'தங்கலான்' படத்திற்காக ஹாலிவுட் நடிகரை இறக்கிய பா.ரஞ்சித்..! வெளியான BTS புகைப்படம்..!

'தங்கலான்' படத்தில் இணைந்த ஹாலிவுட் நடிகர் பற்றிய தகவலை படக்குழு அதிகாரப்பூர்வமாக அறிவித்துள்ளது.  

இயக்குனர் பா.ரஞ்சித் இயக்கத்தில், விறுவிறுப்பாக உருவாகி வரும் 'தங்கலான்' படம் குறித்து அவ்வபோது படக்குழு முக்கிய தகவல்களை வெளியிட்டு வரும் நிலையில், இப்படத்தில் இணைந்துள்ள பிரபல ஹாலிவுட் நடிகர் பற்றிய தகவலை தற்போது அறிவித்துள்ளது.

தமிழ் சினிமாவில் தன்னுடைய முதல் படமான 'அட்டகத்தி' படத்தின் மூலமாகவே, தமிழ் ரசிகர்களை திரும்பிப்பார்க்க வைத்தவர் பா.ரஞ்சித். மிக குறுகிய காலத்தில், தன்னுடைய திறமையால் உயர்ந்த பா.ரஞ்சித் கடைசியாக 'நட்சத்திர நகர்கிறது' என்கிற படத்தை இயக்கினார்.

இப்படம் வசூல் ரீதியாக எதிர்பார்த்த வெற்றியை பெறவில்லை என்றாலும், விமர்சனம் ரீதியாக நல்ல வரவேற்பை பெற்றது. இந்த படத்தை தொடர்ந்து, தற்போது ஸ்டூடியோ கிரீன்ஸ் நிறுவனம் சார்பில், இயக்குனர்  ஞானவேல் ராஜா தயாரிப்பில் உருவாகி வரும், 'தங்கலான்'  படத்தை இயக்கி வருகிறார்.

இந்த படத்தில் சீயான் விக்ரம், ஹீரோவாக நடிக்க, பார்வதி ஹீரோயினாக நடித்து வருகிறார்.  மேலும் முக்கிய கதாபாத்திரத்தில், மாளவிகா மோகனன், பசுபதி போன்ற பலர் நடிக்கின்றனர்.

18 ஆம் நூற்றாண்டின் பின்னணியில் உருவாகி வரும் இப்படம் , கே ஜி எஃப் பட பாணியில் தங்கம் எடுக்கும் தொழிலாளர்களை மையப்படுத்தி உருவாகி வருகிறது. தற்போது, இப்படத்தின் படப்பிடிப்புக்காக படக்குழு கோலார் தங்க வயல் பகுதியை முகாமிட்டு, விறுவிறுப்பாக படப்பிடிப்பு பணிகளை மேற்கொண்டு வருகிறார்கள்.

தற்போது இந்த படத்தில் பிரபல ஹாலிவுட் நடிகர் டேனியல் கால்டகிரோன் இணைந்துள்ள தகவலை படக்குழு BTS புகைப்படம் ஒன்றை வெளியிட்டு அதிகாரப்பூர்வமாக தெரிவித்துள்ளது. இதில் டேனியல் கால்டகிரோன், வேட்டைக்காரராக நடிக்கிறார் என தெரிவிக்கப்பட்டுள்ளது இவர், பல ஹாலிவுட் படங்களில் நடித்த மிகவும் பிரபலமானவர் என்பது குறிப்பிடத்தக்கது.