thunivu
அஜித் நடிப்பில் இறுதியாக வெளியான நேர்கொண்ட பார்வை, வலிமை என இரண்டு படங்களும் கலவையான விமர்சனங்களைத் தான் பெற்றிருந்தது. இந்த படத்திற்காக எச்.வினோத் மற்றும் போனி கபூருடன் கூட்டணி அமைத்திருந்தார் அஜித். இந்த இரண்டு படங்களுமே போதுமான வெற்றியை பெறாவிட்டாலும், மீண்டும் எச். வினோத் இயக்கத்தில் மூன்றாவது முறையாக நடித்து வருகிறார் அஜித். இந்த படத்திற்கு துணிவு என பெயர் வைக்கப்பட்டுள்ளது.
thunivu
சென்னை, ஹைதராபாத், விசாகப்பட்டினம் உள்ளிட்ட இடங்களில் நடைபெற்று வரும் இதன் படப்பிடிப்பு தற்போது இறுதி கட்டத்தை நெருங்கியுள்ளது. படப்பிடிப்பிற்காக தாய்லாந்து புறப்பட்டுள்ளனர் படக்குழு. அடுத்த வருட பொங்கலுக்கு ரிலீசாகும் என எதிர்பார்க்கப்படும் இந்த படத்தின் ஒவ்வொரு அப்டேட்களும் அடுத்து வெளியான வண்ணம் உள்ளது.
மேலும் செய்திகளுக்கு...மல்டிஸ்டார் காஃபி வித் காதல்... வெளியானது சூப்பர் அப்டேட்
thunivu
முன்னதாக மலையாள நடிகை மஞ்சுவாரியர் இந்த படத்தில் இணைந்துள்ளதாகவும், சமுத்திரக்கனி நடித்திருப்பதாகவும் தகவல் வெளியான நிலையில் தற்போது பிக் பாஸ் சீசன் 5 நிகழ்ச்சிகள் கலந்து கொண்ட மூன்று பிரபலங்கள் அஜித்தின் துணிவு படத்தில் இணைந்திருப்பது உறுதியாகியுள்ளது. முன்னதாக மாஸ்டர் படத்தில் முக்கிய கதாபாத்திரத்தில் நடித்திருந்த சிபி சந்திரன் மற்றும் பிக் பாஸ் நிகழ்ச்சியின் மூலம் காதல் ஜோடிகளாக பிரபலமாகி வந்த பாவனி மற்றும் அமீர் ஆகிய மூவரும் தான் அஜித்தின் துணிவு படத்தில் இணைந்துள்ளனர்.
thunivu
தற்போது இந்த மூவரும் அஜித்துடன் இருக்கும் புகைப்படம் வெளியாகியுள்ளது. முன்னதாக இவர்கள் வெளியிட்டிருந்த புகைப்படத்தில் பிக் பாஸ் டூ துணிவு என கேப்ஷன் போட்டிருந்தனர் அதோடு துணிவு படத்தில் யோகி பாபு, ஜான் விஜய், தர்ஷன் சரவணா, சுப்பையா போன்றோர் நடித்து வருவதாகவும் ஒரு தகவல் உள்ளது. மேலும் துணிவு படத்தை உதயநிதி ஸ்டாலினின் ரெட் ஜெயண்ட் மூவிஸ் தான் வெளியிடும் என்றும் கூறப்படுகிறது. துணிவு படத்தை அடுத்து விக்னேஷ் சிவனின் புதிய படத்தில் அஜித் இணைவார் என்றும் தெரிகிறது.
மேலும் செய்திகளுக்கு...உள்ளாடை தெரிய ஹாட் போஸ் கொடுத்து கண்ணை கட்ட வைக்கும் ஸ்ரேயா