சூர்யாவின் 42-வது படத்தை சிறுத்தை சிவா இயக்கி வருகிறார். இவர் இருவரும் முதன்முறையாக இணைந்து பணியாற்றும் இப்படத்திற்கு நாளுக்கு நாள் எதிர்பார்ப்பு எகிறிக்கொண்டே செல்கிறது. இந்த எதிர்பார்ப்புக்கு காரணம் இப்படம் குறித்து வெளியாகும் தகவல்கள் தான். இது பேண்டஸி கதையம்சம் கொண்ட படமாக தயாராகி வருவதாகவும், இப்படத்திற்காக சூர்யா கடுமையாக உழைத்து வருகிறாராம்.
இந்நிலையில், சூர்யா 42 என அழைக்கப்பட்டு வரும் இப்படத்தின் தலைப்பு குறித்த தகவல் கசிந்துள்ளது. இயக்குனர் சிவாவுக்கு V என்கிற எழுத்தில் பெயர் வைப்பது மிகவும் பிடித்தமான ஒன்று. இதன் காரணமாகத் தான் அவர் அஜித்தை வைத்து இயக்கிய 4 படங்களுக்கும் வீரம், வேதாளம், விவேகம், விஸ்வாசம் என V-ல் தொடங்கும் டைட்டில்களை வைத்தார்.