Jailer 2: ரஜினி முகத்தில் சிகரெட் புகை விட பயந்து நடுங்கிய வித்யா பாலன்! உடனே நெல்சன் செய்த விஷயம்!

Jailer 2: 'ஜெயிலர் 2' முதல் நாள் படப்பிடிப்பில் சூப்பர் ஸ்டார் ரஜினிகாந்தின் முகத்தில் சிகரெட் புகையை விடும் காட்சியில் நடிக்க வித்யா பாலன் பயந்து நடுங்கிய சுவாரஸ்யமான தகவலை இயக்குநர் நெல்சன் திலீப்குமார் பகிர்ந்துள்ளார்.

ரஜினி முகத்தில் சிகரெட் புகையை விட பயந்த வித்யா பாலன்

சூப்பர் ஸ்டார் ரஜினிகாந்திற்கு முன்பாக நின்று பேசுவதற்கே பெரிய பெரிய நடிகர்கள் தயங்குவார்கள். அப்படி இருக்கையில், முதல் நாள் படப்பிடிப்பிலேயே அவர் முகத்தில் ஒரு நடிகை சிகரெட் புகையை விட வேண்டும் என்றால் எப்படி இருக்கும்? பாலிவுட் நடிகை வித்யா பாலனுக்கு அத்தகையதொரு சூழர்தான் ஏற்பட்டுள்ளது. 'ஜெயிலர் 2' படத்தில் ரஜினிகாந்துடன் நடிக்கும் வித்யா பாலன், முதல் நாள் படப்பிடிப்பின்போது மிகுந்த டென்ஷன் ஆகியுள்ளார். அவரது கைகளும் நடுங்கத் தொடங்கியுள்ளன. இந்த சுவாரஸ்யமான தகவலைப் படத்தின் இயக்குநர் நெல்சன் திலீப்குமார் பகிர்ந்துள்ளார்.

பயமின்றி பேசும் கதாபாத்திரம்

வித்யா பாலன் 'ஜெயிலர் 2' படத்தில் காந்தா என்னும் கதாபாத்திரத்தில் நடிக்கிறார். படத்தின் விளம்பர நிகழ்ச்சி ஒன்றில் பேசிய இயக்குநர் நெல்சன் திலீப்குமார், வித்யா பாலனின் அறிமுகக் காட்சிக்கான படப்பிடிப்பு முதல் நாளே நடைபெற்றதாகத் தெரிவித்தார். இக்காட்சியில் வித்யா பாலன் மிகவும் தைரியமான, வலுவான பெண்ணாக நடிக்க வேண்டியிருந்தது. ரஜினிகாந்த் ஏற்றுள்ள டைகர் முத்துவேல் பாண்டியன் கதாபாத்திரத்திற்கு முன்பாக நின்று, சற்றும் பயமின்றிப் பேசும் கதாபாத்திரம் அது. ஆனால், இத்தகைய ஒரு வலிமையான கதாபாத்திரத்தில் நடிப்பது தனக்கு மிகுந்த அச்சத்தை ஏற்படுத்துவதாக வித்யா பாலன் கூறியுள்ளார்.

சிகரெட்டை எடுத்ததும் நடுங்கிய வித்யா பாலன்

இக்காட்சியைப் படமாக்கும்போது நிகழ்ந்தவற்றை நெல்சன் விளக்கினார். காட்சியில் ரஜினிக்கு முன்பாக நின்று சிகரெட் பிடித்து, அவர் முகத்தில் புகையை விட வேண்டும் என்று வித்யா பாலனிடம் இயக்குநர் கூறியுள்ளார். இதைக் கேட்டதும் நடிகை பயத்தில் நடுங்கிப் போயுள்ளார். சிகரெட்டைக் கையில் எடுக்கும்போதே அவரது கைகள் நடுங்கியுள்ளன. லிப்ஸ்டிக் பிடிப்பது போல சிகரெட்டைப் பிடித்துள்ளார். இதனால் இரண்டு முறை அக்காட்சியை கட் செய்ய வேண்டியதாயிற்று.

மூன்றாவது டேக்கில் சரியானது காட்சி

மானிட்டரில் வித்யா பாலனின் நடிப்பைக் கவனித்தபோது, அபாத்திரத்திற்குத் தேவையான தைரியம் அவரது முகத்தில் இல்லை என்பதை இயக்குநர் உணர்ந்துள்ளார். அவரது கண்களில் பயம் நன்றாகத் தெரிந்துள்ளது. இருப்பினும், மூன்றாவது டேக்கில்தான் அக்காட்சியைச் சரியாக எடுக்க முடிந்ததாக நெல்சன் குறிப்பிட்டார். திரையில் ரஜினிக்கு நிகராகக் கோபத்தைக் காட்டும் வித்யா பாலனுக்கு, இக்காட்சியின் படப்பிடிப்பு ஒரு பெரும் சவாலாகவே இருந்துள்ளது.

'ஜெயிலர் 2' எப்போது வெளியாகிறது?

இயக்குநர் நெல்சன் இயக்கத்தில் உருவாகும் 'ஜெயிலர் 2' படத்தில் ரஜினிகாந்த் மீண்டும் ஓய்வுபெற்ற ஜெயிலரான டைகர் முத்துவேல் பாண்டியனாக நடிக்கிறார். இப்படத்தில் ரம்யா கிருஷ்ணன், எஸ்.ஜே. சூர்யா, மிதுன் சக்கரவர்த்தி, வித்யா பாலன், சூரஜ் வெஞ்சாரமூடு, யோகி பாபு ஆகியோர் நடிக்கின்றனர். மேலும், சிறப்புத் தோற்றத்தில் மோகன்லால், சிவராஜ்குமார், ஜாக்கி ஷெராஃப், விஜய் சேதுபதி, ஹிருத்திக் ரோஷன் ஆகியோரும் நடிக்க வாய்ப்புள்ளது. இப்படம் வரும் அக்டோபர் 15ஆம் தேதி திரையரங்குகளில் வெளியாகவுள்ளது என்பது குறிப்பிடத்தக்கது.