இந்த வாரம்.. தியேட்டரை கலக்க தளபதியின் கோட்.. அப்போ OTTக்கு? முழு லிஸ்ட் இதோ!

This Week OTT Release : இந்த வாரம் தமிழ், மலையாளம் ஆகிய இரு மொழிகளிலும் நல்ல பல திரைப்படங்கள் OTT தளத்தில் வெளியாக உள்ளது.

The Greatest of all time

இன்று செப்டம்பர் 5ம் தேதி வியாழக்கிழமை, தளபதி விஜயின் "தி கிரேட்டஸ்ட் ஆஃப் ஆல் டைம்" திரைப்படம் வெளியாகி மிகப்பெரிய வெற்றி திரைப்படமாக மாறியுள்ளது. நொடிக்கு நொடி ட்விஸ்ட் கொடுத்து ரசிகர்களை இருக்கையின் நுனியிலேயே அமர வைத்திருக்கிறார் வெங்கட் பிரபு என்றால் அதே மிகையல்ல. பல சிறப்பான கேமியோ கதாபாத்திரங்களுடன், தளபதி விஜய்க்கு பிரியாவிடை கொடுக்கும் ஒரு அருமையான திரைப்படமாக கோட் படத்தை அமைத்துள்ளார் VP.

Vasco Da Gama

இந்த வாரம் திரையரங்கில் வெளியாகி "கோட்" திரைப்படம் தனது ஆதிக்கத்தை செலுத்த உள்ள நிலையில், OTT தளத்திலும் தொடர்ச்சியாக திரைப்படங்கள் வெளியாக உள்ளது. அதன்படி பிரபல நடிகர் நகுல், முனீஸ்கான்த் மற்றும் மூத்த இயக்குனர் கே.எஸ் ரவிக்குமார் உள்ளிட்டோர் நடிப்பில் கடந்த ஆகஸ்ட் 2ம் தேதி வெளியாகி, நல்ல வரவேற்பை பெற்ற "வாஸ்கோடகாமா" என்கின்ற திரைப்படம், நாளை செப்டம்பர் 6ஆம் தேதி ஆஹா மற்றும் அமேசான் பிரைம் ஓடிடி தளங்களில் வெளியாகிறது. 

Irul movie

அதேபோல கடந்த 2021ம் ஆண்டு பிரபல நடிகர் பகத் பாசில் நடிப்பில் வெளியான "இருள்" என்ற மலையாள திரைப்படம் நாளை செப்டம்பர் 6ஆம் தேதி அதே ஆஹா OTT தலத்தில் வெளியாகிறது. இது மலையாள திரைப்படமாக இருந்தாலும், OTT தளத்தில் தமிழிலும் இது வெளியாக உள்ளது குறிப்பிடத்தக்கது. 

Thalavan Movie

பிரபல மலையாளத் திரைப்பட நடிகர் பிஜு மேனன் நடிப்பில் உருவான திரைப்படம் தான் "தலவன்". கடந்த மே மாதம் 2024ல் இந்த திரைப்படம் வெளியான நிலையில், வருகின்ற செப்டம்பர் மாதம் 12ம் தேதி சோனி லைவ் ஓடிடி தளத்தில் இந்த திரைப்படம் வெளியாகிறது. 

அதேபோல மலையாளத்தில் வெளியாகி சூப்பர் ஹிட்டான "அடியோஸ் அமிகோ" திரைப்படம், நாளை செப்டம்பர் 6ஆம் தேதி நெட்ப்ளிக்ஸ் தளத்தில் வெளியாகவுள்ளது.