CM Vijay ராஜினாமா செய்த தொகுதியில் போட்டியிடும் ராகவா லாரன்ஸ்? பரபரக்கும் திருச்சி கிழக்கு! ஜூன் 11 முக்கிய அறிவுப்பு!

தமிழக அரசியல் களத்தில் தற்போது திருச்சி கிழக்கு தொகுதி இடைத்தேர்தல் குறித்த விவாதங்கள் சூடுபிடித்துள்ளன. இந்தத் தொகுதியில் ராகவா லாரன்ஸ் போட்டியிடக்கூடும் என்ற தகவல் காட்டுத்தீ போல பரவி வரும் நிலையில், அவர் ஒரு முக்கிய அறிவிப்பை வெளியிட்டுள்ளார்.

என்ன நடக்கிறது?

தமிழக சட்டசபை தேர்தலில் பெரம்பூர் மற்றும் திருச்சி கிழக்கு ஆகிய இரு தொகுதிகளில் வெற்றி பெற்ற முதல்வர் ஜோசப் விஜய், திருச்சி கிழக்கு தொகுதி எம்.எல்.ஏ. பதவியை ராஜினாமா செய்தார். இதனால் அந்தத் தொகுதி காலியானதாக அறிவிக்கப்பட்டு, அங்கு இடைத்தேர்தல் நடைபெற வேண்டிய சூழல் உருவாகியுள்ளது.

இந்த இடைத்தேர்தலில் த.வெ.க. சார்பில் போட்டியிடப்போவது யார் என்ற கேள்வி எழுந்தபோது, சமூக வலைத்தளங்களில் ஓய்வு பெற்ற ஐ.ஏ.எஸ். அதிகாரி சகாயம் அல்லது நடிகர் ராகவா லாரன்ஸ் ஆகியோரின் பெயர்கள் தீவிரமாக அடிபட்டன.

வதந்திகளுக்கு லாரன்ஸ் முற்றுப்புள்ளி

இந்த விவகாரம் குறித்து மௌனம் கலைத்த ராகவா லாரன்ஸ், இது தொடர்பான ஊகங்களுக்கு முற்றுப்புள்ளி வைக்க விரும்புவதாகத் தெரிவித்துள்ளார். இது குறித்து அவர் வெளியிட்டுள்ள அறிக்கையில்:

"திருச்சி கிழக்கு தொகுதி தேர்தலில் நான் போட்டியிடுவதாக வெளியாகும் செய்திகள் குறித்து பலரும் என்னை தொடர்புகொண்டு விளக்கம் கேட்கின்றனர். இது தொடர்பான வதந்திகள் மற்றும் ஊகங்கள் ஒரு எல்லையைத் தாண்டிவிட்டன," என்று அவர் குறிப்பிட்டுள்ளார்.

ஜூன் 11-ல் காத்திருக்கும் பதில்

தற்போது தாம் 'பென்ஸ்' திரைப்படத்தின் படப்பிடிப்பில் முழுமையாக ஈடுபட்டுள்ளதாகவும், அந்தப் பணி ஜூன் 10-ம் தேதியுடன் நிறைவடைய உள்ளதாகவும் லாரன்ஸ் கூறியுள்ளார்.

இதனைத் தொடர்ந்து, வரும் ஜூன் 11-ம் தேதி காலை 9.30 மணிக்கு, தனது தாயாரின் ஆசியுடன், தனது வாழ்க்கையின் மிக முக்கியமான முடிவை அதிகாரப்பூர்வமாக அறிவிக்கப்போவதாக அவர் தெரிவித்துள்ளார்.

Hi everyone, News about me contesting in Trichy East election has been circulating across various media platforms. 

All my Media friends have been reaching out to me over phone and requesting to meet me asking for clarification. Since the speculation has grown to a point where I… pic.twitter.com/68ZyN6P0l9

— Raghava Lawrence (@offl_Lawrence) June 7, 2026

ரசிகர்களிடையே எழும் கேள்விகள்

ராகவா லாரன்ஸின் இந்த அறிவிப்பு அரசியல் தொடர்பானதாக இருக்குமா அல்லது சமூக சேவை அல்லது புதிய திரைப்பட அறிவிப்பு என வேறேதேனும் இருக்குமா? என்ற எதிர்பார்ப்பு தற்போது ரசிகர்கள் மற்றும் அரசியல் ஆர்வலர்கள் மத்தியில் பெரும் பரபரப்பை ஏற்படுத்தியுள்ளது. எது எப்படியோ, ஜூன் 11-ம் தேதி லாரன்ஸ் சொல்லப்போகும் அந்தச் செய்தி, தமிழக அரசியல் மற்றும் சினிமா வட்டாரத்தில் முக்கியத்துவம் வாய்ந்ததாக அமையும் என்பதில் சந்தேகமில்லை.