'டாடா' பட இயக்குனரின் அடுத்த படத்தில் ஹீரோயினாக அறிமுகமாகும் விஜய் டிவி சீரியல் ஜோடியின் மகள்! யார் தெரியுமா?

கவின் நடிப்பில் வெளியாகி சூப்பர் ஹிட் வெற்றி பெற்ற, டாடா பட இயக்குநர் கணேஷ் K பாபு திரைக்கதையில் உருவாகும் 'ரேவன்' படத்தில் விஜய் டிவி சீரியல் நடிகர் - நடிகையின் மகள் ஹீரோயினாக அறிமுகமாகிறார்.   

கவின் நடிப்பில் சமீபத்தில் வெளியாகி, ரசிகர்கள் மத்தியில் நல்ல வரவேற்பை பெற்ற, 'டாடா' படத்தின் இயக்குனர் கணேஷ் K பாபு-வின் இரண்டாவது படம் இன்று பூஜையுடன் துவங்கியது. MG STUDIOS சார்பில் தயாரிப்பாளர் APV மாறன் உடன் இணைந்து டாடா புகழ் இயக்குநர்  கணேஷ் K பாபு, திரைக்கதை எழுதி தயாரிக்க, இயக்குநர் கல்யாண் K ஜெகன் இயக்கத்தில், அறிமுக நடிகர் அஜய் கார்த்தி நடிப்பில் உருவாகும்  “ரேவன்”  திரைப்படத்தின் படப்பிடிப்பு, இன்று படக்குழுவினர் கலந்துகொள்ள,  எளிமையான பூஜையுடன் துவங்கியது.  

தயாரிப்பாளர்கள் கலைப்புலி தாணு, S. S. லலித் குமார், ஃபைவ் ஸ்டார் கதிரேசன், ஃபைவ் ஸ்டார் செந்தில், ராக்ஃபோர்ட் என்ட்டெயின்மென்ட் முருகானந்தம்,  அருண் விஷ்வா, விநியோகஸ்தர் கோவை அரவிந்த் மற்றும் போர் தொழில் இயக்குநர் விக்னேஷ் ராஜா, யாத்திசை இயக்குநர் தரணி ராஜேந்திரன், குட்நைட் இயக்குநர் விநாயக் சந்திரசேகரன் ஆகியோர் கலந்துகொண்டு படக்குழுவினரை வாழ்த்தினர். 

மாறுபட்ட களத்தில் புதுமுகங்களின் தற்கால நவீன தலைமுறையின் கதை சொல்லும் திரைப்படமாக  'ரேவன்' படம் உருவாகிறது. டாடா படத்தின் மூலம் தமிழ்த் திரையுலகை திரும்பிப்பார்க்க வைத்த இயக்குநர் கணேஷ் K பாபு கதை திரைக்கதை எழுத, அவரது இணை இயக்குநராக பணியாற்றிய, கல்யாண் K ஜெகன் இயக்குநராக அறிமுகாகிறார். 

அஜய் கார்த்திக் நாயகனாக அறிமுகமாகும் இப்படத்தில்,  பல சீரியல்களில் நடித்து பிரபலமான நடிகர் நேத்திரன் - தீபா நேத்ரன் மகள் அஞ்சனா நாயகியாக நடிக்கிறார். நேத்திரன் தற்போது விஜய் டிவியில் ஒளிபரப்பாகி வரும், பொன்னி சீரியலிலும், தீபா முத்தழகு சீரியலிலும் நடித்து வருகின்றனர். இது பட்டும் இன்றி, பல தொலைக்காட்சி தொடர்களில் நடித்து பிரபலமானவர்கள் நேத்ரன் - தீபா சீரியல் ஜோடி.

மேலும் இயக்குநர் கே பாக்யராஜ், VTV கணேஷ், வீரா, இந்துமதி, பா.அருணாச்சலேஸ்வரன் ஆகியோர் முக்கியமான கதாப்பாத்திரங்களில் நடிக்கிறார்கள். படத்தில் நடிக்கும் மற்ற நட்சத்திரங்கள் பற்றிய தகவல்கள் பின்னர் அதிகாரப்பூர்வமாக அறிவிக்கப்படும் என படக்குழு தெரிவித்துள்ளது.  ஒரே கட்டமாக  படத்தின் படப்பிடிப்பை நடத்த படக்குழு முடிவு செய்துள்ளதாம். அதன்படி சென்னை மற்றும் அதனை சுற்றியுள்ள பகுதிகளில் முழுப்படப்பிடிப்பும் நடக்கவுள்ளது. 'ரேவன்' படத்தின் ஃபர்ஸ்ட் லுக் மற்றும் படம் பற்றிய  தகவல்கள் விரைவில் அதிகாரப்பூர்வமாக வெளியாக உள்ளதாக கூறப்படுகிறது.