தமிழ் திரையுலகில் அதிரடி ஆக்ஷன் ஹீரோவாக வலம் வருபவர் விஷால், அவர் நடிப்பில் தற்போது ரத்னம் என்கிற திரைப்படம் உருவாகி இருக்கிறது. அப்படத்தை இயக்குனர் ஹரி இயக்கி உள்ளார். அவர் இயக்கத்தில் ஏற்கனவே தாமிரபரணி, பூஜை போன்ற படங்களில் நடித்துள்ள விஷால் இப்படம் மூலம் மூன்றாவது முறையாக இணைந்திருக்கிறார். இப்படத்தில் நடிகர் விஷாலுக்கு ஜோடியாக நடிகை பிரியா பவானி சங்கர் நடித்துள்ளார்.
நடிகர் விஜய்யின் தீவிர ரசிகனான விஷால், தளபதி அரசியல் வருகையை அறிவித்த உடனே அவரும் அரசியலில் குதிக்க உள்ளதாக பேச்சு அடிபட்டது. ஆனால் அப்போது அமைதி காத்த நடிகர் விஷால் தற்போது தன்னுடைய அரசியல் வருகையை அதிகாரப்பூர்வமாக அறிவித்து உள்ளார். அதன்படி, 2026-ம் ஆண்டு நடைபெற சட்டசபை தேர்தலின் போது கட்டாயம் அரசியலுக்கு வருவேன் என நடிகர் விஷால் உறுதிபட தெரிவித்து இருக்கிறார்.