தூக்கத்தின் தரத்தை மேம்படுத்த உதவும் சில சுப்பர் உணவுகள் இதோ..
First Published Apr 3, 2024, 9:15 AM ISTசிறந்த தூக்கத்தை பெற உதவும் சில சூப்பர் உணவுகள் குறித்து இந்த பதிவில் பார்க்கலாம்.
சிறந்த தூக்கத்தை பெற உதவும் சில சூப்பர் உணவுகள் குறித்து இந்த பதிவில் பார்க்கலாம்.
இன்றைய வேகமான உலகில், ஒரு நல்ல இரவு தூக்கம் அனைவருக்கும் கிடைக்கிறதா என்றால் இல்லை என்பதே பதில்.. வேலை டென்ஷன் முதல் குடும்பப் பொறுப்புகள் வரை என மன அழுத்தங்கள் ஏராளமாக இருப்பதால், நம்மில் பலர் நிம்மதியாக ஓய்வெடுப்பதில்லை. ஆனால் உங்கள் உணவில் சில சூப்பர்ஃபுட்களை இணைத்துக்கொள்வது மிகவும் அமைதியான தூக்கத்தை பெற முடியும் என்று ஆய்வு முடிவுகள் காட்டுகிறது.
பெரியவர்களில் மூன்றில் ஒரு பகுதியினர் வழக்கமான அடிப்படையில் போதுமான தூக்கம் பெறுவதில்லை. இந்த நாள்பட்ட தூக்கமின்மை சோர்வு, எரிச்சல் உணர்வை ஏற்படுத்துவதுடன், உடல் பருமன், நீரிழிவு மற்றும் இதய நோய் உள்ளிட்ட பல்வேறு உடல்நலப் பிரச்சினைகளை உருவாக்கும் அபாயத்தையும் அதிகரிக்கிறது.
ஊட்டச்சத்து நிறைந்த சில உணவுகள் நோய் எதிர்ப்பு சக்தியை அதிகரிப்பது முதல் அறிவாற்றல் செயல்பாட்டை மேம்படுத்துவது வரை பல ஆரோக்கிய நன்மைகளை வழங்குகிறது. இப்போது, ஆராய்ச்சியாளர்கள் தூக்கத்தின் தரத்தையும் மேம்படுத்துவதற்கான திறனைக் கண்டுபிடித்துள்ளனர். அந்த வகையில் சிறந்த தூக்கத்தை பெற உதவும் சில சூப்பர் உணவுகள் குறித்து இந்த பதிவில் பார்க்கலாம்.
செர்ரி
செர்ரியில் மெலடோனின் இயற்கையான மூலமாகும், இது தூக்கம்-விழிப்பு சுழற்சிகளை ஒழுங்குபடுத்தும் ஹார்மோன் ஆகும். செர்ரி ஜூஸ் உட்கொள்வது தூக்க நேரம் மற்றும் தரம் ஆகிய இரண்டிலும் முன்னேற்றத்திற்கு வழிவகுக்கும் என்று ஆய்வுகள் தெரிவிக்கின்றன.மான தூக்கத்தை பெறமுடியும்.
பாதாம்
மெக்னீசியம் நிறைந்த பாதாம் சிறந்த தூக்க முறைகளுடன் தொடர்புடையது என்று நிபுணர்கள் தெரிவிக்கின்றனர். செரோடோனின் மற்றும் காமா-அமினோபியூட்ரிக் அமிலம் (GABA) போன்ற தூக்கத்தில் ஈடுபடும் நரம்பியக்கடத்திகளை ஒழுங்குபடுத்துவதில் மெக்னீசியம் முக்கிய பங்கு வகிக்கிறது.
மீன்
சால்மன், டுனா மற்றும் கானாங்கெளுத்தி போன்ற கொழுப்பு நிறைந்த மீன்களில் ஒமேகா -3 கொழுப்பு அமிலங்கள் அதிகம் உள்ளன, அவை தூக்கத்தின் தரத்தை மேம்படுத்த உதவும். ஒமேகா -3 கள் செரோடோனின் உற்பத்தியை அதிகரிக்க உதவும், இது தளர்வு மற்றும் தூக்கத்தை ஊக்குவிக்கும் ஒரு நரம்பியக்கடத்தி.
கீரைகள்
கீரை மற்றும் கோஸ் போன்ற காய்கறிகளில் கால்சியம் மற்றும் வைட்டமின் சி போன்ற ஊட்டச்சத்துக்களால் நிரம்பியுள்ளன, அவை செரோடோனின் மற்றும் மெலடோனின் உற்பத்திக்கு அவசியம். இந்த கீரைகளை உங்கள் உணவில் சேர்த்துக்கொள்வது நல்ல தூக்கத்தை ஊக்குவிக்க உதவும்.
கிவி
படுக்கைக்கு முன் கிவி சாப்பிடுவது சீக்கிரம் தூங்குவதற்கும் இரவு முழுவதும் ஆழ்ந்த உறக்கத்தை அனுபவிப்பதற்கும் உதவும் என்று ஆராய்ச்சி கூறுகிறது. கிவியில் ஆன்டிஆக்ஸிடன்ட்கள் மற்றும் செரோடோனின் நிறைந்துள்ளன, அவை இயற்கையான தூக்க உதவியாக அமைகின்றன.
வாழைப்பழங்கள்
வாழைப்பழம் பொட்டாசியம் மற்றும் மெக்னீசியத்தின் நல்ல மூலமாகும், இவை இரண்டும் தசை தளர்வு மற்றும் தூக்கத்தை ஒழுங்குபடுத்துவதில் பங்கு வகிக்கின்றன. கூடுதலாக, வாழைப்பழத்தில் டிரிப்டோபான் என்ற அமினோ அமிலம் உள்ளது, இது உடல் செரோடோனின் மற்றும் மெலடோனின் ஆக மாற்றுகிறது. உங்கள் தினசரி உணவில் தூக்கத்தை ஊக்குவிக்கும் இந்த சூப்பர் உணவுகளை சேர்ப்பதன் மூலம் நீங்கள் தரமான தூக்கத்தை பெற முடியும்..