பாபா படம் ரீ-ரிலீசாகி வரவேற்பை பெற்று வரும் நிலையில், அப்படத்திற்கு போட்டியாக ரஜினி நடிப்பில் வெளியாகி பிளாக்பஸ்டர் ஹிட்டான மற்றுமொரு படமும் ரீ-ரிலீஸ் ஆகி உள்ளது.
நடிகர் ரஜினிகாந்த்துக்கு குழந்தைகள் முதல் பெரியவர்கள் வரை ரசிகர்கள் உள்ளனர். தற்போது 72 வயது ஆனபோதிலும் மக்கள் மத்தியில் ரஜினிக்கான மவுசு இன்னும் குறைந்தபாடு இல்லை. அந்த அளவுக்கு இந்தியா முழுவதும் கொண்டாடப்படும் ஒரு சூப்பர்ஸ்டாராக திகழ்ந்து வருகிறார் ரஜினிகாந்த். அவரது பிறந்தநாள் வருகிற டிசம்பர் 12-ந் தேதி கொண்டாடப்பட உள்ளது.
ஆண்டுதோறும் ரஜினியின் பிறந்தநாளை ரசிகர்கள் கோலாகலமாக கொண்டாடுவது வழக்கம். அன்றைய தினம் ஏழை எளிய மக்களுக்கு பல்வேறு நலத்திட்ட உதவிகளையும் அவரது ரசிகர்கள் செய்வார்கள். அதுமட்டுமின்றி ரஜினியின் பிறந்தநாளை கொண்டாடும் விதமாக அவர் நடிப்பில் வெளியாகி வெற்றி பெற்ற படங்கள் ரீ-ரிலீஸ் செய்யப்படுவதும் உண்டு.
இதையும் படியுங்கள்... மாண்டஸ் புயலுக்கு மத்தியிலும் மாஸ் காட்டும் ரஜினி... பாபா ரீ-ரிலீஸை வெறித்தனமாக கொண்டாடும் ரசிகர்கள்
அந்த வகையில் இந்த ஆண்டு ரஜினியின் பாபா திரைப்படம் ரீ-ரிலீஸ் செய்யப்பட்டு உள்ளது. இன்று உலகமெங்கும் ரீ-ரிலீஸ் செய்யப்பட்டுள்ள இப்படத்திற்கு பெரும்பாலான இடங்களில் அதிகாலை 4 மணிக்காட்சிகள் ஹவுஸ்புல் ஆகின. இந்த படத்தை டிஜிட்டல் முறையில் மெருகேற்றியதோடு மட்டுமின்றி படத்தின் கிளைமாக்ஸையும் மாற்றி வெளியிட்டுள்ளனர்.
இவ்வாறு பாபா படம் ரீ-ரிலீசாகி வரவேற்பை பெற்று வரும் நிலையில், அப்படத்திற்கு போட்டியாக ரஜினி நடிப்பில் கடந்த 2007-ம் ஆண்டு வெளியாகி பிளாக்பஸ்டர் ஹிட்டான சிவாஜி படத்தையும் ரீ-ரிலீஸ் செய்துள்ளனர். மல்டிபிளக்ஸ் தியேட்டர்களில் மட்டும் ரீ-ரிலீஸ் செய்யப்பட்டுள்ள இப்படம் வருகிற டிசம்பர் 15-ந் தேதி வரை திரையிடப்பட உள்ளதாக தெரிவிக்கப்பட்டு உள்ளது.
இதையும் படியுங்கள்... யோகிபாபுவுக்கு கிரிக்கெட் பேட் பரிசளித்து இன்ப அதிர்ச்சி கொடுத்த விஜய்... அதன் விலை தெரிஞ்சா ஷாக் ஆகிடுவீங்க!