Aishwarya Rajinikanth
சூப்பர் ஸ்டார் ரஜினிகாந்தின் மகள் ஐஸ்வர்யா, திருமணத்திற்கு முன்னர் சில காதல் சர்ச்சையில் சிக்கி மீண்டவர் என்றாலும்... கடந்த 2004-ஆம் ஆண்டு உருகி உருகி காதலித்து வந்த பிரபல நடிகர் தனுஷையே பெற்றோர் சம்மதத்துடன் திருமணம் செய்து கொண்டார்.
குடும்பம், குழந்தை, தன்னுடைய ஆம்பிஷன் என எல்லா வற்றிலும் சமமாக கவனம் செலுத்தி வந்த ஐஸ்வர்யா, திடீர் என கடந்த ஆண்டு கணவர் தனுஷிடம் இருந்து விவாகரத்து பெற உள்ளதாக அறிவித்தார். இந்த அறிவிப்பு தமிழ்திரையுலக ரசிகர்கள் மத்தியில் பரபரப்பை ஏற்படுத்தியது.
இந்நிலையில் கடந்த வாரம் ஐஸ்வர்யா சென்னை குடும்பநல நீதி மன்றத்தில் விவாகரத்து கேட்டு மனு தாக்கல் செய்தார். விரைவில் இந்த மனு மீதான விசாரணை நடைபெறும் என எதிர்பார்க்கப்படும் நிலையில்... ஐஸ்வர்யா ரஜினிகாந்தின் 2-ஆவது திருமணம் குறித்த வதந்தி சமூக வலைத்தளத்தில் வட்டமிட துவங்கியுள்ளது.
ஐஸ்வர்யாவின் வீட்டில் இவருக்கு திருமணம் செய்து வைக்க முடிவு செய்துள்ளதாகவும், இதன் காரணமாகவே ... தற்போது விவாகரத்து பெறுவதில் ஐஸ்வர்யா அவசரம் காட்டுவதாக கூறப்படுகிறது. அதே போல் ஐஸ்வர்யா துணை இயக்குனர் ஒருவரோடு பழகி வருவதாக யாரோ கொளுத்தி போட... அது கொழுந்து விட்டு எரிந்து வருகிறது. இப்படி பரவி வரும் தகவலுக்கு எவ்வித ஆதாரமும் இல்லை என்பதால்... இது முழுக்க முழுக்க வதந்தியாக இருக்கவே வாய்ப்பு அதிகம்.
ஸ்ரீதேவி முதல்... அமலா பால் வரை! திருமணத்திற்கு முன்பே கர்ப்பமான முன்னணி தமிழ் நடிகைகள் இத்தனை பேரா?