ஹைதராபாத்தில் பிறந்து வளர்ந்தவர் விஜய் தேவரகொண்டா. தன்னுடைய பள்ளி படிப்பு மற்றும் கல்லூரி படிப்பை தன்னுடைய ஊரிலேயே முடித்த இவர், நடிப்பின் மீது கொண்ட ஆர்வத்தால் திரைப்படங்களில் நடிக்க வாய்ப்பு தேட துவங்கினார்.
அந்த வகையில், கடந்த 2011 ஆம் ஆண்டு தெலுங்கில் ரவி பாபுவின் இயக்குனர் காதல் மற்றும் நகைச்சுவை திரைப்படமாக வெளியான 'நுவ்விலா' படத்தில் அறிமுகமானார். இப்படத்தில் விஜய் தேவரகொண்டா ஹீரோவாக நடிக்கவில்லை என்பதால், அடுத்தடுத்த படங்களிலும் துணை நடிகராக நடிக்கும் வாய்ப்பே இவருக்கு கிடைத்தது. தொடர்ந்து ஹீரோவாக இவர் நடிக்க முயற்சி செய்து வந்த நிலையில், ஒருவழியாக கடந்த 2016-ஆம் ஆண்டு 'பெல்லி சூப்புலு' என்கிற படத்தில் ஹீரோவாக நடிக்கும் வாய்ப்பை பெற்றார்.
Sai Pallavi Birthday: சாய் பல்லவி 'தண்டேல்' ஷூட்டிங்கில் செய்த அமர்க்களம்! படக்குழு வெளியிட்ட வீடியோ வைரல்!
இந்த படத்தின் வெற்றி, அடுத்தடுத்த படங்களின் வாய்ப்பை விஜய் தேவரகொண்டாவுக்கு பெற்று தந்தது. விஜய் தேவரகொண்டாவை மொழி கடந்து ரசிக்க வைத்த திரைப்படம் என்றால் அது 'அர்ஜுன் ரெட்டி' படம் தான். இப்படத்தின் பிரமாண்ட வெற்றியை தொடர்ந்து, ஹிந்தி, தமிழ் என மற்ற மொழிகளிலும் ரீமேக் செய்யப்பட்டு வெளியானது. மற்ற மொழிகளில் இப்படம் வெற்றிபெற்ற போதிலும் தமிழில் படுதோல்வியை சந்தித்தது.
மிக குறுகிய காலத்திலேயே பெண் ரசிகர்களின் கனவு கண்ணனாக மாறிய விஜய் தேவரகொண்டா... நடிகை ராஷ்மிகாவை காதலித்து வருவதாக ஒரு சர்ச்சை கடந்த சில வருடங்களாகவே கொழுந்து விட்டு எரிந்து வருகிறது. ஆனால் இருவருமே தங்களின் உறவை ரகசியமாகவே வைத்துள்ளதாகவும் கூறப்படுகிறது.
விஜய் தேவரகொண்டாவுக்கு சொந்தமாக ஹைதராபாத்தில் பிரமாண்ட வீடு ஒன்று இல்லது. இது மட்டும் இன்றி இன்னும் சில இடங்களை வாங்கி வைத்துள்ளதாக கூறப்டுகிறது. அதே போல் 4க்கும் மேற்பட்ட சொகுசு கார்களை இவர் வைத்துள்ளார். மிகவும் எளிமையாக இருப்பதையே விரும்பும் இவரின் சொத்து மதிப்பு சுமார் 66 கோடி முதல் 70 கோடி வரை இருக்கும் என கூறப்படுகிறது.