தென்னிந்திய திரையுலகில் முன்னணி நடிகையாக வலம் வரும் திரிஷா, தற்போது 63 வயது நடிகருக்கு ஜோடியாக நடிக்க கமிட் ஆகி உள்ளாராம்.
கோலிவுட்டில் 20 ஆண்டுகளுக்கு மேலாக முன்னணி ஹீரோயினாக கோலோச்சி வருபவர் திரிஷா. மெளனம் பேசியதே படத்தில் தொடங்கிய இவரது பயணம், இன்று டாப் கியரில் சென்று கொண்டிருக்கிறது. 40 வயதாகிவிட்டாலும் நடிகை திரிஷாவுக்கு மவுசு குறையவில்லை. குறிப்பாக பொன்னியின் செல்வன் படத்தின் வெற்றிக்கு பின்னர் அவருக்கு பட வாய்ப்புகள் குவிந்து வருகின்றன. இதனால் நிற்க கூட நேரமின்றி பம்பரம் போல் சுழன்று கொண்டிருக்கிறார் திரிஷா.
அவர் தற்போது அஜித்துக்கு ஜோடியாக விடாமுயற்சி படத்தில் நடித்து வருகிறார். இப்படத்தை மகிழ் திருமேனி இயக்குகிறார். இதுதவிர மணிரத்னம் - கமல்ஹாசன் கூட்டணியில் பிரம்மாண்டமாக உருவாகி வரும் தக் லைஃப் படத்திலும் ஹீரோயினாக நடிக்க கமிட் ஆகி இருக்கிறார் திரிஷா. இதன் ஷூட்டிங்கும் ஒருபுறம் விறுவிறுப்பாக நடந்து வருகிறது. மேலும் மலையாளத்தில் மோகன்லால் ஜோடியாக ராம் மற்றும் டோவினோ தாமஸ் ஜோடியாக ஒரு படத்தில் நடித்து வருகிறார் திரிஷா.
இதையும் படியுங்கள்... 40 வயதிலும் சிங்கிள் & யங் ஆக இருக்கும் தக் லைஃப் நாயகி திரிஷாவுக்கு இத்தனை கோடி சொத்துக்கள் இருக்கா?
தமிழ், மலையாளம் மட்டுமின்றி தெலுங்கிலும் ஒரு படத்தில் நடிக்க கமிட் ஆனார் திரிஷா. அதன்படி சிரஞ்சீவி ஹீரோவாக நடிக்கும் அப்படத்தில் அவருக்கு ஜோடியாக நடிக்க உள்ளார் திரிஷா. இவர்கள் இருவரும் 18 ஆண்டுகளுக்கு பின்னர் இணைந்து நடிக்க உள்ளனர். இப்படத்திற்கு விஸ்வம்பரா என பெயரிடப்பட்டு உள்ளது. வசிஷ்டா என்பவர் இப்படத்தை இயக்குகிறார். இதன் படப்பிடிப்பும் அண்மையில் பூஜையுடன் தொடங்கியது.
வரிசையாக கமல்ஹாசன், மோகன்லால், சிரஞ்சீவி என வயதான நடிகர்களுடன் நடித்து வரும் திரிஷா, தற்போது மேலும் ஒரு வயதான ஹீரோவுடன் ஜோடி சேர உள்ளார். அவர் வேறு யாருமில்லை. தெலுங்கு திரையுலகில் முன்னணி நடிகராக வலம் வரும் வெங்கடேஷ் தான். 63 வயதாகும் வெங்கடேஷுக்கு ஜோடியாக ஏற்கனவே நாம்ப் வெங்கடேஷா, அடவாரி மடலகு அர்த்தலே வெருலு போன்ற படங்களில் நடித்துள்ள திரிஷா, தற்போது மூன்றாவது முறையாக கூட்டணி அமைக்க உள்ளாராம். இப்படத்தை அனில் ரவிப்புடி இயக்க உள்ளதாக தகவல்கள் தெரிவிக்கின்றன.
இதையும் படியுங்கள்... கமிஷனர் அலுவலகத்தில் நடிகர் கருணாஸ் அளித்த பரபரப்பு புகார்... கைதாகிறாரா பயில்வான் ரங்கநாதன்?