Winter Skincare Tips : குளிர்கால சரும பொலிவு! இரவு தூங்கும் முன் இந்த க்ரீம் முகத்துல தடவுங்க !!

குளிர்காலத்தில் சரும பாதிப்பு அதிகமாகவே இருக்கும். குறிப்பாக சருமம் வெடித்து பொலிவிழந்து காணப்படும். மாய்ஸ்சரைசர் தடவியும் பலன் இல்லை என நினைப்பவர்கள், வீட்டில் தயாரிக்கப்பட்ட இந்த க்ரீமை தடவுங்கள். அதை தயாரிப்பது எப்படி என்று இங்கு பார்க்கலாம்.

Glowing Skin Winter Care Tips

குளிர்காலம் வந்தாலே அனைவருக்கும் மகிழ்ச்சிதான். ஆனால், குளிர்காலத்தில் சருமம் அதிகமாக பாதிக்கப்படும்.  அதாவது வறண்ட வானிலை, குறைந்த ஈரப்பதம் காரணமாக சருமம் வறண்டு, சுருக்கங்கள், கரும்புள்ளிகள் தோன்றும். எனவே, சரியான சருமப் பராமரிப்பு அவசியம். குறிப்பாக, இரவு நேர சருமப் பராமரிப்பு முக்கியம். இரவில் சரியான க்ரீம் தடவினால், சருமம் அழகாகவும் இளமையாகவும் மாறும். அந்த நைட் க்ரீமை வீட்டிலேயே எப்படித் தயாரிப்பது எனப் பார்ப்போம்.

நைட் க்ரீம் தயாரிக்க தேவையான பொருட்கள்...

தேவையான பொருட்கள்: 

2 வைட்டமின் ஈ கேப்ஸ்யூல்கள், 4 துளிகள் ஆலிவ் ஆயில், 2 துளிகள் பாதாம் எண்ணெய், 4 துளிகள் ரோஸ்மேரி எண்ணெய், ஒரு டீஸ்பூன் பப்பாளி ஜெல்.

செய்முறை:

ஒரு கண்ணாடி கிண்ணத்தில் வைட்டமின் ஈ கேப்ஸ்யூல்களை வெட்டி எண்ணெயை ஊற்றவும். அதில் ஆலிவ், பாதாம் எண்ணெய் சேர்த்து கலக்கவும். பின் ரோஸ்மேரி எண்ணெய், பப்பாளி கூழ் சேர்த்து நன்கு கலக்கி, ஒரு கண்ணாடி பாட்டிலில் சேமிக்கவும்.

இந்த க்ரீம் பயன்படுத்துவதால் கிடைக்கும் நன்மைகள்....

வைட்டமின் ஈ சருமத்திற்கு ஊட்டமளித்து, சுருக்கங்களைக் குறைத்து, இயற்கையான பொலிவைத் தருகிறது. ஆலிவ் எண்ணெய் சருமத்திற்கு ஈரப்பதம் அளித்து, வறண்ட சருமத்தை மென்மையாக்குகிறது. பாதாம் எண்ணெய் கரும்புள்ளிகளைக் குறைக்கிறது. ரோஸ்மேரி எண்ணெய் சரும எரிச்சலைக் குறைத்து, ஈரப்பதத்தை அளிக்கிறது.

நைட் க்ரீம் பயன்படுத்தும் முறை...

இரவில் தூங்கும் முன் முகத்தை நீரால் கழுவி, துண்டால் துடைக்கவும். பிறகு, தயாரித்த க்ரீமை முகத்தில் மெதுவாகத் தடவி, விரல் நுனிகளால் மசாஜ் செய்யவும். க்ரீம் சருமத்தில் உறிஞ்சப்படும் வரை மசாஜ் செய்யவும். தினமும் இப்படிச் செய்தால், முகம் மென்மையாகவும், பொலிவாகவும் மாறும். பயன்படுத்தும் முன் பேட்ச் டெஸ்ட் செய்வது அவசியம்.