விஜய் நடிப்பில் வெளியாகி பிளாக்பஸ்டர் ஹிட் ஆன குஷி படத்தில் முதன்முதலில் நடிக்க இருந்த ஹீரோ பற்றிய தகவல் வெளியாகி இருக்கிறது.
அஜித்தின் வாலி திரைப்படம் மூலம் இயக்குனராக அறிமுகமானவர் எஸ்.ஜே.சூர்யா. இப்படம் அஜித்தின் கெரியரில் மிகப்பெரிய திருப்புமுனையை ஏற்படுத்தியது. அதுமட்டுமின்றி இப்படத்தின் மூலம் தான் ஜோதிகா என்கிற அழகான ஹீரோயின் தமிழ் சினிமாவுக்கு கிடைத்தார். வாலி படத்தின் வெற்றியைத் தொடர்ந்து எஸ்.ஜே.சூர்யா இயக்கிய திரைப்படம் குஷி. இப்படத்தில் விஜய் ஹீரோவாக நடித்திருந்தார். அவருக்கு ஜோடியாக ஜோதிகா நடித்த இப்படம் கடந்த 2000-ம் ஆண்டு வெளியானது.
காதலர்களுக்கு இடையே ஏற்பட்ட ஈகோவால் என்னென்ன பிரச்சனைகள் ஏற்படுகிறது என்பதை அழகாக காட்டி இருந்தார் எஸ்.ஜே.சூர்யா. இப்படமும் மிகப்பெரிய அளவில் வெற்றிபெற்றதோடு, நடிகர் விஜய்யின் கெரியரில் திருப்புமுனையை ஏற்படுத்தியது. இவ்வளவு பெரிய வெற்றியை பெற்ற இப்படத்தில் முதன்முதலில் நடிக்க இருந்தது விஜய் இல்லை என்று சொன்னால் நம்ப முடிகிறதா... ஆனால் அது தான் உண்மை. இதில் நடிக்க இருந்த ஹீரோ பற்றியும் இப்படம் விஜய்க்கு எப்படி வந்தது என்பது பற்றியும் தயாரிப்பாளர் பி.எல்.தேனப்பன் பேட்டி ஒன்றில் கூறி இருக்கிறார்.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
இதுகுறித்து தேனப்பன் கூறியதாவது : “குஷி படத்துக்கு முன் நான் விஜய் சாருக்கு அட்வான்ஸ் கொடுத்திருந்தேன். அந்த சமயத்தில் மின்சார கண்ணா படத்தின் ஷூட்டிங்கிற்காக சுவிட்சர்லாந்து சென்றிருந்தபோது, விஜய் என்னிடம் வந்து வாலி படம் ரொம்ப சூப்பரா இருக்கு, அந்த இயக்குனர் எஸ்.ஜே.சூர்யாவை சந்தித்து கதை இருக்கானு கேட்க சொன்னார். அதையடுத்து நான் எஸ்.ஜே சூர்யாவை சந்தித்து பேசினேன்.
அவர் தான் ஏ.எம்.ரத்னம் தயாரிப்பில் ஒரு படம் பண்ண போறேன், அதுல பிரபுதேவா ஹீரோவா நடிக்கப்போறார்னு சொன்னார். ரத்னம் என் நண்பர் என்பதால் நானும் விஜய் இவ்வாறு எஸ்.ஜே.சூர்யா இயக்கத்தில் நடிக்க ஆசைப்படுவதை கூறினேன். அவரும் சரி பேசிக்கலாம்னு சொன்னார். இதையடுத்து ஒரு மாதம் லண்டனுக்கு சுற்றுலா சென்றுவிட்டேன்.
சுற்றுலா முடிஞ்சி திரும்ப வந்து பார்த்தபோது ஏ.எம்.ரத்னம் தயாரிப்புல எஸ்.ஜே.சூர்யா டைரக்ஷன்ல விஜய் நடிக்க போறார்னு அறிவிப்பு வருது. அப்பறம் தான் பிரபுதேவாவை மாற்றி அவருக்கு பதில் விஜய்யை நடிக்க கமிட் ஆனது எனக்கு தெரியவந்தது. சரி நமக்கு கிடைக்குறது தான் கிடைக்கும் என நானும் அவர்களிடம் எதுவும் சொல்லிக்கொள்ளவில்லை” என தேனப்பன் கூறி இருக்கிறார்.
இதையும் படியுங்கள்... களைகட்டப்போகும் கலைஞர் 100 விழா... தனுஷ், நயன்தாரா, சாய் பல்லவிக்கு நேரில் அழைப்பு விடுக்கப்பட்டது