Top 10 Tamil Serial : சன் டிவியில் அண்மையில் முடிவடைந்த சுந்தரி சீரியல், டாப் 10 சீரியல்களின் டிஆர்பி ரேட்டிங்கில் நம்பர் 1 இடத்தை பிடித்து சாதனை படைத்துள்ளது.
2024-ம் ஆண்டின் 49வது வாரத்திற்கான டாப் 10 தமிழ் சீரியல் டிஆர்பி ரேட்டிங் வெளியாகி உள்ளது. இதில் பாக்கியலட்சுமி சீரியல் 10-வது இடத்தில் உள்ளது. கடந்த வாரம் 9ம் இடத்தில் இருந்த இந்த சீரியல் இந்த வாரம் 6.09 டிஆர்பி புள்ளிகளுடன் 10ம் இடத்தை பிடித்துள்ளது. அதேபோல் பாண்டியன் ஸ்டோர்ஸ் 2 சீரியலும் கடந்த வாரத்தை விட இந்த வாரம் ஒரு இடம் பின் தங்கி, 6.32 புள்ளிகளுடன் 9-ம் இடத்தில் உள்ளது. சரிவை சந்தித்துள்ள சிறகடிக்க ஆசை சீரியல் 7.64 புள்ளிகளுடன் 8-வது இடத்தில் இருக்கிறது.
24
Top 10 Serial
எஞ்சியுள்ள 7 இடங்களையும் சன் டிவி சீரியல்கள் ஆக்கிரமித்து உள்ளன. குறிப்பாக கடந்த வாரம் 5ம் இடத்தில் இருந்த மருமகள் சீரியல் இந்த வாரம் மளமளவென பின்னுக்கு தள்ளப்பட்டு 7வது இடத்தில் உள்ளது. இதற்கு 8.45 டிஆர்பி புள்ளிகள் கிடைத்துள்ளன. இதற்கு அடுத்தபடியாக 8.55 புள்ளிகளுடன் இராமாயணம் தொடர் 6-ம் இடத்தை பிடித்திருக்கிறது. சன் டிவியில் கடந்த வாரம் முதல் ஒளிபரப்பாகி வரும் புது சீரியலான அன்னம் 8.69 புள்ளிகளுடன் 5-ம் இடத்தை பிடித்திருக்கிறது.
முதல் நான்கு இடங்கள் அதிரடி மாற்றத்தை கண்டுள்ளன. அதன்படி கடந்த வாரம் இரண்டாவது இடத்தில் இருந்த சிங்கப்பெண்ணே சீரியல் இந்த வாரம் 9.16 புள்ளிகளுடன் நான்காம் இடத்துக்கு தள்ளப்பட்டு உள்ளது. கடந்த வாரம் முதலிடத்தில் இருந்த மூன்று முடிச்சு சீரியல், இந்த வாரம் 9.26 புள்ளிகளுடன் 3-ம் இடத்தை பிடித்துள்ளது. அதேபோல் கடந்த வாரம் மூன்றாவது இடத்தில் இருந்த கயல் சீரியல் இந்த வாரம் ஒரு இடம் முன்னேறி 9.60 புள்ளிகளுடன் இரண்டாம் இடத்தில் உள்ளது.
44
Sundari Serial TRP
இந்த பட்டியலில் முதல் இடத்தை எப்போதும் கயல், அல்லது சிங்கப்பெண்ணே ஆகிய சீரியல்கள் பிடித்து வந்த நிலையில், இந்த வாரம் சுந்தரி சீரியல் பிடித்திருக்கிறது. அந்த சீரியலுக்கு இதுவரை இல்லாத அளவுக்கு 10.08 டிஆர்பி புள்ளிகள் கிடைத்துள்ளன. சுந்தரி சீரியல் கடந்த வாரத்துடன் முடிவடைந்ததால் அதன் கிளைமேக்ஸை காண ரசிகர்கள் ஆர்வம் காட்டி இருப்பது இதன்மூலம் தெரியவந்துள்ளது. முதலிடத்தோடு கெத்தாக முடிவடைந்த சீரியல் என்கிற பெருமையை சுந்தரி சீரியல் பெற்றுள்ளது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
