நெட்பிளிக்ஸில் அதிக வியூஸ்களை வாரிசுருட்டிய டாப் 10 தமிழ் படங்கள்... முதலிடத்தில் விஜய் சேதுபதி படம்..!

ஓடிடியில் ஒரு படம் வெற்றி அடைவது அதற்கு கிடைக்கும் வியூஸ்களை வைத்து தான் கணிக்கப்படும். அந்த வகையில் நெட்பிளிக்ஸ் ஓடிடி தளத்தில் அதிக வியூஸ் அள்ளிய டாப் 10 தமிழ் படங்களை பற்றி பார்க்கலாம்.

10. இந்தியன் 2

நெட்பிளிக்ஸ் ஓடிடி தளத்தில் அதிக வியூஸ் அள்ளிய தமிழ் படங்கள் பட்டியலில் கமல்ஹாசனின் இந்தியன் 2  திரைப்படம் 10ம் இடத்தில் உள்ளது. ஷங்கர் இயக்கத்தில் பிரம்மாண்டமாக உருவாகி இருந்த அப்படம் 99 லட்சம் பார்வைகளை பெற்றிருக்கிறது. 

9. டிராகன்

அஸ்வத் மாரிமுத்து இயக்கத்தில் பிரதீப் ரங்கநாதன் ஹீரோவாக நடித்த படம் டிராகன். கடந்த ஆண்டு ரிலீஸ் ஆன இப்படம் மாபெரும் வரவேற்பை பெற்றது. இப்படம் நெட்பிளிக்ஸில் 1 கோடியே 9 லட்சம் வியூஸ்களை வாரிசுருட்டி இருக்கிறது.

8. மெய்யழகன்

பிரேம்குமார் இயக்கத்தில் கார்த்தி, அரவிந்த் சாமி ஆகியோர் நடிப்பில் வெளியாகி மாபெரும் வரவேற்பை பெற்ற படம் மெய்யழகன். இப்படம் நெட்பிளிக்ஸில் வெளியாகி இதுவரை 1 கோடியே 14 லட்சம் வியூஸ்களை வாரிக்குவித்து இருக்கிறது.

7. இட்லி கடை

நடிகர் தனுஷ், இயக்கி ஹீரோவாக நடித்த படம் இட்லி கடை. டான் பிக்சர்ஸ் நிறுவனம் தயாரித்த இப்படம் கடந்த ஆண்டு வெளியாகி வெற்றி பெற்றது. இப்படம் நெட்பிளிக்ஸ் ஓடிடி தளத்தில் 1 கோடியே 20 லட்சம் வியூஸ் அள்ளி 7ம் இடத்தில் உள்ளது.

6. வாத்தி

நடிகர் தனுஷின் மற்றொரு படமான வாத்தி, இந்த பட்டியலில் 6-ம் இடத்தை பிடித்திருக்கிறது. வெங்கி அட்லூரி இயக்கத்தில் வெளியாகி வெற்றி பெற்ற இப்படம் நெட்பிளிக்ஸ் ஓடிடி தளத்தில் 1 கோடியே 24 லட்சம் வியூஸ்களை குவித்துள்ளது.

5. தி கோட்

வெங்கட் பிரபு இயக்கத்தில் நடிகர் விஜய் ஹீரோவாக நடித்த படம் தி கோட். இப்படத்தில் விஜய் இரட்டை வேடத்தில் நடித்திருந்தார். இப்படம் கடந்த 2024-ம் ஆண்டு நெட்பிளிக்ஸ் ஓடிடியில் ரிலீஸ் ஆனது. இதற்கு 1 கோடியே 34 லட்சம் வியூஸ் கிடைத்துள்ளது.

4. அமரன்

கமல்ஹாசன் தயாரிப்பில் சிவகார்த்திகேயன் ஹீரோவாக நடித்த படம் அமரன். இப்படத்தை ராஜ்குமார் பெரியசாமி இயக்கி இருந்தார். இதில் ஹீரோயினாக சாய் பல்லவி நடித்திருந்தார். இப்படம் நெட்பிளிக்ஸில் 1 கோடியே 47 லட்சம் வியூஸ் அள்ளி 4ம் இடத்தில் உள்ளது.

3. துணிவு

எச்.வினோத் இயக்கத்தில் அஜித்குமார், மஞ்சு வாரியர், சமுத்திரக்கனி, அமீர், பாவனி ஆகியோர் நடிப்பில் வெளியாகி மாபெரும் வெற்றியை ருசித்த படம் துணிவு. இப்படத்திற்கு நெட்பிளிக்ஸில் 1 கோடியே 68 லட்சம் வியூஸ் கிடைத்துள்ளது.

2. லியோ

லோகேஷ் கனகராஜ் இயக்கத்தில் விஜய், சஞ்சய் தத், அர்ஜுன், சாண்டி, மிஷ்கின், மடோனா செபஸ்டியன், திரிஷா, பிரியா ஆனந்த் ஆகியோர் நடித்த படம் லியோ. இப்படம் நெட்பிளிக்ஸ் ஓடிடியில் 2 கோடியே 35 லட்சம் வியூஸ் உடன் 2ம் இடத்தில் உள்ளது.

1. மகாராஜா

நெட்பிளிக்ஸ் ஓடிடி தளத்தில் அதிக வியூஸ் அள்ளிய திரைப்படம் என்றால் அது மகாராஜா தான். மக்கள் செல்வன் விஜய் சேதுபதி ஹீரோவாக நடித்த இப்படம் இதுவரை 2 கோடியே 81 லட்சம் வியூஸ் பெற்று முதலிடத்தில் உள்ளது. இந்த சாதனையை இதுவரை எந்த தமிழ் படமும் முறியடிக்கவில்லை.