லோகேஷ் கனகராஜ் இயக்கும் தளபதி 67 படத்தில் நடிகர் விஜய்யுடன் நடிக்க பிக்பாஸ் பிரபலம் ஒருவர் தேர்வாகி உள்ளதாக அறிவிக்கப்பட்டு உள்ளது.
விஜய்யின் 67-வது படத்தை லோகேஷ் கனகராஜ் இயக்கி வருகிறார். தற்காலிகமாக தளபதி 67 என அழைக்கப்பட்டு வரும் இப்படத்தின் ஷூட்டிங் கடந்த சில வாரங்களுக்கு முன்பே தொடங்கியது. இருப்பினும் இதில் நடிக்கும் நடிகர், நடிகைகள் குறித்த அறிவிப்பை வெளியிடாமல் சீக்ரெட்டாக வைத்திருந்த படக்குழு தற்போது ஒவ்வொன்றாக வெளியிட்டு வருகிறது.
அந்த வகையில், முதலாவதாக இப்படத்தில் பாலிவுட் நடிகர் சஞ்சய் தத் வில்லனாக நடிக்க உள்ளதை அறிவித்தனர். அவர் நடிக்க உள்ள முதல் தமிழ் படம் இதுவாகும். இதற்கு அடுத்தபடியாக நடிகை பிரியா ஆனந்த், தளபதி 67 படத்தில் நடிக்க கமிட் ஆகியுள்ள தகவலை வெளியிட்டனர். இவரும் விஜய் உடன் நடிப்பது இதுவே முதன்முறை ஆகும்.
இதையும் படியுங்கள்... லோகேஷிடம் ஒன்லைன் கேட்டதும் ஓகே சொல்லிட்டேன்... தளபதி 67 மூலம் தமிழில் வில்லனாக அறிமுகமாகும் பாலிவுட் பிரபலம்
இந்நிலையில், மூன்றாவது அப்டேட்டை படக்குழு வெளியிட்டுள்ளது. அதன்படி தளபதி 67 படத்தில் பிரபல நடன இயக்குனரும், பிக்பாஸ் பிரபலமுமான சாண்டி நடிக்க உள்ளதாக அதிகாரப்பூர்வமாக அறிவித்துள்ளனர். பிக்பாஸ் 3-வது சீசனில் பைனல் வரை சென்று வெற்றிவாய்ப்பை நழுவவிட்டு இரண்டாம் இடத்தை பிடித்த சாண்டி ஏற்கனவே 3:33 என்கிற பேய் படத்தில் நாயகனாக நடித்துள்ளார் என்பது குறிப்பிடத்தக்கது.
தளபதி 67 வாய்ப்பு கிடைத்தது குறித்து சாண்டி கூறுகையில், “இது ஒரு ஸ்பெஷல் ஃபீலிங். லோகேஷ் கனகராஜ் இயக்கும் இப்படி ஒரு பிரம்மாண்டமான படத்தில் நான் நடிப்பது எனக்கே ஒரு புது அனுபவமாக உள்ளது. தளபதி விஜய் சார் உடன் நடிக்க உள்ளதை வார்த்தைகளால் விவரிக்க முடியவில்லை” என தெரிவித்துள்ளார்.
இதையும் படியுங்கள்... 'தளபதி 67' படத்தில் இணைந்த யாரும் எதிர்பாராத ஹீரோயின்! இளம் நடிகைக்கு அடித்த ஜாக்பாட்..!
சேனலை கிளிக் செய்து பின்தொடரவும்