பூன்
சோம்பு – 1 டீஸ்பூன்
மிளகு – 1/2 டீஸ்பூன்
கிராம்பு – 4
ஏலக்காய் – 3
இலவங்கப்பட்டை – 1 துண்டு
அன்னாசிப்பூ – 1 துண்டு
பட்டை – 1 துண்டு
பாஸ்மதி அரிசி – 2 கப் (அரை மணி நேரம் ஊற வைத்தது)
மட்டன் – 500 கிராம் (தூய்மையாக கழுவி சிறு துண்டுகளாக வெட்டியது)
பெரிய வெங்காயம் – 2 (மெல்லிதாக வெட்டியது)
தக்காளி – 2 (நன்றாக நறுக்கியது)
பச்சை மிளகாய் – 4
இஞ்சி பூண்டு விழுது – 2 டீஸ்பூன்
புதினா, கொத்தமல்லி – ஒரு கைப்பிடி (நறுக்கி வைத்தது)
தயிர் – 1/2 கப்
மஞ்சள்தூள் – 1/2 டீஸ்பூன்
மிளகாய்த்தூள் – 1 டீஸ்பூன்
தனியா தூள் – 1 டீஸ்பூன்
உப்பு – தேவையான அளவு
எண்ணெய் – 3 டீஸ்பூன்
நெய் – 2 டீஸ்பூன்
லெமன் – 1
- மசாலா தூள் தயாரிக்க காய்ந்த பொருட்களை வெறும் வாணலில் நன்கு வறுக்கவும். நல்ல மணம் வீசும்போது இறக்கி, ஆறியதும் மிக்ஸியில் அரைத்து பொடியாக வைத்து கொள்ளவும்.
- சுத்தமாக கழுவிய மட்டனில் தயிர், மஞ்சள்தூள், இஞ்சி பூண்டு விழுது, உப்பு, சிறிதளவு புதினா, கொத்தமல்லி சேர்த்து 30 நிமிடங்கள் ஊற வைக்கவும்.
- கடாயில் எண்ணெய், நெய் சேர்த்து சூடாக்கி, வெங்காயத்தை பொன்னிறமாகும் வரை வதக்கவும்.
- பின் பச்சை மிளகாய், தக்காளி, மசாலா தூள், தனியா தூள், மிளகாய்த்தூள் சேர்த்து நன்கு வதக்கவும்.
- ஊற வைத்த மட்டனை சேர்த்து 15-20 நிமிடங்கள் மூடி வைத்து வேக விடவும்.
- அரிசியை தண்ணீரில் கழுவி, தேவையான அளவு (1:2 விகிதம்) தண்ணீர் சேர்த்து கொதிக்க விடவும்.
- புதினா, கொத்தமல்லி சேர்த்து, அரிசியை அதில் சேர்த்து மெதுவாக கிளறி, மூடி வைத்து 15 நிமிடங்கள் தம் செய்து விடவும்.
செட்டிநாடு பிரியாணியை வெங்காய ரைத்தா, சிக்கன் கிரேவி, முட்டை மற்றும் சூப்பரான சால்னாவுடன் பரிமாறினால் அதன் சுவை மேலும் அதிகரிக்கும்.
மேலும் படிக்க:அவசியம் சாப்பிட வேண்டிய சத்தான 6 உளுந்து ஸ்நாக்ஸ்
- மட்டனை 30 நிமிடங்களுக்கு மேல் ஊற வைத்தால் இன்னும் நன்றாக மென்மையாக இருக்கும்.
- அரிசியை மிகுந்த உஷாராக கிளறி, தண்ணீர் அளவை சரியாக வைத்தால் பிரியாணி ஒட்டாமல் இருக்கும்.
- அதிக காரசாரமான சுவை விரும்பினால், மிளகாய் மற்றும் மிளகுத்தூளை அதிகமாக சேர்க்கலாம்.
இந்த முறையில் செய்து பாருங்கள், செட்டிநாட்டு பிரியாணியின் அசல் சுவையை, ஊரே மணக்கும் வகையில் நம்ம வீட்டிலேயே அனுபவிக்கலாம்.
சேனலை கிளிக் செய்து பின்தொடரவும்