எலும்புகளின் வலிமைக்கு கால்சியம் மிகவும் அவசியம் என்பதை நம் அனைவரும் அறிந்ததே. உடலில் கால்சியம் குறைபாடு ஏற்பட்டால், எலும்புகள் பலவீனமடையத் தொடங்கும். இந்நிலையில், பெண்கள் பெரும்பாலும் 30 வயதில் கால்சியம் குறைபாட்டால் பாதிக்கப்படுகின்றனர். கால்சியம் குறைபாட்டால் என்னென்ன அறிகுறிகள் தென்படும் என்பதை குறித்து இந்த பதிவில் தெரிந்துகொள்ளலாம் வாருங்கள்.
தசைப்பிடிப்பு: கால்சியம் எலும்புகளை வலுப்படுத்துவதற்கு மட்டுமல்ல, தசை செயல்பாட்டிற்கும் கால்சியம் முக்கிய பங்கு வகிக்கிறது. உங்கள் உடலில் கால்சியம் குறைபாடு இருந்தால், நீங்கள் மீண்டும் மீண்டும் தசைப்பிடிப்பால் பாதிக்கப்படுவீர்கள். குறிப்பாக, உங்கள் கால்களில் பிடிப்புகள் அதிகம் ஏற்படும். உங்களுக்கும் இது போன்ற பிடிப்பு ஏற்பட்டால் உங்கள் கால்சியம் அளவை சரிபார்க்கவும்.
உணர்வின்மை: உங்கள் உடலில் கால்சியம் அளவு குறைவாக இருந்தால், கைகள், கால்கள் அல்லது முகத்தில் கூச்ச உணர்வு அல்லது உணர்வின்மை ஏற்படும். எனவே, நரம்பு செயல்பாட்டிற்கு கால்சியம் மிகவும் அவசியம்.
பலவீனம்: உடலில் குறைந்த கால்சியம் அளவு உடல் பலவீனத்திற்கு பங்களிக்குமாம். நீங்கள் குறைவாக வேலை செய்தாலும், போதுமான ஓய்வு எடுத்துக் கொண்டாலும் கூட நீங்கள் பலவீனமாக உணர்ந்தால், அதற்கு காரணம் குறைந்த கால்சியம் அளவு ஆகும்.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D