Lady Super Star Nayanthara : கேரளாவில் பிறந்து இன்று தமிழ் திரை உலகின் லேடி சூப்பர் ஸ்டார் என்ற பட்டத்தோடு பயணித்து வரும் நடிகை தான் நயன்தாரா. தமிழ் மொழியில் கடந்த 2005 ஆம் ஆண்டு வெளியான "ஐயா" திரைப்படத்தின் மூலம் இவர் அறிமுகமானார்.
கேரளாவில் பிறந்த நடிகை நயன்தாரா, துவக்கத்தில் மலையாள மொழி டிவி சேனல்களில் தொகுப்பாளராக பணியாற்றினார். அதன்பிறகு மலையாள மொழி திரைப்படங்களில் நடித்து வந்த அவர், கடந்த 2005 ஆம் ஆண்டு வெளியான "ஐயா" திரைப்படத்தின் மூலம் தமிழ் திரையுலகில் களமிறங்கினார்.
அதன் பிறகு தனது இரண்டாவது திரைப்படத்திலேயே சூப்பர் ஸ்டார் ரஜினிகாந்துக்கு ஜோடியாக நடித்து புகழ்பெற்ற நயன்தாரா, இன்று தமிழ் சினிமாவின் லேடி சூப்பர் ஸ்டார் என்ற பட்டத்தோடு வளம் வந்து கொண்டிருக்கிறார். இறுதியாக தமிழில் அன்னபூரணி என்கின்ற திரைப்படத்தில் அவர் நடித்திருந்தார்.
இந்நிலையில் தெலுங்கு திரையுலகில் உருவாக உள்ள "கண்ணப்பா" என்கின்ற திரைப்படத்தில் நயன்தாரா நடிக்க ஒப்பந்தமாகி உள்ளதாக சில தினங்களுக்கு முன்பு தகவல்கள் வெளியானது. மேலும் அந்த திரைப்படத்தில் பிரபல நடிகர் பிரபாஸ் கடவுள் சிவனின் கதாபாத்திரத்தை ஏற்று நடிக்க உள்ளதாகவும், அவருக்கு ஜோடியாக பார்வதி கதாபாத்திரத்தில் நயன்தாரா நடிக்க உள்ளதாகவும் தகவல்கள் வெளியானது.
ஆனால் இப்பொது பிரபாஸ் அந்த திரைப்படத்தில் சிவனாக நடிக்கவில்லை என்றும், அவருக்கு மாற்றாக பாலிவுட் நடிகர் அக்ஷய் குமார் தான் அந்த திரைப்படத்தில் சிவனாக நடிக்க உள்ளதாக தற்பொழுது தகவல்கள் வெளியாகி உள்ளது. அதேநேரம் அக்ஷய் குமாரின் வருகையால் அந்த திரைப்படத்திலிருந்து நடிகை நயன்தாரா விலகி உள்ளதாகவும் கூறப்படுகிறது.
மோகன்லால், பிரபாஸ் மற்றும் சரத்குமார் உள்ளிட்ட பலரும் கேமியோ கதாபாத்திரத்தில் தான் கண்ணப்பா திரைப்படத்தில் நடிக்கவிருக்கிறார்கள் என்றும். அதேபோல பார்வதி கதாபாத்திரத்தில் பிரபல நடிகை காஜல் அகர்வால் நடிக்க உள்ளார் என்று தற்பொழுது தகவல்கள் வெளியாகி உள்ளது. இருப்பினும் இப்படத்தில் நடிக்கும் நடிகர், நடிகைகள் குறித்து அதிகாரப்பூர் அறிவிப்பு இன்னும் வெளியாகவில்லை.
ஒரே ஒரு சீரியல் புரோமோவால் டோட்டல் டேமேஜ்... திமுகவிற்கு தலைவலியை உண்டாக்கிய சன் டிவி - என்ன ஆச்சு?