Bananas: தினமும் காலையில் வாழைப்பழம் சாப்பிடுவதால் கிடைக்கும் நன்மைகள் தெரியுமா?

Bananas: தினமும் காலை எழுந்ததும் வாழைப்பழம் உண்பதால் கிடைக்கும் நன்மைகள் குறித்து இங்கு காணலாம். 

ஸ்டைலாக பதப்படுத்தப்பட்ட உணவை உண்ண மக்கள் தயாராக இருக்கிறார்கள். ஆனால் காலையில் வாழைப்பழம் சாப்பிட சிரமப்படுகிறார்கள். அசிடிட்டியை தவிர்க்க தினமும் எழுந்ததும் வாழைப்பழத்தை சாப்பிடுவது சிறந்தது என ஊட்டச்சத்து நிபுணர்கள் தெரிவிக்கின்றனர். சரியான நேரத்தில் உண்ணாமல் இருப்பதால் வயிற்றில் அமிலத்தன்மை அதிகமாகிறது. இதன் அறிகுறியாக வயிற்றுப் பிடிப்புகள், சிலருக்கு நெஞ்செரிச்சல், வயிற்று வலி போன்றவை உண்டாகிறது. 

Image: Getty Images

அசிடிட்டிக்கு பை! பை! 

அசிடிட்டி ஏற்படாமல் தடுக்க அதிகாலையில் வாழைப்பழம் உண்பது ஏற்றது என ஊட்டச்சத்து நிபுணர் ருஜுதா திவேகர் இன்ஸ்டாகிராம் பக்கத்தில் குறிப்பிட்டுள்ளார். வாழைப்பழம் அமிலத்தன்மை அதிகமாக இருப்பவர்கள் கட்டாயம் சாப்பிட வேண்டிய உணவு என அவர் தெரிவிக்கிறார். இது அமிலத்தன்மை குறைவாக உள்ள பழம் என்பதால் அசிடிட்டி உள்ளவர்களுக்கு ஏற்றது. 

மலச்சிக்கலுக்கு தீர்வு! 

வாழைப்பழம் உண்பதால் மலச்சிக்கல் குணமாகிறது. காலையில் ஒரு டம்ளர் அல்லது இரண்டு டம்ளர் தண்ணீர் அருந்திவிட்டு வாழைப்பழம் உண்ணுங்கள். வாழைப்பழம் பிடிக்காது என்றால் அதற்கு பதிலாக கருப்பு திராட்சை அல்லது பாதாம் சாப்பிடலாம் என ருஜுதா திவேகர் ஆலோசனை வழங்குகிறார். 

இதையும் படிங்க: கர்ப்பிணிகள் மட்டுமல்ல இவங்களும் கத்தரிக்காய் சாப்பிடக் கூடாது! ஏன் தெரியுமா?

உடல் எடையை குறைக்கும்! 

நார்ச்சத்து அதிகம் இருக்கும் வாழைப்பழத்தை உண்பதால் நீண்ட நேரம் பசி தாங்க முடியும். ஆகவே உடல் பருமன், அதிக எடையை கட்டுப்படுத்தலாம். உயர் ரத்த அழுத்தத்தை கட்டுப்படுத்த உதவும் பொட்டாசியம் இதில் அதிகம் காணப்படுகிறது. அதனால் தினமும் சாப்பிடலாம். 

சத்துக்கள் நிறைந்த வாழைப்பழம்! 

நம் உடலுக்கு அவசியமான சத்துக்கள், வைட்டமின் சி, வைட்டமின் பி6, பல முக்கிய தாதுக்கள், போலேட் ஆகியவை வாழைப்பழத்தில் தாரளமாக கிடைக்கின்றன. நமக்கே தெரியாத பல உடல்நலப் பிரச்சனைகளை அவை தீர்த்துவைக்கின்றன. 

இதையும் படிங்க: திருப்தியான உடலுறவை இப்படியும் கண்டுபிடிக்கலாம்.. இதை பத்தி தெரியுமா?

கெட்ட கொலஸ்ட்ரால் ஒழியும்! 

நாள்தோறும் வாழைப்பழம் உண்பதால் கெட்ட கொழுப்புச்சத்து அதிகரிக்காது. இதில் பெக்டின், நீரில் கரையக்கூடிய நார்ச்சத்து மிகுந்து காணப்படுகிறது. உடலில் உள்ள நல்ல கொழுப்புச்சத்து அளவை பராமரிக்க வாழைப்பழம் சாப்பிடுவது நல்லது.  

தினமும் வாழைப்பழம் சாப்பிட்டு வந்தால் ஏராளமான பலன்கள் கிடைக்கும் என்பதை தெரிந்து கொண்டிருப்பீர்கள். தவறாமல் ஒரு வாழைப்பழம் சாப்பிடுவதை பழக்கப்படுத்தி கொள்ளுங்கள். 

இதையும் படிங்க: Pongal wishes 2023: பொங்கல் அன்று உள்ளம் மகிழும் மாட்டுப்பொங்கல், காணும் பொங்கல் வாழ்த்துகள்