Suriya Advice to Fans : நடிகர் சூர்யா, தன்னுடைய ரசிகர்களுடனான சந்திப்பில் ஆன்லைன் மோதல்கள் குறித்து பேசி இருக்கிறார். அப்போது அவர் சொன்ன அட்வைஸ் வைரலாகி வருகிறது.
சோசியல் மீடியாவில் வரும் ஒவ்வொரு விமர்சனத்துக்கும் பதிலடி கொடுத்துக்கொண்டே இருக்க வேண்டிய அவசியம் இல்லை என்று நடிகர் சூர்யா தெரிவித்துள்ளார். சமீபத்தில் நடைபெற்ற ரசிகர்கள் சந்திப்பு நிகழ்ச்சியில் பேசிய அவர், தங்களுடைய ஆற்றலை தேவையில்லாத விவாதங்களில் செலவிடாமல், தங்களுக்கு பிடித்த விஷயங்களில் கவனம் செலுத்த வேண்டும் என்று அறிவுறுத்தியுள்ளார்.
ரசிகர்களுடன் நடைபெற்ற இந்த சந்திப்பில் சூர்யா பேசும்போது, சோசியல் மீடியாவில் ஒருவர் தவறான அல்லது முட்டாள்தனமான கருத்தை பதிவிட்டால், அதற்கு தொடர்ந்து பதில் அளிப்பதன் மூலம் நாமும் அதே நிலைக்கு சென்று விடுவோம் என குறிப்பிட்டுள்ளார்.
மேலும், எதிரில் இருப்பவரை மாற்ற வேண்டும், நம்முடைய கருத்தை அவருக்கு புரிய வைக்க வேண்டும் என்று தொடர்ந்து முயற்சி செய்வது மிகவும் கடினமான விஷயம் என்றும் அவர் தெரிவித்துள்ளார். அவரவர் கருத்துடன் அவர்களை இருக்க விட வேண்டும் என்றும், நாம் நம்முடைய பாதையில் பயணிப்பதே முக்கியம் என்றும் சூர்யா கூறியுள்ளார்.
தான் கூறும் கருத்துகள் அனைவருக்கும் ஒரே மாதிரியாக புரியும் என்று எதிர்பார்க்க முடியாது என்றும் சூர்யா தெரிவித்துள்ளார். சிலருக்கு தங்களுடைய கருத்து புரியலாம்; பலருக்கு புரியாமல் போகலாம். அதற்காக அவர்களுடன் தேவையில்லாமல் விவாதிப்பதை தவிர்க்க வேண்டும் என்றும் ரசிகர்களிடம் அவர் கேட்டுக்கொண்டுள்ளார். குறிப்பாக, “உங்களுடைய ஆற்றலை அவர்களிடம் வீணாக்க வேண்டாம். உங்களுக்கு பிடித்ததை முழு முயற்சியுடன் செய்யுங்கள்” என்ற கருத்தையும் அவர் வலியுறுத்தியுள்ளார்.
உலகம் வேகமாக மாறி வருவதையும், ஏஐ உள்ளிட்ட புதிய தொழில்நுட்பங்கள் தொடர்ந்து வளர்ந்து வருவதையும் சுட்டிக்காட்டிய சூர்யா, தினமும் தங்களுக்கு பிடித்த விஷயத்தை முழு ஈடுபாட்டுடன் செய்தால் வெற்றியை நோக்கி செல்ல முடியும் என்றும் தெரிவித்துள்ளார். அதேபோல், தங்களை சுற்றியுள்ளவர்களுக்கு அன்பை வழங்குவது மிகவும் முக்கியம் என்றும் பேசியுள்ளார்.
34
சூர்யாவின் பேச்சால் சோசியல் மீடியாவில் பரபரப்பு
சூர்யா தனது பேச்சில் எந்த ஒரு அரசியல் கட்சியையோ, குறிப்பிட்ட நபரையோ நேரடியாக குறிப்பிடவில்லை. இருப்பினும், அவரது இந்த கருத்துகள் தமிழக வெற்றிக் கழகத்தினரை மறைமுகமாக விமர்சிக்கும் வகையில் இருப்பதாக சில விஜய் ஆதரவாளர்கள் சோசியல் மீடியாவில் கருத்து தெரிவித்து வருகின்றனர். விஜய் அரசியலுக்கு வந்த பிறகு அவரது ரசிகர் மன்ற அமைப்பு அரசியல் கட்சியின் கட்டமைப்பாக மாறியிருப்பதாகவும், அவரை ஆதரிக்கும் கருத்துகள் சோசியல் மீடியாவில் தொடர்ந்து வெளிப்பட்டு வருவதாகவும் பல்வேறு விவாதங்கள் நடைபெற்று வருகின்றன.
இந்த சூழலில் சூர்யா, சோசியல் மீடியா பதிவுகளுக்கு பதில் அளிப்பது குறித்து பேசியிருப்பது தற்போது இணையத்தில் பேசுபொருளாகியுள்ளது. ஆனால், அவரது பேச்சில் விஜய் அல்லது தமிழக வெற்றிக் கழகம் தொடர்பான நேரடி குறிப்பு எதுவும் இடம்பெறவில்லை என்பதும் குறிப்பிடத்தக்கது. இதனால் சூர்யாவின் பொதுவான அறிவுரையை குறிப்பிட்ட அரசியல் தரப்புடன் இணைத்து சமூக வலைதளங்களில் பலரும் விவாதித்து வருகின்றனர். அவரது பேச்சு உண்மையில் யாரை குறிப்பிட்டது என்ற கேள்வியும் தற்போது சோசியல் மீடியாவில் பேசப்பட்டு வருகிறது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
