அஜித் இல்லாமல் துவங்கியது 'விடாமுயற்சி' படத்தின் அடுத்தகட்ட பணி!

அஜித் நடிப்பில் உருவாகியுள்ள 'விடாமுயற்சி' படத்தின் அடுத்தகட்ட பணிகள் பூஜையுடன் சிறப்பாக துவங்கியுள்ளது. இதுகுறித்த புகைப்படங்களை அஜித்தின் மேலாளர் சுரேஷ் சந்திரா வெளியிட அது வைரலாகி வருகிறது.  

Vidamuyarchi

இயக்குனர் மகிழ் திருமேனி இயக்கத்தில், அஜித் நடித்துள்ள 'விடாமுயற்சி' திரைப்படத்தின் டப்பிங் பணிகள் ஒரு வழியாக தற்போது துவங்கியுள்ள நிலையில், இது குறித்த புகைப்படங்கள் வைரலாகி வருகிறது.

நடிகர் அஜித் நடிப்பில், கடைசியாக இயக்குனர் எச்.வினோத் இயக்கத்தில் நடித்த 'துணிவு' திரைப்படம் கடந்த ஆண்டு வெளியானது. இந்த திரைப்படம் வெளியாகி ஒரு வருடம் ஆக உள்ள நிலையில், தற்போது வரை அஜித்தின் அடுத்த படமான 'விடாமுயற்சி' படத்தின் அப்டேட்ஸ் வெளியாகாமல் இருந்ததால், ரசிகர்கள் தொடர்ந்து இப்படத்தில் அப்டேட் எப்போது வெளியாகும் என சமூக வலைதளங்களில் கேள்வி எழுப்பி வந்த நிலையில், இன்று மாலை 6:30 மணி அளவில் விடாமுயற்சி திரைப்படத்தின் முக்கிய அப்டேட் வெளியாகும் என அஜித்தின் மேலாளர் சுரேஷ் சந்திரா தன்னுடைய சமூக வலைதளத்தில் தெரிவித்திருந்தார்.

Vidamuyarchi Update

அதன்படி 'விடாமுயற்சி' திரைப்படத்தின் டப்பிங் பணிகள், பூஜையுடன் கோலாகலமாக துவங்கி உள்ளதை தன்னுடைய சமூக வலைதளத்தில் புகைப்படத்தோடு அறிவித்துள்ளார். இந்த புகைப்படங்களை சமூக வலைதளத்தில் ரசிகர்கள் படு வைரலாக்கி வருகிறார்கள்.

டப்பிங் பணிகள் துவங்கியதற்காக போடப்பட்ட பூஜையில் ஆரவ்,  மகிழ் திருமேனி உள்ளிட்ட சிலர்  மட்டுமே கலந்து கொண்ட நிலையில், அஜித், திரிஷா, அர்ஜூன், போன்ற முக்கிய பிரபலங்கள் யாரும் கலந்து கொள்ளவில்லை.

Vidamuyarchi Dubbing Poojai

மேலும் தீபாவளியை முன்னிட்டு, அஜித்தின் 'விடாமுயற்சி' திரைப்படம் வெளியாகும் என காத்திருந்த ரசிகர்களுக்கு, ஏமாற்றமே மிஞ்சியது. எனினும் தற்போது விடாமுயற்சி படத்தின் அடுத்த கட்ட பணிகள் விறுவிறுப்பாக துவங்கி உள்ளதால், பொங்கல் ரிலீசாக இப்படம் வெளியாவது உறுதியென ரசிகர்கள் தங்களுடைய கருத்துக்களை தெரிவித்து வருகிறார்கள்.

Vidamuyarchi Next Work Started:

அதேபோல், அஜித் ரசிகர்களுக்கு இரட்டை விருந்தாக... ஆதிக் ரவிச்சந்திரன் இயக்கத்தில், அஜித் நடித்து வரும் 'குட் பேட் அக்லீ' திரைப்படம், அஜித்தின் பிறந்த நாளை முன்னிட்டு மே ஒன்றாம் தேதி ரிலீசாக வாய்ப்புள்ளதாக கூறப்படுகிறது.  லைகா நிறுவனம் தயாரிப்பில், மிக பிரம்மாண்டமான பொருட்செலவில் ஒரு வருடத்திற்கு மேலாக எடுக்கப்பட்டு வரும் இந்த படத்தில், அஜித்துக்கு ஜோடியாக திரிஷா நடித்துள்ளார். மேலும் அர்ஜுன், ரெஜினா, ஆரவ் உள்ளிட்ட பலர் முக்கிய கதாபாத்திரத்தில் நடித்துள்ளனர் என்பது குறிப்பிடத்தக்கது.