பிரியா பவானி ஷங்கர் நடித்த 'கல்யாணம் முதல் காதல் வரை'... 'ஈரமான ரோஜாவே 2' சீரியல் பிரபலம் அதிர்ச்சி மரணம்!

விஜய் டிவியில் பல ஹிட் சீரியல்களை இயக்கிய, இயக்குனர் தாய் செல்வம் திடீர் என மரணமடைந்துள்ள சம்பவம் சின்னத்திரை பிரபலங்கள் மற்றும் ரசிகர்கள் மத்தியில் அதிர்ச்சியை ஏற்படுத்தியுள்ளது.  

வெள்ளித்திரையில் முன்னணி இயக்குனராக வெற்றிக்கொடி நாட்ட முடியாத சில இயக்குனர்கள் கூட, சின்னத்திரையில், மிகப்பெரிய அளவில் வெற்றி பெற்றுள்ளனர். அந்த வகையில் நடிகரும், இயக்குனருமான எஸ்.ஜே.சூர்யாவை ஹீரோவாக வைத்து, 'நியூட்டன் 7 ஆம் விதி' என்கிற படத்தை இயக்கியவர் தாய் செல்வம். 2009 ஆம் ஆண்டு வெளியான இந்த படம் எதிர்பாத்த வெற்றியை பெறாமல் தோல்வியை தழுவியது.

பின்னர் தாய் செல்வம், முழுக்க முழுக்க சீரியலில் கவனம் செலுத்த துவங்கினார். அந்த வகையில் இவர் இயக்கிய 'காத்து கருப்பு', 'தாயுமானவன்', 'கல்யாணம் முதல் காதல் வரை', 'மௌனராகம் சீசன் 1', 'நாம் இருவர் நமக்கு இருவர்', 'பாவம் கணேசன்' போன்ற சீரியல்களை இயக்கி உள்ளார். தற்போது 'ஈரமான ரோஜாவே 2' சீரியலை இயக்கி வருகிறார்.

இந்த சீரியல் மிகவும் பரபரப்பான காட்சிகளுடன் ஒளிபரப்பாகி வருகிறது. இந்நிலையில் இந்த சீரியலின் இயக்குனர் தாய் செல்வம் மரணமடைந்துள்ளது சின்னத்திரை பிரபலங்கள் மற்றும் ரசிகர்களை அதிர்ச்சியடைய செய்துள்ளது. ஆனால் தற்போது வரை இவருடைய மரணத்திற்கு என்ன காரணம் என்பது தெரியவில்லை. 

இவரின் மரணம் குறித்து அறிந்து பல சின்னத்திரை பிரபலங்கள்  அவருடன் எடுத்து கொண்ட புகைப்படம் வெளியிட்டு மிகவும் நெகிழ்ச்சியான வார்த்தைகளுடன் பதிவிட்டு வருகிறார்கள். அதே போல் ரசிகர்களும் இவருடைய மறைவுக்கு தங்களின் இரங்கலை தெரிவித்து வருவது குறிப்பிடத்தக்கது.