வேலை செய்யும் போது ஸ்நாக்ஸ் சாப்பிடுறீங்களா...? இனி இந்த தப்பை செய்யாதீங்க..ஜாக்கிரதை!
First Published Mar 16, 2024, 11:40 AM ISTவேலை செய்யும் இடத்தில் ஸ்னாக்ஸ் சாப்பிட்டுக் கொண்டே வேலை செய்தால் உடலில் மோசமான விளைவுகளை ஏற்படுத்தும்.
வேலை செய்யும் இடத்தில் ஸ்னாக்ஸ் சாப்பிட்டுக் கொண்டே வேலை செய்தால் உடலில் மோசமான விளைவுகளை ஏற்படுத்தும்.
பொதுவாக சிலர், வீட்டில் சாப்பிட நேரமில்லாததால், வெளியில் வாங்கி சாப்பிடுகிறார்கள். ஆனால் இப்படி வெளியில் வாங்கி சாப்பிடும் உணவு சாப்பிடுவதற்கு சுவையாக இருந்தாலும், அவை பலவிதமான உடல்நலக் கோளாறுகளை ஏற்படுத்தும் என்பதை மறந்து விடுகிறார்கள்.
தினமும்..காலை, மதியம், இரவு என மூன்று வேளையும் உணவு சாப்பிடுவது மிக முக்கியம். அதுவும் சரியான நேரத்தில் சாப்பிட்டால் மிகவும் நல்லது. ஆனால் இந்த வழக்கமான நேரம் பலருக்கு மீறப்படுகிறது. பலர் காலை உணவைத் தவிர்த்துவிடுகிறார்கள். ஆனால், அது தவறு. காலை உணவு சாப்பிடவில்லை என்றால், வயிற்றில் ஒருவிதமான இரசாயனங்கள் உருவாகி பிரச்சனைகள் ஏற்படும். இந்த இரசாயனங்கள் உருவாவதால், மற்ற உறுப்புகளுக்கு சேதம் ஏற்பட வாய்ப்புகள் உள்ளன.
மேலும், பலர் தாங்கள் பணிபுரியும் இடத்தில் கூட வேலை செய்து கொண்டே சில ஸ்நாக்ஸ் சாப்பிடுவதை பழக்கமாக கொண்டுள்ளனர். இவை பல உடல்நலப் பிரச்சனைகளை ஏற்படுத்துகின்றன. வீட்டிலிருந்து வேலைக்கு வரும்போது பலர் இதையே செய்கிறார்கள். கீ பேடை அழுத்தி உணவு சாப்பிடுவதால் பல்வேறு வகையான பாக்டீரியாக்கள் மற்றும் கிருமிகள் ஏற்படும் அபாயம் உள்ளது. இதனால் பல உடல்நல பிரச்சனைகள் ஏற்படும். உதாரணமாக, உடல் பருமன், சர்க்கரை நோய், பிபி, புற்றுநோய், தைராய்டு போன்ற நாள்பட்ட பிரச்சனைகள் வருவதற்கான வாய்ப்புகள் அதிகம்.
ஸ்நாக்ஸ் சாப்பிடுவதும் பசியைக் கொல்லும். இதனால், நேரத்துக்குச் சாப்பிட முடியாத நிலை ஏற்படுகிறது. இதனால் சரியான நேரத்தில் வயிற்றில் சேர வேண்டிய ஆரோக்கியமான ரசாயனங்கள் வெளியேறுவதில்லை. எனவே ஏதாவது சாப்பிட வேண்டும் என்று நினைத்தால் ஓய்வு எடுத்துக் கொள்ளுங்கள். கைகளை கழுவி மீண்டும் வேலை செய்யுங்கள். மேலும் உணவு நேரத்திற்கு முன் எதையும் சாப்பிடாமல் இருப்பது நல்லது.