Sameera Reddy: 'ஹீரோ குள்ளமா இருந்தா அது அவர் பிரச்சனை, என் தப்பில்லை'.. புயலைக் கிளப்பிய சமீரா ரெட்டி - யாரை சொல்கிறார்?

Sameera Reddy : தமிழில் வேட்டை, வெடி, வாரணம் ஆயிரம் போன்ற படங்களில் நடித்து பேமஸ் ஆன நடிகை சமீரா ரெட்டி, சினிமாவில் தான் எதிர்கொண்ட சவால்கள் பற்றி ஓப்பனாக பேசி இருக்கிறார்.

Sameera Reddy Controversy

சினிமா உலகின் கருப்புப் பக்கம்: வெள்ளை நிறத்துக்காக முகத்தில் நாலு லேயர் பெயின்ட்! சமீரா ரெட்டி பகிர்ந்த அதிர்ச்சி உண்மைகள். சினிமா உலகம்னா கலர், வெளிச்சம், கிளாமர்னு எல்லாம் இருக்கும். ஸ்க்ரீன்ல மின்னுற நடிகைகளைப் பார்த்து, 'என்ன ஒரு அழகான வாழ்க்கை இவங்களுக்கு'னு நாம நினைப்போம். ஆனா, இந்த அழகான முகங்களுக்குப் பின்னாடி எவ்வளவு வலி, அவமானம், தாழ்வு மனப்பான்மை ஒளிஞ்சிருக்குனு யாருக்கும் தெரியாது. பல வருஷமா சினிமாவுல ஜெயிச்ச நடிகை சமீரா ரெட்டி, சமீபத்துல தன் கேரியர் ஆரம்பத்துல நடந்த மோசமான அனுபவங்களைப் பத்தி பேசியிருக்காங்க. அவங்க சொல்றதைக் கேட்டா, இந்த கிளாமர் உலகம் எவ்வளவு கொடூரமானதுனு புரியும்.

நிறம் தான் முக்கியம்

2002-ல் 'மைனே தில் துஜ்கோ தியா' படம் மூலமா சமீரா பாலிவுட்ல என்ட்ரி கொடுத்தப்போ, அவங்க சந்திச்ச முதல் சவால் அவங்களோட இயற்கையான நிறம்! சமீரா கொஞ்சம் மாநிறம் (Dusky skin tone). ஆனா, அப்போதைய சினிமாவுக்கு தேவைப்பட்டது 'பால் போன்ற வெள்ளை' நிறம். சமீரா சொல்றாங்க, 'தினமும் ஷூட்டிங்குக்கு முன்னாடி என் முகத்துல மூணுல இருந்து நாலு லேயர் வெள்ளை மேக்கப் போடுவாங்க. அது ரொம்ப செயற்கையா இருக்கும், சில சமயம் என் முகம் சாம்பல் நிறத்துல மாறிடும். முகத்தோட நிறத்துக்கு மேட்ச் பண்ண என் உடம்பு முழுசும் ஸ்பெஷல் பெயின்ட் அடிப்பாங்க!' ஒரு நடிகையோட திறமையை விட அவங்க தோல் நிறம் தான் அங்க முக்கியமா இருந்துருக்கு.

பாடி ஷேமிங் பிரச்சனை

நிறம் மட்டுமில்ல, பாடி ஷேமிங்கும் சமீராவுக்கு பெரிய பிரச்சனையா இருந்துச்சு. 20 வயசுல, அவங்களால கண்ணாடியில தன்னையே ஏத்துக்க முடியல. 'மக்கள் என்னைக் குண்டுனு சொன்னாங்க, என் கண்கள் அழகா இல்லைனு சொன்னாங்க. இதனால நான் எப்பவும் செயற்கையான விஷயங்களைத்தான் நம்பியிருந்தேன். நான் பேடட் ப்ரா, ஹிப் பேட்ஸ் எல்லாம் போட்டேன். கண் கலரை மாத்த கான்டாக்ட் லென்ஸ் யூஸ் பண்ணேன். நான் நானா இருக்க அவங்க விடவே இல்லை'னு தன்னோட வலியைப் பகிர்ந்திருக்காங்க.

அந்த ஹீரோ யார்?

சமீராவோட இன்னொரு பெரிய பிரச்சனை அவரோட 'ஹைட்'. பாலிவுட், டோலிவுட், கோலிவுட்னு பல ஹீரோக்களை விட சமீரா உயரமா இருந்தாங்க. 'என் ஹீரோ குள்ளமா இருந்ததால, நான் எப்பவும் குனிஞ்சே நடக்கணும். என் உயரத்தை மறைக்க ரொம்ப சர்க்கஸ் பண்ண வேண்டியிருந்தது'னு சமீரா சொல்லியிருக்காங்க. இதைக் கேட்டதும் நெட்டிசன்கள், டோலிவுட் யங் டைகர் என்.டி.ஆர்-ஐ (NTR) கை காட்டுறாங்க. சமீரா, என்.டி.ஆர் கூட 'அஷோக்', 'நரசிம்முடு' படங்கள்ல நடிச்சிருந்தாங்க. அப்போ என்.டி.ஆர்-ஐ விட சமீரா உயரமா தெரிவாங்க. அதனால, சமீரா சொன்ன இந்த 'ஷார்ட் ஹீரோ' கமென்ட் நேரடியா என்.டி.ஆர்-க்கு தான் போயிருக்குனு சோஷியல் மீடியாவுல விவாதம் ஆரம்பிச்சிருக்கு.

சமீராவுக்குள் மாற்றம்

ஒரு சிலரோ அவர் சூர்யாவை தான் குறிப்பிடுவதாக சொல்கிறார்கள். அவர் சூர்யாவுக்கு ஜோடியாக வாரணம் ஆயிரம் படத்தில் நடித்திருந்தார். இதெல்லாம் நெட்டிசன்களின் கணிப்பு தான் ஆனால் அவர் எந்த ஹீரோவையும் குறிப்பிட்டு சொல்லவில்லை. அப்போ கிடைச்ச அவமானங்களும், விமர்சனங்களும் சமீராவுக்குள்ள ஒரு மாற்றத்தை கொண்டு வந்துச்சு. 'நான் 40 வயசைத் தொட்ட பிறகுதான், என்னை நான் முழுசா ஏத்துக்க கத்துக்கிட்டேன். ஹீரோ குள்ளமா இருந்தா அது அவரோட பிரச்சனை, என்னோடது இல்லைங்கிற உண்மை எனக்கு லேட்டாதான் புரிஞ்சது'னு இப்போ அவங்க சிரிச்சுக்கிட்டே சொல்றாங்க.

இன்ஸ்பிரேஷன் ஆன சமீரா

இன்னைக்கு சமீரா ரெட்டி சோஷியல் மீடியாவுல 'பாடி பாசிட்டிவிட்டி' பத்தி விழிப்புணர்வு ஏற்படுத்திட்டு வராங்க. தன்னோட நரை முடி, சுருக்கங்கள் விழுந்த சருமம், இயற்கையான உடல் நிறம் எல்லாத்தையும் பெருமையா காட்டி, 'நான் எப்படி இருக்கேனோ அப்படியே அழகு'னு சொல்றாங்க. சமீராவுடைய இந்த பயணம் ஒவ்வொரு பெண்ணுக்கும் ஒரு இன்ஸ்பிரேஷன்.