Disha Patani Salary : கங்குவா திரைப்படத்தின் மூலம் முதல் முறையாக பிரபல பாலிவுட் நடிகை திஷா பாட்னி, தமிழ் திரை உலகில் நாயகியாக களமிறங்கி இருக்கிறார் என்பது குறிப்பிடத்தக்கது.
உத்திரபிரதேசத்தில் பிறந்து, பாலிவுட் திரைப்படங்கள் மூலம் கலை உலகில் அறிமுகமான நடிகை தான் திஷா பாட்னி. ஆனால் இவருடைய குடும்பத்தின் நிலையே வேறு, காரணம் திஷாவின் அப்பா ஒரு காவல்துறை அதிகாரியாக பணியாற்றியவர். அவருடைய தாய் ஹெல்த் இன்ஸ்பெக்டராக பணியாற்றியவர். அதுமட்டுமல்ல திஷா பாட்னியின் அக்காவும் இந்திய ராணுவப்படையில் லெப்டினன்டாக பணியாற்றியவர் என்பது குறிப்பிடத்தக்கது. ஆனால் திஷா பாட்னி மட்டும் இன்ஜினியரிங் படிப்பை பாதியில் நிறுத்திவிட்டு, மாடல் அழகியாக தன்னுடைய பயணத்தை தொடங்கினார். கடந்த 2013ஆம் ஆண்டு நடைபெற்ற "பான்ஸ் ஃபெமினா மிஸ் இந்தியா இன்டோர்" போட்டியில் இரண்டாவது இடம் பிடித்து அசத்தினார். இப்போது 32 வயதாகும் திஷா பாட்னி, கடந்த 9 ஆண்டுகளாக திரைத்துறையில் பயணித்து வருகிறார்.
என்ன கங்குவா வராரு? மீண்டும் ஆட்டத்தை ஆரமிக்கும் கார்த்தி - நலனின் "வா வாத்தியார்" டீசர் இதோ!
பாலிவுட் உலகில் மிகப்பெரிய நாயகியாக வலம் வர வேண்டும் என்கின்ற கனவோடு களமிறங்கியர் திஷா பாட்னி, கடந்த 2015 ஆம் ஆண்டு தெலுங்கு மொழியில் வெளியான "லோஃபர்" என்கின்ற திரைப்படத்தின் மூலம் தான் தன்னுடைய கலை பயணத்தை ஆரம்பித்தார். அதன் பிறகு 2016 ஆம் ஆண்டு மறைந்த நடிகர் ஷுஷாந்த் சிங் நடிப்பில் வந்த எம்.எஸ் தோனியின் வாழ்க்கை வரலாறு படத்தில் ஒரு முக்கிய கதாபாத்திரம் ஏற்று நடித்து அசத்தியிருந்தார். அதை தொடர்ந்து ஹிந்தி படங்களில் அவர் நடிக்க தொடங்கினார். கடந்த 2017 ஆம் ஆண்டு சீன மொழியில் வெளியான ஒரு படத்திலும் அவர் நடித்திருந்தார்.
பாலிவுட் உலகில் வெளியாகி மிகப்பெரிய வரவேற்பு பெற்ற "பாகி 2", "பாரத்", "பாகி 3", "ராதே" போன்ற பல திரைப்படங்கள் திஷா பாட்னிக்கு மிகப்பெரிய வரவேற்பு கொடுத்தது. இந்த சூழலில் தான் இந்த 2024 ஆம் ஆண்டு பிரபல நடிகர் பிரபாஸ், அமிதாபச்சன், கமல்ஹாசன், தீபிகா படுகோனே உள்ளிட்டவர்கள் நடித்து வெளியாகி உலக அளவில் மிகப் பெரிய ஹிட்டான "கல்கி" திரைப்படத்தில் ஒரு சிறு கதாபாத்திரம் ஏற்று அவர் நடித்திருந்தார். இந்த சூழலில் தமிழ் சினிமாவில் முதல் முறையாக கங்குவா திரைப்படத்தின் மூலம் அவர் நாயகியாக களமிறங்கினார்.
நாளை நவம்பர் 14ஆம் தேதி உலக அளவில் சுமார் 38 மொழிகளில் 11 ஆயிரத்து 500 திரையரங்குகளில் கங்குவா திரைப்படம் பிரம்மாண்டமாக வெளியாக உள்ளது. இந்த சூழலில் திஷா பாட்னியும் தன்னுடைய திரைப்பட பிரமோஷன் பணிகளுக்காக இந்திய அளவில் பயணம் செய்து வருகிறார். மேலும் பொதுவாக இரண்டு முதல் 12 கோடி ரூபாய் வரை சம்பளமாக பெறும் திஷா பாட்னி, கங்குவா திரைப்படத்தில் நடிக்க 3 முதல் 5 கோடி வரை சம்பளம் பெற்றதாக தகவல்கள் வெளியாகி உள்ளது.
தங்கலான் - கங்குவா; இந்த படங்களின் காம்போ உருவாக வாய்ப்பு இருக்கா? சூர்யா சொன்ன பதில் என்ன?
சேனலை கிளிக் செய்து பின்தொடரவும்