மணிரத்னம் இயக்கிய பொன்னியின் செல்வன் படத்தில் பூங்குழலியாக நடித்து பிரபலமான நடிகை ஐஸ்வர்யா லட்சுமி புது கார் ஒன்றை வாங்கி உள்ளார்.
மலையாள நடிகையான ஐஸ்வர்யா லெட்சுமி, தமிழில் சுந்தர் சி இயக்கத்தில் வெளிவந்த ஆக்ஷன் திரைப்படத்தின் மூலம் ஹீரோயினாக அறிமுகமானார். அப்படத்தில் விஷாலுக்கு ஜோடியாக நடித்த ஐஸ்வர்யா, அடுத்ததாக தனுஷுடன் ஜெகமே தந்திரம் படத்தில் நடித்தார்.
முதல் இரண்டு படங்கள் எதிர்பார்த்த வெற்றியை பெறாவிட்டாலும் தன்னுடைய விடாமுயற்சியால் ஜாக்பாட் வாய்ப்பை தட்டி தூக்கினார். அது தான் மணிரத்னத்தின் பொன்னியின் செல்வன். அப்படத்தில் சமுத்திரக்குமாரி பூங்குழலி கதாபாத்திரத்தில் நடித்து அசத்தினார் ஐஸ்வர்யா லெட்சுமி.
பொன்னியின் செல்வன் படத்தின் வெற்றிக்கு பின்னர் ஐஸ்வர்யா லெட்சுமிக்கு அடுத்தடுத்து பட வாய்ப்புகள் குவிந்தன. அதன்படி விஷ்ணு விஷாலுக்கு ஜோடியாக அவர் நடித்த கட்டா குஸ்தி திரைப்படம் பாக்ஸ் ஆபிஸில் வசூலை வாரிக்குவித்தது.
கட்டா குஸ்தி திரைப்படத்தில் குஸ்தி வீராங்கனையாக நடித்திருந்த ஐஸ்வர்யா லெட்சுமி, அதில் ஆக்ஷனிலும் மிரட்டி இருந்தார். இதையடுத்து மலையாளத்தில் துல்கர் சல்மான் ஜோடியாக அவர் நடித்த கிங் ஆஃப் கொத்தா திரைப்படம் சொதப்பியதால் மீண்டும் கோலிவுட்டுக்கு திரும்பினார்.
இதையும் படியுங்கள்... ரெட் ஹாட் உடையில் கவர்ச்சி தூக்கலாக போஸ் கொடுத்து.... இளம் நெஞ்சங்களின் ஹார்ட் பீட்டை எகிறவைத்த விஜே அஞ்சனா
கோலிவுட்டில் மணிரத்னம் இயக்கத்தில் உருவாகும் பிரம்மாண்ட திரைப்படமான தக் லைஃபில் தற்போது நடிக்க கமிட் ஆகி உள்ளார் ஐஸ்வர்யா. இப்படத்தில் ஜெயம் ரவி, கமல்ஹாசன், திரிஷா, துல்கர் சல்மான் என மிகப்பெரிய நட்சத்திர பட்டாளமே நடித்து வருகிறது.
பிசியான நடிகையாக வலம் வரும் ஐஸ்வர்யா லெட்சுமி தற்போது சொகுசு கார் ஒன்றை வாங்கி இருக்கிறார். range rover Evoque 2024 மாடல் காரை வாங்கியுள்ளார் ஐஸ்வர்யா. கேரளாவில் இந்த மாடல் காரை வாங்கும் முதல் நபர் ஐஸ்வர்யா லெட்சுமி தானாம்.
துல்கர் சல்மானின் கார் நிறுவனத்தில் தான் அவர் இந்த காரை வாங்கி இருக்கிறார். இந்த காரின் மதிப்பு ரூ.75 லட்சம் முதல் ரூ.1 கோடி வரை இருக்கும் என கூறப்படுகிறது. புது கார் வாங்கியுள்ள ஐஸ்வர்யாவுக்கு வாழ்த்துக்கள் குவிந்த வண்ணம் உள்ளன.
இதையும் படியுங்கள்... காதலர் தினத்தன்று சிங்கிள் பசங்களுக்கு கவர்ச்சி விருந்து வைத்த தர்ஷா குப்தா... வைரலாகும் கிளாமர் கிளிக்ஸ்