மலையாளத்தில் கடந்த 2016-ம் ஆண்டு வெளியாகி மாபெரும் வெற்றிபெற்ற மகேஷிண்டே பிரதிகாரம் படம் மூலம் அறிமுகமானவர் லிஜோ மோல் ஜோஸ், இதையடுத்து ஹனி பீ என்கிற மலையாள படத்தில் மேக்கப் ஆர்டிஸ்டாக நடித்திருந்தார். பின்னர் மம்முட்டி உடன் ஸ்டிரீட் லைட் படத்தில் நடித்திருந்தார் லிஜோ மோல்.
இதையடுத்து தமிழில் எண்ட்ரி கொடுத்த லிஜோ மோல், சசி இயக்கிய சிவப்பு மஞ்சள் பச்சை திரைப்படத்தில் நடிகர் சித்தார்த்துக்கு ஜோடியாக நடித்திருந்தார். இப்படம் ஹிட் ஆனதை தொடர்ந்து நடிகர் சூர்யா தயாரித்து நடித்த ஜெய் பீம் படத்தில் ஹீரோயினாக நடிக்கும் வாய்ப்பு லிஜோ மோலுக்கு கிடைத்தது.
இப்படத்தில் சிறப்பான நடிப்பை வெளிப்படுத்திய நடிகை லிஜோ மோலுக்கு 5 விருதுகளும் கிடைத்தன. தற்போது தமிழில் அன்னபூரணி, காதல் என்பது பொதுவுடைமை ஆகிய படங்களில் நடித்து வருகிறார். இந்த நிலையில் விஷு பண்டிகைக்கு வாழ்த்து தெரிவித்து அவர் வெளியிட்டுள்ள போட்டோஸ் பார்த்து ரசிகர்கள் ஷாக் ஆகிப்போய் உள்ளனர்.