'களவாணி ' படம் மூலம் தமிழ் சினிமாவில் ஹீரோவாக அறிமுகமானவர் தான் விமல். இந்த படத்திற்கு முன் கில்லி, கிரீடம், குருவி, பந்தயம், காஞ்சிவரம் போன்ற படங்களில் விமல் நடித்திருந்தாலும் 'பசங்க' மற்றும் 'களவாணி' படங்கள் தான் விமலின் திரையுலக வாழ்க்கையில் மிகப்பெரிய திருப்பு முனையை ஏற்படுத்தியது.
இதன் பின்னர் சிவகார்த்திகேயன் உடன் இணைந்து, காமெடி கலாட்டாவாக வெளியான 'கேடி பில்லா கில்லாடி ரங்கா' திரைப்படம், தரமான வெற்றியை திரையுலகில் பதிவு செய்தது. பின்னர் சிவா உடன் இணைந்து விமல் நடித்த கலகலப்பு திரைப்படம், காமெடி அட்ராசிட்டி என புகழும் விதத்தில் இருந்தது.
24
விமலை சிறந்த நடிகராக பார்க்க வைத்த வாகை சூடவா
அதே போல் வாகை சூடவா திரைப்படமும், விமலுக்கு சிறந்த நடிகர் என்கிற பெயரை பெற்று தந்தது. இவர் நடிப்பில் கடைசியாக, இயக்குனர் போஸ் வெங்கட் இயக்கத்தில் வெளியான திரைப்படம் 'சார்'. கல்வியை முன்னிலை படுத்தி எடுக்கப்பட்ட இந்த படம், வசூல் ரீதியாக பெரிய தாக்கத்தை ஏற்படுத்தவில்லை என்றாலும், விமர்சன ரீதியாக பாராட்டுக்களை குவித்தது. இந்த படத்தின் மூலம் போஸ் வெங்கட் படிப்பின் அவசியத்தை வலியுறுத்தி இருந்தார்.
தற்போது இவருடைய நடிப்பில் 'பரமசிவன் ஃபாத்திமா' என்கிற படம் உருவாகி வருகிறது. இந்நிலையில் விமல் நடிப்பில் உருவாகி கடந்த 6 வருடங்களாக கிடப்பில் போடப்பட்ட திரைப்படத்தை தூசு தட்டி ரிலீஸ் செய்ய படக்குழு திட்டமிட்டு வருகிறது. காமெடி ஜார்னலில் காதல் கலாட்டாவாக உருவாகியுள்ள இந்த படம், பிப்ரவரி 14 ஆம் தேதி காதலர் தினத்தை முன்னிட்டு திரைக்கு வருவதாக அறிவிக்கப்பட்டுள்ளது.
44
மதகஜராஜா கொடுத்த தைரியம்
இயக்குநர் கே வி நந்தா இயக்கிய இந்தப் படத்தில், விமல் மற்றும் சூரி முக்கிய ரோலில் நடித்துள்ளனர். மேலும், ஸ்ரீதா ராவ், கேஜிஎஃப் ராம், தேவதர்ஷினி, நமோ நாராயணன், செந்தில் உள்ளிட்ட நடித்துள்ளனர். காதல் கதையை மையப்படுத்திய இந்தப் படத்திற்கு ஜான் பீட்டர் இசையமைத்துள்ளார். 12 ஆண்டுகளுக்கு பிறகு திரைக்கு வந்து ஹிட் கொடுத்த மதகஜராஜா படத்தை நம்பியே இந்தப் படமும் இப்போது வெளியாக இருக்கிறது. விமலுக்கு 'படவா' படம் ஹிட் கொடுக்குமா என்பதை பொறுத்திருந்து பார்ப்போம்.
மதகஜராஜா வெற்றியால், கிடப்பில் போடப்பட்ட பல படங்களை மீண்டும் ரிலீஸ் செய்யும், முடிவில் தயாரிப்பாளர்கள் தீவிரம் காட்டி வருவதாக கூறப்படுகிறது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
