நடிகை ஐஸ்வர்யா ராஜேஷ் மகாராணி போல் உடை மற்றும் நகைகள் அணிந்து... பேரழகியாய் ஜொலிக்கும் லேட்டஸ்ட் போட்டோ ஷூட் புகைப்படங்கள் தற்போது ரசிகர்கள் மத்தியில் அதிகம் பார்த்து ரசிக்கப்பட்டு வருகிறது.
நடிகை ஐஸ்வர்யா ராஜேஷ், சின்னத்திரையில் இருந்து வெள்ளித்திரைக்குள் நுழைந்து... முன்னணி கதாநாயகியாக உயர்ந்தவர். பல படங்களில் சிறு சிறு கதாபாத்திரங்களில் நடித்திருந்தாலும், இவருடைய முகத்தை ரசிகர்கள் மத்தியில் பிரபலமடைய வைத்தது 'அட்டகத்தி' திரைப்படம் தான்.
இந்த படத்தின் வெற்றி, ஐஸ்வர்யா ராஜேஷ் திரைப்பயணத்தில் ஒரு முக்கிய திருப்பத்தை ஏற்படுத்தியது. இந்த படத்திற்கு பின்னர் புத்தகம் படத்தில் ஹீரோயினாக நடிக்கும் வாய்ப்பை கைப்பற்றினார்.
பின்னர் படிப்படியாக விஜய் சேதுபதிக்கு ஜோடியாக நடித்த 'ரம்மி' ஐஸ்வர்யா ராஜேஷை அடுத்த கட்டத்திற்கு நகர்த்தி சென்றது. அதே சமயம் ஐஸ்வர்யா ராஜேஷ் திரைப்பயணத்தில் மிகப்பெரிய, பிரேக் கொடுத்தது என்றால், 'காக்கா முட்டை' திரைப்படம் தான்.
இயக்குனர் மணிகண்டன் இயக்கத்தில் வெளியான இந்த படத்தில், இளம் வயதிலேயே இரண்டு குழந்தைகளுக்கு அம்மாவாக நடித்து அசத்தி இருந்தார். இந்த படம் தேசிய விருதையும் பெற்றது குறிப்பிடத்தக்கது.
தற்போது முன்னணி நடிகர்களுக்கு ஜோடியாகவும், கதையின் நாயகியாகவும் நடிக்கும் படங்களை தேர்வு செய்து நடித்து வருகிறார். அந்த வகையில் இவரின் கைவசம் மோகன்தாஸ், தீயவர் குலைகள் நடுங்க, என்கிற இரண்டு தமிழ் படமும் மூன்று மலையாள படங்களும் உள்ளது.
படு பிசியாக நடித்து கொண்டிருந்தாலும், அவ்வப்போது சமூக வலைத்தளத்தில் ரசிகர்களை மகிழ்விக்கும் விதத்தில் சில புகைப்படங்களை வெளியிடும் இவர், தற்போது மகாராணி போல் பிளாக் மெட்டல் நகைகள் அணிந்து, பேரழகியாக ஜொலிக்கும் போட்டோ ஷூட் புகைப்படங்கள் அதிகம் பார்த்து ரசிக்கப்பட்டு வருகிறது.