nayanthara
தென்னிந்திய திரையுலகில் லேடி சூப்பர்ஸ்டாராக வலம் வரும் நயன்தாரா, ஜவான் படத்தின் வெற்றிக்கு பின்னர் பான் இந்தியா நடிகையாக உருவெடுத்துள்ளார். தற்போது அவருக்கு பாலிவுட்டில் இருந்தும் பட வாய்ப்புகள் குவிந்த வண்ணம் உள்ளன. இதனால் நடிகை நயன்தாரா தற்போது சம்பளத்தையும் உயர்த்திவிட்டதாக கூறப்படுகிறது. தற்போது அவர் ஒரு படத்துக்கு ரூ.12 கோடி சம்பளமாக வாங்குகிறாராம்.
நடிகை நயன்தாராவுக்கு கடந்த 2022-ம் ஆண்டு திருமணம் ஆனது. இயக்குனர் விக்னேஷ் சிவனை காதல் திருமணம் செய்துகொண்ட நயன்தாராவுக்கு உயிர், உலக் என இரட்டை குழந்தைகள் உள்ளனர். இந்த குழந்தைகளை வாடகைத் தாய் மூலம் பெற்றுக்கொண்டார் நடிகை நயன்தாரா.
இன்ஸ்டாகிராமில் தன்னுடைய குழந்தைகளின் புகைப்படங்கள் மற்றும் தனது குடும்ப புகைப்படங்களை பதிவிடுவதை வழக்கமாக வைத்துள்ள நயன்தாரா. இன்று தன்னுடைய தந்தையின் பிறந்தநாளை கொண்டாட கேரளாவுக்கு சென்றபோது அங்கு தன்னுடைய உறவினர்களுடன் எடுத்த போட்டோஸை பதிவிட்டுள்ளார்.