ரசிகர்களுக்கு டபுள் டிரீட் கொடுக்க தயாராகும் சிவகார்த்திகேயன்..! அயலான் டீசர் ரெடி... எப்போ ரிலீஸ் தெரியுமா?

ரவிக்குமார் இயக்கத்தில் சிவகார்த்திகேயன் நடித்துள்ள அயலான் படத்தின் டீசர் எப்போ ரிலீஸ் ஆகும் என்பது குறித்த சூப்பர் அப்டேட் வெளியாகி உள்ளது.

சிவகார்த்திகேயன் நடிப்பில் கடந்த 2017-ம் ஆண்டு தொடங்கப்பட்ட திரைப்படம் அயலான். சயின்ஸ் பிக்சன் படமான இதனை இன்று நேற்று நாளை படத்தின் இயக்குனர் ரவிக்குமார் இயக்கி உள்ளார். இப்படத்தை கே.ஜே.ஆர் ஸ்டூடியோஸ் நிறுவனம் தயாரித்துள்ளது. இப்படத்தில் சிவகார்த்திகேயனுக்கு ஜோடியாக நடிகை ரகுல் ப்ரீத் சிங் நடித்துள்ளார். மேலும் யோகிபாபு, கருணாகரன் ஆகியோரும் முக்கிய கதாபாத்திரத்தில் நடித்துள்ளனர்.

சில பிரச்சனைகள் காரணமாக கிடப்பில் போடப்பட்ட அயலான் படத்தின் ஷூட்டிங் கடந்தாண்டு நிறைவடைந்தது. இப்படத்தின் ஷூட்டிங் முடிந்துவிட்டாலும், அதன் சிஜி மற்றும் கிராபிக்ஸ் பணிகள் தாமதம் ஆனதன் காரணமாக கடந்தாண்டு இப்படத்தை ரிலீஸ் செய்ய முடியாமல் போனது. தற்போது அந்த பணிகள் வெற்றிகரமாக முடிய உள்ளதால், அயலான் படத்தின் ரிலீஸ் வேலைகளையும் தொடங்கிவிட்டனர்.

இதையும் படியுங்கள்... அஜித்தை வைத்து பிளாக்பஸ்டர் ஹிட் கொடுத்த இயக்குனரை தட்டிதூக்கிய விஜய்... தளபதி 68 படத்தை இயக்கப்போவது இவரா?

அண்மையில் அயலான் படத்தின் ரிலீஸ் தேதி அறிவிக்கப்பட்டது. அதன்படி இப்படத்தை வருகிற நவம்பர் மாதம் தீபாவளி பண்டிகைக்கு ரிலீஸ் செய்ய உள்ளதாக அறிவித்துள்ளனர். தற்போது அப்படத்தின் டீசர் எப்போது ரிலீஸ் ஆகும் என்பது குறித்த முக்கிய அப்டேட்டும் வெளியாகி உள்ளது. அதன்படி வருகிற ஜூலை 14-ந் தேதி வெளியாக உள்ள சிவகார்த்திகேயனின் மாவீரன் படத்தோடு அயலான் டீசரை ரிலீஸ் செய்யும் ஐடியாவில் படக்குழு உள்ளதாம்.

இதனால் ஜூலை 14 ந் தேதி ரசிகர்களுக்கு டபுள் டிரீட் காத்திருக்கிறது. மாவீரன் படத்தை மடோன் அஸ்வின் இயக்கி உள்ளார். இப்படத்தில் அதிதி ஷங்கர், மிஷ்கின், யோகிபாபு, சுனில், சரிதா என மிகப்பெரிய நட்சத்திர பட்டாளமே நடித்துள்ளது. இப்படத்திற்கு பரத் சங்கர் இசையமைத்து உள்ளார். இப்படம் வருகிற ஜூலை 14-ந் தேதி திரையரங்குகளில் ரிலீஸ் ஆக உள்ளது.

இதையும் படியுங்கள்... விக்ரம் உடன் ஹாட்ரிக் கூட்டணிக்கு தயாரான ஐஸ்வர்யா ராய்... இந்த முறையாவது ஜோடி சேர்வார்களா?