குழந்தை பிறந்த பின்னும் குறையாத மவுசு... கோலிவுட்டில் கொடிகட்டிப் பறக்கும் நயன்தாரா - கைவசம் இத்தனை படங்களா..!

லேடி சூப்பர்ஸ்டார் நயன்தாராவுக்கு கல்யாணமாகி, குழந்தை பிறந்துவிட்ட போதும் தற்போது இவர் கைவசம் அரை டஜனுக்கும் மேற்பட்ட படங்கள் இருப்பது தான் பலருக்கும் ஆச்சர்யத்தை ஏற்படுத்தி உள்ளது. 

மலையாள நடிகையான நயன்தாரா, கடந்த 2005-ம் ஆண்டு ஹரி இயக்கத்தில் வெளியான ஐயா படம் மூலம் கோலிவுட்டில் ஹீரோயினாக அறிமுகமானார். இப்படத்தில் சரத்குமாருக்கு ஜோடியாக நடித்திருந்த அவர், அடுத்ததாக ரஜினியுடன் சந்திரமுகி, விஜய்யுடன் சிவகாசி, அஜித்துடன் பில்லா என அடுத்தடுத்து முன்னணி ஹீரோக்களுடன் நடித்து முன்னணி நடிகையாக உயர்ந்தார்.

முதலில் கமர்ஷியல் படங்களில் மட்டும் ஆர்வம் காட்டி வந்த நயன்தாரா, பின்னர் ஹீரோயினுக்கு முக்கியத்துவம் உள்ள படங்களிலும் நடிக்கத் தொடங்கினார். அந்த வகையில் இவர் நடிப்பில் வெளிவந்த அறம், மாயா, டோரா ஆகிய படங்கள் அடுத்தடுத்து ஹிட் ஆனதால் ஹீரோக்களுக்கு இணையான வரவேற்பு இவரது படங்களுக்கும் கிடைக்க ஆரம்பித்தது. இதனால் லேடி சூப்பர்ஸ்டாராகவும் உயர்ந்தார்.

இதையும் படியுங்கள்... ரசிகர்களுடனான சந்திப்பு நிறைவு.. ஃபேன்ஸிடம் நடிகர் விஜய் சொன்ன அந்த முக்கியமான 2 விஷயம் என்ன?- முழு விவரம் இதோ

பொதுவாக ஹீரோயின்களுக்கு கல்யாணம் ஆகிவிட்டாலே பட வாய்ப்புகள் குறையத் தொடங்கிவிடும், அதுவும் குழந்தை பிறந்துவிட்டால் அவருக்கு அக்கா, அம்மா போன்ற ரோல்கள் கொடுத்து ஒதுக்கிவிடுவார்கள். இப்படி தான் பல முன்னணி ஹீரோயின்களுக்கு நடந்துள்ளது. ஆனால் நயன்தாரா, அந்த விஷயத்தில் சற்று வித்தியாசமானவராக இருக்கிறார்.

நயன்தாராவுக்கு கல்யாணமாகி, குழந்தை பிறந்துவிட்ட போதும் தற்போது இவர் கைவசம் அரை டஜனுக்கும் மேற்பட்ட படங்கள் இருப்பது தான் பலருக்கும் ஆச்சர்யத்தை ஏற்படுத்தி உள்ளது. அதன்படி நடிகை நயன்தாரா தற்போது அல்போன்ஸ் புத்திரன் இயக்கியுள்ள கோல்டு, அஸ்வின் சரவணனின் கனெக்ட், அட்லீ இயக்கும் ஜவான், அஹமத் இயக்கியுள்ள இறைவன் போன்ற படங்களில் நடித்து வருகிறார். இதுதவிர நிலேஷ் கிருஷ்ணா இயக்கத்தில் ஒரு படம், மலையாள நடிகர் நிவின் பாலி உடன் ஒரு படம், துரை செந்தில்குமார் இயக்கும் புதிய படம் என மொத்தமாக கைவசம் 7 படங்களை வைத்திருக்கிறார் நயன்.

இதையும் படியுங்கள்... 2 முறை கேன்சர் பாதிப்பில் இருந்து மீண்ட 24 வயது இளம் நடிகை... மாரடைப்பால் பரிதாப பலி - சோகத்தில் ரசிகர்கள்