துபாய்; சொகுசு கப்பலில் மிதந்தவாறு நடந்த Brother பட பிரஸ் மீட் - வைரல் பிக்ஸ் இதோ!

Brother Movie : பிரபல நடிகர் ஜெயம் ரவி நடிப்பில் உருவாகியுள்ள பிரதர் திரைப்படம் வருகின்ற தீபாவளி ரிலீஸ் திரைப்படமாக அக்டோபர் 31ஆம் தேதி திரையரங்குகளில் வெளியாகிறது.

Brother Promotion

தமிழ் சினிமாவை பொறுத்தவரை தன்னுடைய அண்ணன் மோகன் ராஜா இயக்கத்தில் கடந்த 2003ம் ஆண்டு வெளியான ஜெயம் என்கின்ற திரைப்படத்தின் மூலம் தமிழ் திரை உலகில் கதையின் நாயகனாக அறிமுகமானவர் தான் ஜெயம் ரவி. தொடர்ச்சியாக தமிழில் நல்ல பல படங்களில் நடித்து வெகு சீக்கிரத்தில் தமிழ் மக்களுக்கு பிடித்த ஒரு நடிகராக அவர் மாறினார். எந்த ஒரு சூழலிலும் வித்தியாசமான கதைகளை கையாள ரவி என்றுமே தவறில்லை என்பது குறிப்பிடத்தக்கது. அந்த வகையில் கடந்த 21 ஆண்டுகளாக தமிழ் திரை உலகில் மிகச்சிறந்த நடிகராக அவர் பயணித்து வருகிறார். 

Priyanka

கடந்த 2016 ஆம் ஆண்டு தமிழில் வெளியான "மிருதன்", அதைத் தொடர்ந்து வெளியான "போகன்", "வனமகன்", "டிக் டிக் டிக்",  "அடங்குமாறு" மற்றும் "கோமாளி" போன்ற திரைப்படங்கள் ஜெயம் ரவியின் நடிப்புத் திறனை வெளிக்காட்டும் மிகச் சிறந்த திரைப்படங்களாக அமைந்தது. அது மட்டுமல்லாமல் பிரபல இயக்குனர் மணிரத்தினம் இயக்கத்தில் வெளியான பொன்னியின் செல்வன் திரைப்படத்தில், அருள்மொழி வர்மனாகவே வாழ்ந்தார் ஜெயம் ரவி என்றால் அதில் மிகையல்ல. இப்படி தொடர்ச்சியாக தன்னுடைய நேர்த்தியான நடிப்பை அவர் வெளிப்படுத்தி வந்த சூழலில் தான் இந்த ஆண்டு தன்னுடைய மனைவி ஆர்த்தியை பிரிவதாக பரபரப்பு தகவல் ஒன்றை அவர் வெளியிட்டார். 

Jayam Ravi

ஜெயம் ரவி மற்றும் ஆர்த்தியின் பிரிவு அவருடைய ரசிகர்கள் மத்தியில் மிகப்பெரிய தாக்கத்தை ஏற்படுத்தினாலும். ஜெயம் ரவி தரப்பில் இந்த விஷயம் தனக்கான சொந்த வாழ்க்கையில் இருந்து கிடைத்த விடுதலையாக தான் பார்க்கப்படுவதாக தெரிவிக்கப்பட்டது. இருப்பினும் தன்னுடைய விவாகரத்து முடிவினால், எந்த திரைப்படங்களில் இருந்து விலகாமல் அதில் அதிக கவனம் அவர் செலுத்த ஆரம்பித்தார். ஏற்கனவே இந்த ஆண்டு அவருடைய நடிப்பில் "சைரன்" என்கின்ற திரைப்படம் வெளியாகி உள்ள நிலையில், தொடர்ச்சியாக மூன்று திரைப்படங்கள் அவருடைய நடிப்பில் உருவாகி வருகிறது.

Brother movie

அந்த வகையில் இயக்குனர் எம். ராஜேஷ் இயக்கத்தில், ஹாரிஸ் ஜெயராஜ் இசையில் வருகின்ற தீபாவளி ரிலீஸ் திரைப்படமாக வெளியாக இருக்கிறது ஜெயம் ரவி "பிரதர்" திரைப்படம். இந்த திரைப்படத்தில் பிரியங்கா மோகன், பூமிகா, சரண்யா பொன்வண்ணன், வி.டிவி கணேஷ், யோகி பாபு மற்றும் ரோபோ சங்கர் உள்ளிட்ட பல முக்கிய நடிகர்கள் நடித்திருக்கின்றனர். விரைவில் இந்த திரைப்படம் திரையரங்குகளில் வெளியாகவுள்ள நிலையில், துபாய் நாட்டில் மிதக்கும் சொகுசு கப்பலில் (Yacht) இந்த திரைப்படத்திற்கான செய்தியாளர் சந்திப்பு பிரம்மாண்டமாக நடந்துள்ளது. தற்பொழுது அந்த புகைப்படங்கள் இணையத்தில் வெளியாகி வைரலாகி வருகிறது.