நடிகர் மாதவனின் மகன் வேதாந்த் மலேசியாவில் நடைபெற்ற சர்வதேச நீச்சல் போட்டியில் பங்கேற்று இந்தியாவுக்காக 5 தங்க பதக்கங்களை வென்றுள்ளார்.
தமிழ் திரையுலகில் சாக்லேட் பாய் ஆக வலம் வந்தவர் நடிகர் மாதவன். ரன், அலைபாயுதே, ஜே ஜே, போன்ற ரொமாண்டிக் ஹிட் படங்களை கொடுத்த நடிகர் மாதவன், பின்னர் பாலிவுட் பக்கம் சென்று அங்கு 3 இடியட்ஸ் படத்தில் நடித்து முன்னணி நடிகராக உயர்ந்தார். இதையடுத்து சுதா கொங்கரா இயக்கத்தில் வெளியான இறுதிச் சுற்று திரைப்படம் மூலம் தமிழில் கம்பேக் கொடுத்த மாதவன், ராக்கெட்ரி படம் மூலம் இயக்குனராகவும் அவதாரம் எடுத்தார்.
தற்போது தமிழில் 2 படங்களை கைவசம் வைத்துள்ளார் மாதவன். அதில் ஒரு படத்தை மித்ரன் ஆர் ஜவஹர் இயக்குகிறார். இவர் தனுஷ் நடிப்பில் வெளியாகி பிளாக்பஸ்டர் ஹிட் ஆன திருச்சிற்றம்பலம் படத்தை இயக்கியவர் ஆவார். அதேபோல் மாதவன் நடிக்கும் மற்றொரு படம் டெஸ்ட். கிரிக்கெட்டை மையமாக வைத்து உருவாகும் இப்படத்தை தயாரிப்பாளர் சசிகாந்த் இயக்க உள்ளார். இப்படத்தில் மாதவன் உடன் நயன்தாரா மற்றும் சித்தார்த் ஆகியோரும் நடிக்கின்றனர்.
இதையும் படியுங்கள்... Trisha : ‘குந்தவை’னு பெயர் மாத்துனது குத்தமா..! திரிஷாவில் ப்ளூ டிக்-ஐ பறித்த டுவிட்டர்
இப்படி மாதவன் நடிப்பில் பிசியாக இருக்க, மறுபக்கம் அவரது மகன் வேதாந்த், நீச்சல் போட்டிகளில் கலக்கி வருகிறார். நீச்சல் வீரரான வேதாந்த், சர்வதேச நீச்சல் போட்டிகளில் கலந்துகொண்டு தொடர்ந்து பதக்கங்களையும் வென்று குவித்து வருகிறார். அந்த வகையில் தற்போது மலேசியாவில் நடைபெற்ற நீச்சல் போட்டியில் இந்தியா சார்பில் பங்கேற்ற வேதாந்த், 5 தங்க பதக்கங்களை வென்று குவித்துள்ளார். அவருக்கு பாரட்டுக்களும் குவிந்த வண்ணம் உள்ளன.
வேதாந்த் 5 தங்கப் பதக்கங்களுடன் போஸ் கொடுத்த புகைப்படங்களை பதிவிட்டுள்ள நடிகர் மாதவன், அந்த பதிவில், கடவுளின் அருளாலும், அனைவரின் வாழ்த்துக்களாலும் வேதாந்த், மலேசியாவில் நடைபெற்ற சாம்பியன்ஷிப் நீச்சல்போட்டியில் 50, 100, 200, 400 மற்றும் 1500 மீட்டர் ஆகிய பிரிவுகளில் கலந்துகொண்டு தங்கப்பதக்கம் வென்றுள்ளார். பெருமையாக உள்ளது” என நெகிழ்ச்சி உடன் பதிவிட்டுள்ளார்.
இதையும் படியுங்கள்... Thangalaan : இதுதான்டா ஒரிஜினல் கே.ஜி.எஃப்...! மிரள வைக்கும் சீயான் விக்ரமின் ‘தங்கலான்’ மேக்கிங் வீடியோ இதோ
சேனலை கிளிக் செய்து பின்தொடரவும்