Actress Kajal Agarwal : திருமணத்திற்கு பிறகும் தமிழ், தெலுங்கு மற்றும் ஹிந்தி ஆகிய மூன்று திரை உலகிலும் மிக பிசியான நடிகையாக வலம் வந்து கொண்டிருப்பவர் தான் காஜல் அகர்வால். அண்மையில் அவர் அளித்த ஒரு பேட்டியில் ஜூனியர் என்டிஆர் குறித்து பேசியுள்ளார்.
மகாராஷ்டிரா மாநிலத்தில் பிறந்த காஜல் அகர்வால் கடந்த 2004 ஆம் ஆண்டு ஹிந்தியில் வெளியான ஒரு திரைப்படத்தில் சிறு கதாபாத்திரம் நடித்து அதன் மூலம் தனது கலை உலக பிரவேசத்தை தொடங்கினார். அதன் பிறகு தெலுங்கு மொழியில் நாயகியாகவும் அறிமுகமானார்.
அதன் பிறகு கடந்த 2008 ஆம் ஆண்டு தமிழில் வெளியான பிரபல நடிகர் பரத்தின் பழனி என்கின்ற திரைப்படத்தின் மூலம் கதையின் நாயகியாக தமிழ் திரையுலகில் அறிமுகமான காஜல் அகர்வால் தளபதி விஜய், தல அஜித் மற்றும் ஜெயம் ரவி போன்ற பல முன்னணி நடிகர்களுடன் நாயகியாக நடித்து புகழ்பெற்றவர் ஆவார்.
அதே போல நடிகை காஜல் அகர்வால் எந்த மொழியிலும் ஒரே ஒரு பாடலுக்கு மட்டும் நாயகியாக நடனமாடியதில்லை. இருப்பினும் கடந்த 2016 ஆம் ஆண்டு வெளியான "ஜனதா கராஜ்" என்கின்ற ஜூனியர் NTR படத்தில் அவர் ஒரு பாடலுக்கு மட்டும் அவர் நடனமாடி இருந்தார். அண்மையில் அவர் ஒரு பேட்டியில் பங்கேற்றபோது அது குறித்து அவரிடம் கேட்கப்பட்டது.
அதற்கு பதில் அளித்த அவர் அதற்கு முழு காரணமும் ஜூனியர் என்டிஆர் தான், அவருடன் நடனமாடும் வாய்ப்பு வந்ததால் மட்டுமே நான் அந்த பாடலில் ஆட சம்மதித்தேன். ஜூனியர் NTR எனக்கு மிகவும் நெருங்கிய நண்பர் என்று கூறியுள்ளார் காஜல் அகராவால்.