Ice water : இந்த வெயிலுக்கு இதமா அடிக்கடி ஐஸ் வாட்டர் குடிக்கிறீங்களா? இனி அதை செய்யாதீங்க..
First Published Apr 23, 2024, 10:07 AM ISTகோடை காலத்தில் குளிர்ந்த நீரை குடிப்பதால் ஏற்படும் பாதிப்புகள் குறித்து இந்த பதிவில் பார்க்கலாம்.
கோடை காலத்தில் குளிர்ந்த நீரை குடிப்பதால் ஏற்படும் பாதிப்புகள் குறித்து இந்த பதிவில் பார்க்கலாம்.
நம் உடலை நீரேற்றமாக வைத்திருப்பது ஆரோக்கியத்திற்கு இன்றியமையாதது. தினமும் குறைந்தது 10-12 கிளாஸ் தண்ணீர் குடிக்க வேண்டும் என்று நிபுணர்கள் பரிந்துரைக்கின்றனர். ஆனால், கோடை காலத்தில், ஐஸ் வாட்டர் அதாவது குளிர்ந்த நீரை குடிப்பதையே பலரும் விரும்புகின்றனர். ஆனால் குளிர்சாதன பெட்டியில் இருந்து நேரடியாக தண்ணீர் குடிப்பதை பொதுவாக அனைவரும் தவிர்க்க வேண்டும் என்று நிபுணர்கள் எச்சரிக்கின்றனர்.
தண்ணீர் குளிர்ச்சியாக இருந்தால், அதன் விளைவுகள் மிகவும் கடுமையானதாக இருக்கும் என்று கூறப்படுகிறது. குளிர்ந்த நீரை அதிகமாக உட்கொள்வது உடலின் அமைப்புகளை, குறிப்பாக செரிமான அமைப்பை பாதிக்கும், இதனால் சிலருக்கு நிலையற்ற வலி அல்லது செரிமான பிரச்சனைகள் ஏற்படும். மேலும், மிகவும் குளிர்ந்த நீர் தொண்டையில் உள்ள இரத்த நாளங்களை தற்காலிகமாக கட்டுப்படுத்தி, புண் அல்லது எரிச்சலை ஏற்படுத்தலாம் என்றும் நிபுணர்கள் எச்சரிக்கின்றனர். எனவே குளிர்ந்த நீரை குடிப்பதால் ஏற்படும் பாதிப்புகள் குறித்து இந்த பதிவில் பார்க்கலாம்.
எரிச்சல்
மிகவும் குளிர்ந்த நீர் தொண்டை எரிச்சலை ஏற்படுத்துவதுடன் புண் அல்லது வீக்கம் போன்ற தொண்டை பிரச்சினைகளை அதிகப்படுத்தும். மேலும், ஐஸ் வாட்டர் குடிப்பது, குறிப்பாக உணவுக்குப் பிறகு, தொண்டையில் சளி உற்பத்தியை அதிகரிக்கலாம், இது சளி, காய்ச்சல் அல்லது ஒவ்வாமை போன்ற நோயாளிகளுக்கு அறிகுறிகளை மோசமாக்கும்,
சுருக்கம்
குளிர்ந்த நீர் இரத்த நாளங்களை சுருங்கச் செய்து, தொண்டைப் பகுதிக்கு ரத்த ஓட்டத்தைக் குறைக்கும், மேலும் ஏதேனும் தொற்று ஏற்பட்டால் குணப்படுத்தும் செயல்முறையைத் தடுக்கும். இது வீக்கம், தசைப்பிடிப்பு மற்றும் மலச்சிக்கல் போன்ற பல அறிகுறிகளுக்கு வழிவகுக்கும். எனவே, சிறந்த செரிமானத்திற்கு, குளிர்ந்த நீரை தவிர்ப்பது நல்லது.
இதய துடிப்பு குறையும் :
குளிர்ந்த நீர் இதயத் துடிப்பைக் குறைக்கிறது. இதயத் துடிப்பை ஒழுங்குபடுத்தும் உடலின் தன்னாட்சி நரம்பு மண்டலத்தின் முக்கிய பத்தாவது மண்டை நரம்புகளின் செயல்பாட்டை இது பாதிக்கும். மேலும் குளிர்ந்த நீரை உட்கொள்வது உங்கள் முதுகெலும்பில் உள்ள பல நரம்புகளை குளிர்விக்கும். இது மூளையை பாதித்து தலைவலிக்கு வழிவகுக்கிறது.
எடை மேலாண்மையைத் தடுக்கிறது
குளிர்ந்த நீர் உடலில் சேமித்து வைக்கப்பட்டுள்ள கொழுப்பை எரிப்பதைத் தடுக்கிறது, இதனால் எடை இழப்பு முயற்சிகளைத் தடுக்கிறது. நிபுணர்களின் கூற்றுப்படி, சாப்பிட்ட பிறகு குளிர்ந்த நீரைக் குடிப்பது, உண்ணும் உணவில் உள்ள கொழுப்பைத் திடப்படுத்தும். இதனால் உடல் எடை அதிகரிக்கலாம்..
பல் பிரச்சனை
குளிர்ந்த நீரை குடிப்பதால் பல் உணர்திறனிலும் பிரச்சனையை ஏற்படுத்தும் உணவை, மெல்லுதல் மற்றும் குடிப்பதில் சவால்களை ஏற்படுத்தும். மிகவும் குளிரான ஒன்றை உட்கொள்ளும் போது, அது பல் பற்சிப்பியை பலவீனமடையச் செய்யலாம், இது உணர்திறனுக்கு வழிவகுக்கும். பல் பிரச்சனைகளைத் தணிக்க அறை வெப்பநிலை தண்ணீரைத் தேர்ந்தெடுப்பது நல்லது.