சமீபத்தில் தான் விஜய் டிவியில் பிரபலங்களான வெற்றி மற்றும் வைஷ்ணவி தங்களின் காதலை வெளிப்படையாக அறிவித்து, நிச்சயதார்த்தம் முடிந்த நிலையில் மற்றொரு காதல் ஜோடி பற்றிய தகவல் தீயாக பரவி வருகிறது.
விஜய் டிவியின் புதிய காதல் ஜோடி குறித்த தகவல் வெளியாகி உள்ள நிலையில், ரசிகர்கள் தங்களின் வாழ்த்துக்களை தெரிவித்து வருகிறார்கள்.
சமீப காலமாகவே சீரியலில் ஒன்றாக இணைந்து நடிப்பவர்கள் அடுத்தடுத்து காதலித்து திருமணம் செய்து கொள்வது வழக்கமாகி வருகிறது, அதிலும் விஜய் டிவி பிரபலங்கள் தான் அதிகம் ரீல் ஜோடியாக இருந்து ரியல் ஜோடியாக மாறுகிறார்கள், செந்தில் - ஸ்ரீஜா, ஆலியா மானசா - சஞ்சீவ், ஷ்ரேயா - சித்து, வைஷு - வெற்றி என சொல்லிக்கொண்டே போகலாம்.
குறிப்பாக 'சிறகடிக்க ஆசை சீரியல்' நடிகர் வெற்றியும், 'பொன்னி' சீரியல் நடிகை வைஷ்ணவியும் தங்களின் காதலை கடந்த வாரம் அறிவித்த நிலையில், சில தினங்களுக்கு முன்பு நிச்சயதார்த்தமும் செய்து கொண்டனர். இது குறித்த புகைப்படங்கள் சமூக வலைதளத்தில் வெளியாகி வைரலானது. இவர்களின் நிச்சயதார்த்தத்தில் ஏராளமான பிரபலங்கள் கலந்து கொண்ட நிலையில், ரசிகர்களும் தங்களுடைய வாழ்த்துக்களை தெரிவித்து வந்தனர்.
இவர்களைத் தொடர்ந்து மற்றொரு விஜய் டிவி, ரீல் ஜோடிகள் ரியல் ஜோடிகளாக மாற உள்ளதாக கூறப்படுகிறது. பாக்கியலட்சுமி சீரியலில் ஆரியன் வெளியேறிய பின்னர், அவருக்கு பதிலாக நடிக்க கமிட் ஆனவர் தான் விகாஸ் சம்பத். இவதான் தற்போது பாக்கியலட்சுமி சீரியலில் செழியன் கதாபாத்திரத்தில் நடித்து வருகிறார்.
இவருக்கு ஜோடியாக ஜெனி கதாபாத்திரத்தில் நடித்து வருபவர் திவ்யா. இவர்கள் இருவரும் காதலித்து வருவதாகவும், விரைவில் திருமணம் செய்து கொள்ள முடிவு செய்துள்ளதாக தகவல் வெளியாகி உள்ளது. இவர்களுக்கு போதே ரசிகர்கள் தங்களின் வாழ்த்துக்களை தெரிவித்து வருகின்றனர். திவ்யா ஏற்கனவே பிரபல தயாரிப்பாளரும், நடிகருமான ஆர்.கே.சுரேஷை திருமணம் செய்து கொள்ள உள்ளதாக அதிகார பூர்வமாக அறிவிக்கப்பட்டு, பின்னர் அந்த திருமணம் நடக்காமல் போனது.
இருவருக்கும் இருந்த கருத்து வேறுபாடு காரணமாகவே இந்த திருமணம் நிறுத்தப்பட்டது. இதை தொடர்ந்து சில வருடங்களாக திருமணம் குறித்து இவர் எதுவும் பேசாத நிலையில்... கூடிய விரைவில் திருமணம் குறித்து அறிவிப்பார் என தெரிகிறது.
3 வயதில் அம்மாவுடன் நடுத்தெருவில் நின்றேன்! பிக்பாஸ் 8 போட்டியாளர் அன்ஷிதாவின் கண்ணீர் கதை!