Iravin Nizhal : இரவின் நிழல் திரைப்படம் வருகிற ஜூலை 15-ந் தேதி ரிலீசாக உள்ள நிலையில், இப்படம் சர்வதேச திரைப்பட விழாக்களில் 3 விருதுகளை வென்றுள்ளது.
வித்தியாசமான கதையம்சம் கொண்ட படங்களை இயக்குவதன் மூலம் மக்கள் மத்தியில் பிரபலமானவர் பார்த்திபன். இவர் இயக்கத்தில் கடைசியாக வெளியான ஒத்த செருப்பு திரைப்படம் மாபெரும் வரவேற்பை பெற்றது. இதில் அவர் ஒருவர் மட்டுமே நடித்திருந்தார். உலக அளவில் பல்வேறு கலைஞர்களின் பாராட்டைப் பெற்ற இப்படம் தேசிய விருதையும் வென்றது.
இதையும் படியுங்கள்... சுசிகணேசன் மீதான மீடூ புகார் முதல் காளி தம் அடிக்கும் போஸ்டர் வரை... தொடரும் சர்ச்சை- யார் இந்த லீனா மணிமேகலை?
ஒத்த செருப்பு படத்தை தற்போது இந்தியில் ரீமேக் செய்து வருகிறார் பார்த்திபன். இப்படத்தில் அபிஷேக் பச்சன் நாயகனாக நடித்துள்ளார். இப்படத்திற்கு இளையராஜா இசையமைக்கிறார். அதேபோல் விரைவில் ஹாலிவுட்டில் ஒத்த செருப்பு படத்தை ரீமேக் செய்ய உள்ளார் பார்த்திபன். இதற்கான பணிகளும் நடந்து வருகிறது.
இதையும் படியுங்கள்... மணமுடித்த நாயகிகள்..ஜோதிகா முதல் நயன்தாரா வரை எந்த வயதில் திருமணம் செய்து கொண்டார்கள் தெரியுமா?
இதனிடையே பார்த்திபன் இயக்கத்தில் தற்போது இரவின் நிழல் என்கிற திரைப்படம் தயாராகி உள்ளது. இப்படத்தின் சிறப்பம்சம் என்னவென்றால், இதனை ஒரே ஷாட்டில் படமாக்கி உள்ளார் பார்த்திபன், உலகளவில் எந்த ஒரு இயக்குனரும் செய்திராத ஒரு சாதனை முயற்சியை இப்படத்தின் மூலம் செய்து காட்டி உள்ளார் பார்த்திபன்.
இதையும் படியுங்கள்... Vishal injured: பிரபல தமிழ் நடிகர் விஷாலுக்கு திடீர் விபத்து...சிகிக்சைக்காக மருத்துவமனையில் அனுமதி...
இரவின் நிழல் திரைப்படம் வருகிற ஜூலை 15-ந் தேதி ரிலீசாக உள்ளது. இந்நிலையில், இப்படம் சர்வதேச திரைப்பட விழாக்களில் 3 விருதுகளை வென்றுள்ளது. அதன்படி கல்ட் மூவீஸ் இண்டர்நேஷனல் மற்றும் நியூ யார்க்கில் நடைபெற்ற ஓனிராஸ் பிலிம் அவார்ட்ஸ் ஆகியவற்றில் சிறந்த ஒளிப்பதிவுக்கான விருது இரவின் நிழல் படத்தின் ஒளிப்பதிவாளர் ஆர்தர் ஏ வில்சனுக்கு கிடைத்தது. அதேபோல் மெடுசா திரைப்பட விழாவில் சிறந்த படத்துக்கான விருதை வென்றுள்ளது. இதுதவிர நியூயார்க் மற்றும் ரோம் சர்வதேச திரைப்பட விழாக்களுக்கு நாமினேட்டும் ஆகி உள்ளது.
சேனலை கிளிக் செய்து பின்தொடரவும்