பிக்பாஸ் நிகழ்ச்சியில் கலந்து கொண்டு விளையாடிய ராபர்ட் மாஸ்டர்,பிக்பாஸ் வீட்டை விட்டு வெளியேறியவுடன் தனக்கும் ரக்ஷிதாவுக்கும் இடையே உள்ள உறவு என்பது குறித்து வெளிப்படையாக கூறியுள்ளார்.
பிக்பாஸ் சீசன் 6 நிகழ்ச்சி தற்போது 50 நாட்களைக் கடந்து வெற்றிகரமாக சென்று கொண்டிருக்கும் நிலையில், சற்றும் எதிர்பாக்காத அளவுக்கு வித்யாசமான டாஸ்க் மூலம் நிகழ்ச்சியை சூடேற்றி வருகிறார்கள் பிக்பாஸ் நிகழ்ச்சியாளர்கள். அந்த வகையில் தற்போது பிக்பாஸ் போட்டியாளர்கள் ஏலியன்களாக மாறி சண்டை மட்டுமே போட்டுக் கொண்டு விளையாடி வருவது, சற்று எரிச்சல் அடைய வைத்தாலும்... எதிர்பாராத ட்விஸ்டுகள் நிகழ்ச்சியை விறுவிறுப்படைய வைத்துள்ளது.
இந்நிலையில் கடந்த வாரம் மக்களின் வாக்குகள் அடிப்படையில் பிக்பாஸ் நிகழ்ச்சியில் இருந்து வெளியேற்றப்பட்டார் டான்ஸ் மாஸ்டர் ராபர்ட். இவர் பிக்பாஸ் நிகழ்ச்சி விளையாட்டில் கவனம் செலுத்தாமல், ரக்ஷிதாவை சுற்றி சுற்றி வருவதில் மட்டுமே கவனம் செலுத்தி வந்ததால்... கடுப்பான ரசிகர்கள், இவரை வீட்டிக்கு அனுப்பி வைத்தனர்.
பிக்பாஸ் ஜிபி முத்துவை சரமாரியாக பிளேடில் வெட்டிய சகோதரர்! 175 தையல்.. அதிர்ச்சியில் ரசிகர்கள்!
தற்போது பிக்பாஸ் நிகழ்ச்சியை விட்டு வெளியே வந்த பின்னர், தன்னைக்கு வாக்களித்த அனைவருக்கும் நன்றி தெரிவித்து, வீடியோ வெளியிட்ட ராபர்ட் பின்னர், பல்வேறு ஊடகங்களுக்கு பேட்டி கொடுத்து வருகிறார். அதில் பலரும் ராபர்ட் மாஸ்டர், ரக்ஷிதாவை காதலிக்கிறாரா? என்கிற கேள்வியை தான் பிரதானமாக எழுப்பி வருகிறார்கள்.
இந்நிலையில் ராபர்ட் மாஸ்டர் தனக்கும், ரக்ஷிதாவுக்கும் இடையே உள்ள உறவு குறித்து வெளிப்படையாக பேசியுள்ளார். அதாவது, தனக்கும் ரக்ஷிதாவுக்கும் இடையே உள்ளது நட்பு மட்டும் தான் என தெரிவித்துள்ளார். வெளியில் இருந்து இதை பார்ப்பவர்களுக்கு எப்படி தோன்றி இருந்தாலும், எங்களுக்குள் இருப்பதை நட்பு என்பதை அனைவரும் புரிந்து கொள்ள வேண்டும் என இவர் தெரிவித்துள்ள பதில் வைரலாகி வருகிறது.
அதே நேரம் ராபர்ட் மாஸ்டர் ரக்ஷிதாவிடம் காட்டிய நெருக்கத்தை, வெளியில் இருந்து பார்த்த... அவரது காதலி, ராபர்ட் மாஸ்டர் கொடுத்த மோதிரத்தை அவருக்கே பெட்டியில் வைத்து அனுப்பியது குறிப்பிடத்தக்கது
சேனலை கிளிக் செய்து பின்தொடரவும்