Rajinikanth : ஒரு திரைப்படத்தில் நடித்ததற்காக, தனக்கு வரவேண்டிய சம்பள பாக்கிய கூட வாங்காமல் விட்டிருக்கிறார் சூப்பர் ஸ்டார் ரஜினிகாந்த்.
சூப்பர் ஸ்டார் ரஜினிகாந்த்.. தமிழ் சினிமாவை பொருத்தவரை கடந்த 49 ஆண்டுகளாக முன்னணி நடிகராக வலம் வந்து கொண்டிருக்கும் ஒரு மெகா ஹிட் நடிகர் ஆவார். கடந்த 1975 ஆம் ஆண்டு இயக்குனர் சிகரம் பாலச்சந்தர் இயக்கத்தில் வெளியான "அபூர்வராகங்கள்" என்கின்ற திரைப்படத்தின் மூலம் தான் இவர் தன்னுடைய கலை பயணத்தை தொடங்கினார். தனக்கென தனியே ஒரு உடல் மொழி, ஸ்டைல் உள்ளிட்டவற்றை உருவாக்கிக் கொண்டு. கருப்பாக இருப்பவர்களும் சினிமாவில் சூப்பர் ஸ்டார் ஆக மாறலாம் என்பதை நிரூபித்த முதல் தென்னக நடிகர் சூப்பர் ஸ்டார் ரஜினிகாந்த் என்றால் அது மிகையல்ல.
விஜய் செய்தது தவறு; மன்னர் காலத்தில் கூட இப்படி நடக்கவில்லை - கொதிக்கும் பிரபலம்!
கிட்டத்தட்ட மூன்று தலைமுறை நடிகர்களோடு இணைந்து இவர் நடித்து வந்தாலும், இன்று வெளியாகும் இளம் நடிகர்களுடைய திரைப்படத்திற்கு போட்டியாக அமைகிறது சூப்பர் ஸ்டார் ரஜினிகாந்தின் திரைப்படம் என்றால் அது சற்று மிகையல்ல. 74 வயதிலும் துடிப்பான நடிப்பை வெளிப்படுத்தும் சூப்பர் ஸ்டார் ரஜினிகாந்தை பலரும் பாராட்டுவதற்கு காரணம், அவர் நடிப்பு என்பதை தாண்டி அவரிடம் உள்ள பல நல்ல குணாதிசயங்கள் தான். அந்த நல்ல குணாதிசியங்கள் குறித்து அண்மையில் பிரபல தயாரிப்பாளர் ஒருவர் பேசியிருந்தது குறிப்பிடத்தக்கது.
1983 ஆம் ஆண்டு ஜெகநாதன் என்பவருடைய இயக்கத்தில் வெளியான திரைப்படம் தான் "தங்கமகன்". இந்த திரைப்படத்தில் சூப்பர் ஸ்டார் ரஜினிகாந்த் ஹீரோவாக நடித்து அசத்தியிருப்பார். சூப்பர் ஸ்டார் ரஜினிகாந்தின் கலை வரலாற்றில் வசூல் ரீதியாக பெரிய அளவில் சாதனை படைத்த பல படங்களில் தங்கமகன் திரைப்படமும் ஒன்று. ஆனால் இந்த திரைப்படத்தின் படப்பிடிப்பு நடந்து கொண்டிருந்த பொழுது சுமார் இரண்டு மாத காலம் சூப்பர் ஸ்டார் ரஜினிகாந்திற்கு பெரிய அளவில் உடல் நல குறைபாடு ஏற்பட்டுள்ளது. இதனால் தங்கமகன் திரைப்படத்தின் ஷூட்டிங் சுமார் ஒன்றரை மாதங்களுக்கு மேல் பாதிக்கப்பட்டது.
உடல் நலம் தேறிய சூப்பர் ஸ்டார் ரஜினிகாந்த் மீண்டும் படபிடிப்பில் இணைந்து தங்கமகன் திரைப்படத்தை சிறப்பாக நடித்து முடித்து கொடுத்திருக்கிறார். படமும் வெளியாகி நல்ல வரவேற்பு பெற்ற நிலையில், அந்த தயாரிப்பு நிறுவனம் சூப்பர் ஸ்டார் ரஜினிகாந்திற்கு கொடுக்க வேண்டிய சுமார் 10 லட்சம் ரூபாய் சம்பள பாக்கியை கொடுக்கச் சென்றுள்ளனர். அப்போது பொழுது, தான் இரண்டு மாத காலம் படப்பிடிப்பிற்கு வராததால் தயாரிப்பாளருக்கு பெரிய அளவில் நஷ்டம் ஏற்பட்டிருக்கும். ஆகையால் இந்த 10 லட்சம் ரூபாயை அவரிடமே திருப்பிக் கொடுத்து விடுங்கள். எனக்காக காத்திருந்து படத்தை எடுத்துக் கொடுத்ததற்கு நன்றி. இதற்காக நான் வாங்கிய அந்த அட்வான்ஸ் தொகை மட்டுமே எனக்கு போதும் என்று கூறி தயாரிப்பாளரின் கஷ்டத்தை புரிந்து கொண்டு நடந்திருக்கிறார் சூப்பர் ஸ்டார் ரஜினிகாந்த்.
திரைப்பட விமர்சனம்: தயாரிப்பாளர் சங்கம் தொடுத்த வழக்கு ; நீதிமன்றம் அதிரடி தீர்ப்பு!
சேனலை கிளிக் செய்து பின்தொடரவும்